| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਦਾਮਲਿਸੁਤ੍ਤવਣ੍ਣਨਾ
5. Dāmalisuttavaṇṇanā
੮੬. ਪਞ੍ਚਮੇ ਨ ਤੇਨਾਸੀਸਤੇ ਭવਨ੍ਤਿ ਤੇਨ ਕਾਰਣੇਨ ਯਂ ਕਿਞ੍ਚਿ ਭવਂ ਨ ਪਤ੍ਥੇਤਿ। ਆਯਤਪਗ੍ਗਹੋ ਨਾਮੇਸ ਦੇવਪੁਤ੍ਤੋ, ਖੀਣਾਸવਸ੍ਸ ਕਿਚ੍ਚવੋਸਾਨਂ ਨਤ੍ਥਿ। ਖੀਣਾਸવੇਨ ਹਿ ਆਦਿਤੋ ਅਰਹਤ੍ਤਪ੍ਪਤ੍ਤਿਯਾ વੀਰਿਯਂ ਕਤਂ , ਅਪਰਭਾਗੇ ਮਯਾ ਅਰਹਤ੍ਤਂ ਪਤ੍ਤਨ੍ਤਿ ਮਾ ਤੁਣ੍ਹੀ ਭવਤੁ, ਤਥੇવ વੀਰਿਯਂ ਦਲ਼੍ਹਂ ਕਰੋਤੁ ਪਰਕ੍ਕਮਤੂਤਿ ਚਿਨ੍ਤੇਤ੍વਾ ਏવਮਾਹ।
86. Pañcame na tenāsīsate bhavanti tena kāraṇena yaṃ kiñci bhavaṃ na pattheti. Āyatapaggaho nāmesa devaputto, khīṇāsavassa kiccavosānaṃ natthi. Khīṇāsavena hi ādito arahattappattiyā vīriyaṃ kataṃ , aparabhāge mayā arahattaṃ pattanti mā tuṇhī bhavatu, tatheva vīriyaṃ daḷhaṃ karotu parakkamatūti cintetvā evamāha.
ਅਥ ਭਗવਾ ‘‘ਅਯਂ ਦੇવਪੁਤ੍ਤੋ ਖੀਣਾਸવਸ੍ਸ ਕਿਚ੍ਚવੋਸਾਨਂ ਅਕਥੇਨ੍ਤੋ ਮਮ ਸਾਸਨਂ ਅਨਿਯ੍ਯਾਨਿਕਂ ਕਥੇਤਿ, ਕਿਚ੍ਚવੋਸਾਨਮਸ੍ਸ ਕਥੇਸ੍ਸਾਮੀ’’ਤਿ ਚਿਨ੍ਤੇਤ੍વਾ ਨਤ੍ਥਿ ਕਿਚ੍ਚਨ੍ਤਿਆਦਿਮਾਹ। ਤੀਸੁ ਕਿਰ ਪਿਟਕੇਸੁ ਅਯਂ ਗਾਥਾ ਅਸਂਕਿਣ੍ਣਾ। ਭਗવਤਾ ਹਿ ਅਞ੍ਞਤ੍ਥ વੀਰਿਯਸ੍ਸ ਦੋਸੋ ਨਾਮ ਦਸ੍ਸਿਤੋ ਨਤ੍ਥਿ। ਇਧ ਪਨ ਇਮਂ ਦੇવਪੁਤ੍ਤਂ ਪਟਿਬਾਹਿਤ੍વਾ ‘‘ਖੀਣਾਸવੇਨ ਪੁਬ੍ਬਭਾਗੇ ਆਸવਕ੍ਖਯਤ੍ਥਾਯ ਅਰਞ੍ਞੇ વਸਨ੍ਤੇਨ ਕਮ੍ਮਟ੍ਠਾਨਂ ਆਦਾਯ વੀਰਿਯਂ ਕਤਂ, ਅਪਰਭਾਗੇ ਸਚੇ ਇਚ੍ਛਤਿ, ਕਰੋਤੁ, ਨੋ ਚੇ ਇਚ੍ਛਤਿ, ਯਥਾਸੁਖਂ વਿਹਰਤੂ’’ਤਿ ਖੀਣਾਸવਸ੍ਸ ਕਿਚ੍ਚવੋਸਾਨਦਸ੍ਸਨਤ੍ਥਂ ਏવਮਾਹ। ਤਤ੍ਥ ਗਾਧਨ੍ਤਿ ਪਤਿਟ੍ਠਂ। ਪਞ੍ਚਮਂ।
Atha bhagavā ‘‘ayaṃ devaputto khīṇāsavassa kiccavosānaṃ akathento mama sāsanaṃ aniyyānikaṃ katheti, kiccavosānamassa kathessāmī’’ti cintetvā natthi kiccantiādimāha. Tīsu kira piṭakesu ayaṃ gāthā asaṃkiṇṇā. Bhagavatā hi aññattha vīriyassa doso nāma dassito natthi. Idha pana imaṃ devaputtaṃ paṭibāhitvā ‘‘khīṇāsavena pubbabhāge āsavakkhayatthāya araññe vasantena kammaṭṭhānaṃ ādāya vīriyaṃ kataṃ, aparabhāge sace icchati, karotu, no ce icchati, yathāsukhaṃ viharatū’’ti khīṇāsavassa kiccavosānadassanatthaṃ evamāha. Tattha gādhanti patiṭṭhaṃ. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਦਾਮਲਿਸੁਤ੍ਤਂ • 5. Dāmalisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਦਾਮਲਿਸੁਤ੍ਤવਣ੍ਣਨਾ • 5. Dāmalisuttavaṇṇanā
