| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਦਾਮਲਿਸੁਤ੍ਤવਣ੍ਣਨਾ
5. Dāmalisuttavaṇṇanā
੮੬. ਤੇਨ ਕਾਰਣੇਨਾਤਿ ਤੇਨ ਪਧਾਨੇਨ ਕਾਰਣਭੂਤੇਨ, ਪਧਾਨਕਰਣਨਿਮਿਤ੍ਤਨ੍ਤਿ ਅਤ੍ਥੋ। ਯਂ ਕਿਞ੍ਚਿ ਖੁਦ੍ਦਕਮ੍ਪਿ ਮਹਨ੍ਤਮ੍ਪਿ ਹੀਨਮ੍ਪਿ ਪਣੀਤਮ੍ਪਿ ਭવਂ। ਆਯਤਪਗ੍ਗਹੋਤਿ ਦੀਘਰਤ੍ਤਸ੍ਸ વੀਰਿਯਾਰਮ੍ਭੋ। ਕਿਚ੍ਚવੋਸਾਨਨ੍ਤਿ ਕਿਚ੍ਚਨਿਟ੍ਠਾਨਂ। ਤਥੇવਾਤਿ ਯਥਾ ਅਰਹਤ੍ਤੁਪ੍ਪਤ੍ਤਿਤੋ ਪੁਬ੍ਬੇ, ਤਤੋ ਪਚ੍ਛਾਪਿ ਤਥੇવ ‘‘ਬੁਦ੍ਧਿਪਗ੍ਗਹੋ’’ਤਿ વੀਰਿਯਂ ਦਲ਼੍ਹਂ ਕਰੋਤੂਤਿ ਕੁਪ੍ਪਧਮ੍ਮਂ વਿਯ ਮਞ੍ਞਮਾਨੋ વਦਤਿ। ਦਿਟ੍ਠਧਮ੍ਮਸੁਖવਿਹਾਰਾਦਿਅਤ੍ਥਂ ਪਨ વੀਰਿਯਕਰਣਂ ਇਚ੍ਛਿਤਬ੍ਬਮੇવ।
86.Tena kāraṇenāti tena padhānena kāraṇabhūtena, padhānakaraṇanimittanti attho. Yaṃ kiñci khuddakampi mahantampi hīnampi paṇītampi bhavaṃ. Āyatapaggahoti dīgharattassa vīriyārambho. Kiccavosānanti kiccaniṭṭhānaṃ. Tathevāti yathā arahattuppattito pubbe, tato pacchāpi tatheva ‘‘buddhipaggaho’’ti vīriyaṃ daḷhaṃ karotūti kuppadhammaṃ viya maññamāno vadati. Diṭṭhadhammasukhavihārādiatthaṃ pana vīriyakaraṇaṃ icchitabbameva.
ਅਸਂਕਿਣ੍ਣਾਤਿ ਅવੋਮਿਸ੍ਸਾ ਏવਂ ਅਞ੍ਞਤ੍ਥ ਅਨਾਗਤਤ੍ਤਾ। ਤੇਨਾਹ ‘‘ਭਗવਤਾ ਹੀ’’ਤਿਆਦਿ। ਯਦਿ ਏવਂ ਇਧੇવ ਕਸ੍ਮਾ ਏਤਂ વੁਤ੍ਤਨ੍ਤਿ ਆਹ ‘‘ਇਧ ਪਨਾ’’ਤਿਆਦਿ। ਪਤਿਟ੍ਠਨ੍ਤਿ ਨਦੀ ਨਾਮ ਅਨવਟ੍ਠਿਤਤੀਰਾ, ਤਤ੍ਥ ਪਤਿਟ੍ਠਾਤਬ੍ਬਟ੍ਠਾਨਂ।
Asaṃkiṇṇāti avomissā evaṃ aññattha anāgatattā. Tenāha ‘‘bhagavatā hī’’tiādi. Yadi evaṃ idheva kasmā etaṃ vuttanti āha ‘‘idha panā’’tiādi. Patiṭṭhanti nadī nāma anavaṭṭhitatīrā, tattha patiṭṭhātabbaṭṭhānaṃ.
ਦਾਮਲਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dāmalisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਦਾਮਲਿਸੁਤ੍ਤਂ • 5. Dāmalisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਦਾਮਲਿਸੁਤ੍ਤવਣ੍ਣਨਾ • 5. Dāmalisuttavaṇṇanā
