| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៥. បាដិទេសនីយកណ្ឌំ (ភិក្ខុនីវិភង្គវណ្ណនា)
5. Pāṭidesanīyakaṇḍaṃ (bhikkhunīvibhaṅgavaṇṇanā)
បាដិទេសនីយសិក្ខាបទវណ្ណនា
Pāṭidesanīyasikkhāpadavaṇṇanā
១២២៨. បាដិទេសនីយា នាម យេ អដ្ឋ ធម្មា សង្ខេបេនេវ សង្គហំ អារុឡ្ហាតិ សម្ពន្ធោ។ បាឡិវិនិមុត្តកេសូតិ បាឡិយំ អនាគតេសុ សប្បិអាទីសុ។
1228. Pāṭidesanīyā nāma ye aṭṭha dhammā saṅkhepeneva saṅgahaṃ āruḷhāti sambandho. Pāḷivinimuttakesūti pāḷiyaṃ anāgatesu sappiādīsu.
បាដិទេសនីយសិក្ខាបទវណ្ណនា និដ្ឋិតា។
Pāṭidesanīyasikkhāpadavaṇṇanā niṭṭhitā.
បាដិទេសនីយកណ្ឌំ និដ្ឋិតំ។
Pāṭidesanīyakaṇḍaṃ niṭṭhitaṃ.
យេ បន បញ្ចសត្តតិ សេខិយា ធម្មា ឧទ្ទិដ្ឋា, យេ ច តេសំ អនន្តរា សត្តាធិករណវ្ហយា ធម្មា ឧទ្ទិដ្ឋាតិ សម្ពន្ធោ។ តត្ថ តេសន្តិ តេសំ សេខិយានំ។ សត្តាធិករណវ្ហយាតិ សត្តាធិករណសមថសង្ខាតា។ តំ អត្ថវិនិច្ឆយំ តាទិសំយេវ យស្មា វិទូ វទន្តីតិ អត្ថោ។
Ye pana pañcasattati sekhiyā dhammā uddiṭṭhā, ye ca tesaṃ anantarā sattādhikaraṇavhayā dhammā uddiṭṭhāti sambandho. Tattha tesanti tesaṃ sekhiyānaṃ. Sattādhikaraṇavhayāti sattādhikaraṇasamathasaṅkhātā. Taṃ atthavinicchayaṃ tādisaṃyeva yasmā vidū vadantīti attho.
យថា និដ្ឋិតាតិ សម្ពន្ធោ។ សព្ពាសវបហំ មគ្គន្តិ សព្ពាសវវិឃាតកំ អរហត្តមគ្គំ បត្វា សសន្តានេ ឧប្បាទេត្វា។ បស្សន្តុ និព្ពុតិន្តិ មគ្គញាណលោចនេន និព្ពានំ សច្ឆិករោន្តុ, បប្បោន្តូតិ វា បាឋោ។ តត្ថ និព្ពុតិន្តិ ខន្ធបរិនិព្ពានំ គហេតព្ពំ។
Yathā niṭṭhitāti sambandho. Sabbāsavapahaṃ magganti sabbāsavavighātakaṃ arahattamaggaṃ patvā sasantāne uppādetvā. Passantu nibbutinti maggañāṇalocanena nibbānaṃ sacchikarontu, pappontūti vā pāṭho. Tattha nibbutinti khandhaparinibbānaṃ gahetabbaṃ.
ឥតិ សមន្តបាសាទិកាយ វិនយដ្ឋកថាយ សារត្ថទីបនិយំ។
Iti samantapāsādikāya vinayaṭṭhakathāya sāratthadīpaniyaṃ.
ភិក្ខុនីវិភង្គវណ្ណនា និដ្ឋិតា។
Bhikkhunīvibhaṅgavaṇṇanā niṭṭhitā.
ឧភតោវិភង្គដ្ឋកថាវណ្ណនា និដ្ឋិតា។
Ubhatovibhaṅgaṭṭhakathāvaṇṇanā niṭṭhitā.
បាចិត្តិយវណ្ណនា និដ្ឋិតា។
Pācittiyavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ១. បឋមបាដិទេសនីយសិក្ខាបទំ • 1. Paṭhamapāṭidesanīyasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / បាដិទេសនីយសិក្ខាបទវណ្ណនា • Pāṭidesanīyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / បាដិទេសនីយសិក្ខាបទវណ្ណនា • Pāṭidesanīyasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៥. បាដិទេសនីយសិក្ខាបទ-អត្ថយោជនា • 5. Pāṭidesanīyasikkhāpada-atthayojanā
