| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៩. ឆត្តុបាហនវគ្គវណ្ណនា
9. Chattupāhanavaggavaṇṇanā
១២១៤. ឆត្តុបាហនវគ្គស្ស ឯកាទសមេ ឧបចារំ សន្ធាយាតិ សមន្តា ទ្វាទសហត្ថុបចារំ សន្ធាយ។ សេសំ សព្ពត្ថ ឧត្តានមេវ។
1214. Chattupāhanavaggassa ekādasame upacāraṃ sandhāyāti samantā dvādasahatthupacāraṃ sandhāya. Sesaṃ sabbattha uttānameva.
ឆត្តុបាហនវគ្គវណ្ណនា និដ្ឋិតា។
Chattupāhanavaggavaṇṇanā niṭṭhitā.
គិរគ្គសមជ្ជាទីនិ អចិត្តកានិ លោកវជ្ជានីតិ វុត្តត្តា នច្ចន្តិ វា វណ្ណកន្តិ វា អជានិត្វាវ បស្សន្តិយា វា នហាយន្តិយា វា អាបត្តិសម្ភវតោ វត្ថុអជាននចិត្តេន អចិត្តកានិ, នច្ចន្តិ វា វណ្ណកន្តិ វា ជានិត្វា បស្សន្តិយា វា នហាយន្តិយា វា អកុសលេនេវ អាបជ្ជនតោ លោកវជ្ជានីតិ វេទិតព្ពានិ។ ចោរីវុដ្ឋាបនាទីនិ ចោរីតិអាទិនា វត្ថុំ ជានិត្វា ករណេ ឯវ អាបត្តិសម្ភវតោ សចិត្តកានិ, ឧបសម្បទាទីនំ ឯកន្តអកុសលចិត្តេនេវ អកត្តព្ពត្តា បណ្ណត្តិវជ្ជានិ។ ‘‘ឥធ សចិត្តកាចិត្តកតា បណ្ណត្តិជាននាជាននតាយ អគ្គហេត្វា វត្ថុជាននាជាននតាយ គហេតព្ពា’’តិ តីសុបិ គណ្ឋិបទេសុ វុត្តំ។ សេសមេត្ថ ឧត្តានត្ថមេវ។
Giraggasamajjādīni acittakāni lokavajjānīti vuttattā naccanti vā vaṇṇakanti vā ajānitvāva passantiyā vā nahāyantiyā vā āpattisambhavato vatthuajānanacittena acittakāni, naccanti vā vaṇṇakanti vā jānitvā passantiyā vā nahāyantiyā vā akusaleneva āpajjanato lokavajjānīti veditabbāni. Corīvuṭṭhāpanādīni corītiādinā vatthuṃ jānitvā karaṇe eva āpattisambhavato sacittakāni, upasampadādīnaṃ ekantaakusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggahetvā vatthujānanājānanatāya gahetabbā’’ti tīsupi gaṇṭhipadesu vuttaṃ. Sesamettha uttānatthameva.
ភិក្ខុនីវិភង្គេ ខុទ្ទកវណ្ណនា និដ្ឋិតា។
Bhikkhunīvibhaṅge khuddakavaṇṇanā niṭṭhitā.
បាចិត្តិយកណ្ឌំ និដ្ឋិតំ។
Pācittiyakaṇḍaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ១១. ឯកាទសមសិក្ខាបទំ • 11. Ekādasamasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ១១. ឯកាទសមសិក្ខាបទវណ្ណនា • 11. Ekādasamasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ១១. ឯកាទសមាទិសិក្ខាបទវណ្ណនា • 11. Ekādasamādisikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១១. ឯកាទសមសិក្ខាបទំ • 11. Ekādasamasikkhāpadaṃ
