| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၈. ဒေဝဒတ္တသုတ္တဝဏ္ဏနာ
8. Devadattasuttavaṇṇanā
၆၈. အဋ္ဌမေ အစိရပက္ကန္တေ ဒေဝဒတ္တေတိ သင္ဃံ ဘိန္ဒိတ္ဝာ နစိရပက္ကန္တေ။ ပရာဘဝာယာတိ အဝဍ္ဎိယာ ဝိနာသာယ။ အသ္သတရီတိ ဝဠဝာယ ကုစ္ဆိသ္မိံ ဂဒ္ရဘသ္သ ဇာတာ။ အတ္တဝဓာယ ဂဗ္ဘံ ဂဏ္ဟာတီတိ တံ အသ္သေန သဒ္ဓိံ သမ္ပယောဇေန္တိ, သာ ဂဗ္ဘံ ဂဏ္ဟိတ္ဝာ ကာလေ သမ္ပတ္တေ ဝိဇာယိတုံ နသက္ကောန္တီ ပာဒေဟိ ဘူမိံ ပဟရန္တီ တိဋ္ဌတိ။ အထသ္သာ စတ္တာရော ပာဒေ စတူသု ခာဏူသု ဗန္ဓိတ္ဝာ ကုစ္ဆိံ ဖာလေတ္ဝာ ပောတကံ နီဟရန္တိ။ သာ တတ္ထေဝ မရတိ။ တေနေတံ ဝုတ္တံ။
68. Aṭṭhame acirapakkante devadatteti saṅghaṃ bhinditvā nacirapakkante. Parābhavāyāti avaḍḍhiyā vināsāya. Assatarīti vaḷavāya kucchismiṃ gadrabhassa jātā. Attavadhāya gabbhaṃ gaṇhātīti taṃ assena saddhiṃ sampayojenti, sā gabbhaṃ gaṇhitvā kāle sampatte vijāyituṃ nasakkontī pādehi bhūmiṃ paharantī tiṭṭhati. Athassā cattāro pāde catūsu khāṇūsu bandhitvā kucchiṃ phāletvā potakaṃ nīharanti. Sā tattheva marati. Tenetaṃ vuttaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. ဒေဝဒတ္တသုတ္တံ • 8. Devadattasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈. ဒေဝဒတ္တသုတ္တဝဏ္ဏနာ • 8. Devadattasuttavaṇṇanā
