| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣០. ចិតកបូជកវគ្គោ
30. Citakapūjakavaggo
១. ចិតកបូជកត្ថេរអបទានំ
1. Citakapūjakattheraapadānaṃ
១.
1.
‘‘អជិតោ នាម នាមេន, អហោសិំ ព្រាហ្មណោ តទា;
‘‘Ajito nāma nāmena, ahosiṃ brāhmaṇo tadā;
អាហុតិំ យិដ្ឋុកាមោហំ, នានាបុប្ផំ សមានយិំ។
Āhutiṃ yiṭṭhukāmohaṃ, nānāpupphaṃ samānayiṃ.
២.
2.
‘‘ជលន្តំ ចិតកំ ទិស្វា, សិខិនោ លោកពន្ធុនោ;
‘‘Jalantaṃ citakaṃ disvā, sikhino lokabandhuno;
តញ្ច បុប្ផំ សមានេត្វា, ចិតកេ ឱកិរិំ អហំ។
Tañca pupphaṃ samānetvā, citake okiriṃ ahaṃ.
៣.
3.
‘‘ឯកត្តិំសេ ឥតោ កប្បេ, យំ បុប្ផមភិបូជយិំ;
‘‘Ekattiṃse ito kappe, yaṃ pupphamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៤.
4.
សុបជ្ជលិតនាមា តេ, ចក្កវត្តី មហព្ពលា។
Supajjalitanāmā te, cakkavattī mahabbalā.
៥.
5.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា ចិតកបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā citakapūjako thero imā gāthāyo abhāsitthāti.
ចិតកបូជកត្ថេរស្សាបទានំ បឋមំ។
Citakapūjakattherassāpadānaṃ paṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ចិតកបូជកត្ថេរអបទានាទិវណ្ណនា • 1-10. Citakapūjakattheraapadānādivaṇṇanā
