| Library / Tipiṭaka / ติปิฎก • Tipiṭaka / ธมฺมปทปาฬิ • Dhammapadapāḷi |
๑๐. ทณฺฑวโคฺค
10. Daṇḍavaggo
๑๒๙.
129.
สเพฺพ ตสนฺติ ทณฺฑสฺส, สเพฺพ ภายนฺติ มจฺจุโน;
Sabbe tasanti daṇḍassa, sabbe bhāyanti maccuno;
อตฺตานํ อุปมํ กตฺวา, น หเนยฺย น ฆาตเยฯ
Attānaṃ upamaṃ katvā, na haneyya na ghātaye.
๑๓๐.
130.
สเพฺพ ตสนฺติ ทณฺฑสฺส, สเพฺพสํ ชีวิตํ ปิยํ;
Sabbe tasanti daṇḍassa, sabbesaṃ jīvitaṃ piyaṃ;
อตฺตานํ อุปมํ กตฺวา, น หเนยฺย น ฆาตเยฯ
Attānaṃ upamaṃ katvā, na haneyya na ghātaye.
๑๓๑.
131.
สุขกามานิ ภูตานิ, โย ทเณฺฑน วิหิํสติ;
Sukhakāmāni bhūtāni, yo daṇḍena vihiṃsati;
อตฺตโน สุขเมสาโน, เปจฺจ โส น ลภเต สุขํฯ
Attano sukhamesāno, pecca so na labhate sukhaṃ.
๑๓๒.
132.
สุขกามานิ ภูตานิ, โย ทเณฺฑน น หิํสติ;
Sukhakāmāni bhūtāni, yo daṇḍena na hiṃsati;
อตฺตโน สุขเมสาโน, เปจฺจ โส ลภเต สุขํฯ
Attano sukhamesāno, pecca so labhate sukhaṃ.
๑๓๓.
133.
๑๓๔.
134.
สเจ เนเรสิ อตฺตานํ, กํโส อุปหโต ยถา;
Sace neresi attānaṃ, kaṃso upahato yathā;
เอส ปโตฺตสิ นิพฺพานํ, สารโมฺภ เต น วิชฺชติฯ
Esa pattosi nibbānaṃ, sārambho te na vijjati.
๑๓๕.
135.
ยถา ทเณฺฑน โคปาโล, คาโว ปาเชติ โคจรํ;
Yathā daṇḍena gopālo, gāvo pājeti gocaraṃ;
เอวํ ชรา จ มจฺจุ จ, อายุํ ปาเชนฺติ ปาณินํฯ
Evaṃ jarā ca maccu ca, āyuṃ pājenti pāṇinaṃ.
๑๓๖.
136.
อถ ปาปานิ กมฺมานิ, กรํ พาโล น พุชฺฌติ;
Atha pāpāni kammāni, karaṃ bālo na bujjhati;
เสหิ กเมฺมหิ ทุเมฺมโธ, อคฺคิทโฑฺฒว ตปฺปติฯ
Sehi kammehi dummedho, aggidaḍḍhova tappati.
๑๓๗.
137.
โย ทเณฺฑน อทเณฺฑสุ, อปฺปทุเฎฺฐสุ ทุสฺสติ;
Yo daṇḍena adaṇḍesu, appaduṭṭhesu dussati;
ทสนฺนมญฺญตรํ ฐานํ, ขิปฺปเมว นิคจฺฉติฯ
Dasannamaññataraṃ ṭhānaṃ, khippameva nigacchati.
๑๓๘.
138.
๑๓๙.
139.
๑๔๐.
140.
๑๔๑.
141.
น นคฺคจริยา น ชฎา น ปงฺกา, นานาสกา ถณฺฑิลสายิกา วา;
Na naggacariyā na jaṭā na paṅkā, nānāsakā thaṇḍilasāyikā vā;
รโชชลฺลํ อุกฺกุฎิกปฺปธานํ, โสเธนฺติ มจฺจํ อวิติณฺณกงฺขํฯ
Rajojallaṃ ukkuṭikappadhānaṃ, sodhenti maccaṃ avitiṇṇakaṅkhaṃ.
๑๔๒.
142.
อลงฺกโต เจปิ สมํ จเรยฺย, สโนฺต ทโนฺต นิยโต พฺรหฺมจารี;
Alaṅkato cepi samaṃ careyya, santo danto niyato brahmacārī;
สเพฺพสุ ภูเตสุ นิธาย ทณฺฑํ, โส พฺราหฺมโณ โส สมโณ ส ภิกฺขุฯ
Sabbesu bhūtesu nidhāya daṇḍaṃ, so brāhmaṇo so samaṇo sa bhikkhu.
๑๔๓.
143.
หิรีนิเสโธ ปุริโส, โกจิ โลกสฺมิ วิชฺชติ;
Hirīnisedho puriso, koci lokasmi vijjati;
๑๔๔.
144.
อโสฺส ยถา ภโทฺร กสานิวิโฎฺฐ, อาตาปิโน สํเวคิโน ภวาถ;
Asso yathā bhadro kasāniviṭṭho, ātāpino saṃvegino bhavātha;
สทฺธาย สีเลน จ วีริเยน จ, สมาธินา ธมฺมวินิจฺฉเยน จ;
Saddhāya sīlena ca vīriyena ca, samādhinā dhammavinicchayena ca;
สมฺปนฺนวิชฺชาจรณา ปติสฺสตา, ชหิสฺสถ 27 ทุกฺขมิทํ อนปฺปกํฯ
Sampannavijjācaraṇā patissatā, jahissatha 28 dukkhamidaṃ anappakaṃ.
๑๔๕.
145.
อุทกญฺหิ นยนฺติ เนตฺติกา, อุสุการา นมยนฺติ เตชนํ;
Udakañhi nayanti nettikā, usukārā namayanti tejanaṃ;
ทารุํ นมยนฺติ ตจฺฉกา, อตฺตานํ ทมยนฺติ สุพฺพตาฯ
Dāruṃ namayanti tacchakā, attānaṃ damayanti subbatā.
ทณฺฑวโคฺค ทสโม นิฎฺฐิโตฯ
Daṇḍavaggo dasamo niṭṭhito.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ธมฺมปท-อฎฺฐกถา • Dhammapada-aṭṭhakathā / ๑๐. ทณฺฑวโคฺค • 10. Daṇḍavaggo
