| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၈. ဒေဝဒတ္တသုတ္တဝဏ္ဏနာ
8. Devadattasuttavaṇṇanā
၆၈. အဋ္ဌမေ ကာလေ သမ္ပတ္တေတိ ဂဗ္ဘသ္သ ပရိပာကဂတတ္တာ ဝိဇာယနကာလေ သမ္ပတ္တေ။ ပောတကန္တိ အသ္သတရိယာ ပုတ္တံ။ ‘‘ဖလံ ဝေ ကဒလိံ ဟန္တီ’’တိအာဒိဂာထာယ ကုက္ကုဇကေနေဝ ပတ္တဝဋ္ဋိပသဝသ္သ ဥစ္ဆိန္နတ္တာ ဖလုပ္ပတ္တိ ကဒလိယာ ပရာဘဝာယ ဟောတီတိ အာဟ ‘‘ဖလံ ဝေ ကဒလိံ ဟန္တီ’’တိ။ ကုက္ကုဇကံ နာမ ကဒလိယာ ပုပ္ဖနာဠံ။ တထာ ဖလပာကပရိယောသာနတ္တာ ဩသဓီနံ ‘‘ဖလံ ဝေဠုံ နဠ’’န္တိ ဝုတ္တံ။ အယံ ပနေတ္ထ ပိဏ္ဍတ္ထော – ယထာ အတ္တနော ဖလံ ကဒလိဝေဠုနဠေ ဝိနာသေတိ, ဂဗ္ဘော စ အသ္သတရိံ, ဧဝံ အတ္တနော ကမ္မဘူတော သက္ကာရော အသပ္ပုရိသံ ဝိနာသေတီတိ။
68. Aṭṭhame kāle sampatteti gabbhassa paripākagatattā vijāyanakāle sampatte. Potakanti assatariyā puttaṃ. ‘‘Phalaṃ ve kadaliṃ hantī’’tiādigāthāya kukkujakeneva pattavaṭṭipasavassa ucchinnattā phaluppatti kadaliyā parābhavāya hotīti āha ‘‘phalaṃ ve kadaliṃ hantī’’ti. Kukkujakaṃ nāma kadaliyā pupphanāḷaṃ. Tathā phalapākapariyosānattā osadhīnaṃ ‘‘phalaṃ veḷuṃ naḷa’’nti vuttaṃ. Ayaṃ panettha piṇḍattho – yathā attano phalaṃ kadaliveḷunaḷe vināseti, gabbho ca assatariṃ, evaṃ attano kammabhūto sakkāro asappurisaṃ vināsetīti.
ဒေဝဒတ္တသုတ္တဝဏ္ဏနာ နိဋ္ဌိတာ။
Devadattasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. ဒေဝဒတ္တသုတ္တံ • 8. Devadattasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၈. ဒေဝဒတ္တသုတ္တဝဏ္ဏနာ • 8. Devadattasuttavaṇṇanā
