| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၉. ပဓာနသုတ္တဝဏ္ဏနာ
9. Padhānasuttavaṇṇanā
၆၉. နဝမေ ပဒဟတိ ဧတေဟီတိ ပဓာနာနိ။ ဥတ္တမဝီရိယာနိ သေဋ္ဌဝီရိယာနိ ဝိသိဋ္ဌသ္သ အတ္ထသ္သ သာဓနတော။ ကိလေသာနံ သံဝရတ္ထာယာတိ ယထာ အဘိဇ္ဈာဒယော န ဥပ္ပဇ္ဇန္တိ, ဧဝံ သတိယာ ဥပဋ္ဌာနေန ကိလေသာနံ သံဝရဏတ္ထာယ။ ပဇဟနတ္ထာယာတိ ကာမဝိတက္ကာဒီနံ ဝိနောဒနတ္ထာယ။ ပဓာနန္တိ တသ္သေဝ ပဇဟနသ္သ သာဓနဝသေန ပဝတ္တဝီရိယံ။ ကုသလာနံ ဓမ္မာနံ ဗ္ရူဟနတ္ထာယာတိ ဗောဇ္ဈင္ဂသင္ခာတာနံ ကုသလဓမ္မာနံ ဝဍ္ဎနတ္ထာယ။ ပဓာနန္တိ တသ္သေဝ ဝဍ္ဎနသ္သ သာဓနဝသေန ပဝတ္တဝီရိယံ။
69. Navame padahati etehīti padhānāni. Uttamavīriyāni seṭṭhavīriyāni visiṭṭhassa atthassa sādhanato. Kilesānaṃ saṃvaratthāyāti yathā abhijjhādayo na uppajjanti, evaṃ satiyā upaṭṭhānena kilesānaṃ saṃvaraṇatthāya. Pajahanatthāyāti kāmavitakkādīnaṃ vinodanatthāya. Padhānanti tasseva pajahanassa sādhanavasena pavattavīriyaṃ. Kusalānaṃ dhammānaṃ brūhanatthāyāti bojjhaṅgasaṅkhātānaṃ kusaladhammānaṃ vaḍḍhanatthāya. Padhānanti tasseva vaḍḍhanassa sādhanavasena pavattavīriyaṃ.
ပဓာနသုတ္တဝဏ္ဏနာ နိဋ္ဌိတာ။
Padhānasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၉. ပဓာနသုတ္တံ • 9. Padhānasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၉. ပဓာနသုတ္တဝဏ္ဏနာ • 9. Padhānasuttavaṇṇanā
