| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៩. ឆត្តុបាហនវគ្គវណ្ណនា
9. Chattupāhanavaggavaṇṇanā
១១. ឯកាទសមាទិសិក្ខាបទវណ្ណនា
11. Ekādasamādisikkhāpadavaṇṇanā
១២១៤. ឧបចារំ សន្ធាយ កថិតន្តិ ‘‘ទ្វាទសហត្ថំ ឧបចារោ’’តិ លិខិតំ។
1214.Upacāraṃ sandhāya kathitanti ‘‘dvādasahatthaṃ upacāro’’ti likhitaṃ.
១២២១. សុត្តន្តេ ឱកាសំ ការាបេត្វា វិនយំ វា អភិធម្មំ វា បុច្ឆតីតិ ឯត្ថ ច តីណិ បិដកានិ អត្តនោ អត្តនោ នាមេន វុត្តានីតិ កត្វា អភិធម្មោ ពុទ្ធេន ភាសិតោ ឯវាតិ ទីបិតំ ហោតិ។
1221.Suttante okāsaṃ kārāpetvā vinayaṃ vā abhidhammaṃ vā pucchatīti ettha ca tīṇi piṭakāni attano attano nāmena vuttānīti katvā abhidhammo buddhena bhāsito evāti dīpitaṃ hoti.
១២២៤-៥. ថនោ ច ឧទរោ ច ថនុទរា។ ‘‘សំកច្ចិកាយ បមាណំ តិរិយំ ទិយឌ្ឍហត្ថា’’តិ បោរាណគណ្ឋិបទេ វុត្តំ។ ‘‘អបរិក្ខិត្តស្ស គាមស្ស ឧបចារំ ឱក្កមន្តិយា’’តិ ពហូសុ បោត្ថកេសុ, សង្ឃាទិសេសកណ្ឌេ វិយ ‘‘ឧបចារំ អតិក្កមន្តិយា’’តិ បាឋោ អប្បកេសុ, សោវ បាឋោ។ អដ្ឋកថាយំ ‘‘បរិក្ខេបំ អតិក្កមន្តិយាតិ ឯកេន បាទេន អតិក្កន្តេ ទុក្កដំ, ទុតិយេន បាចិត្តិយំ។ ឧបចារេបិ ឯសេវ នយោ’’តិ វចនម្បិ ‘‘ឧបចារំ អតិក្កមន្តិយា’’តិ បាឋោតិ ទីបេតីតិ នោ តក្កោតិ អាចរិយោ។
1224-5. Thano ca udaro ca thanudarā. ‘‘Saṃkaccikāya pamāṇaṃ tiriyaṃ diyaḍḍhahatthā’’ti porāṇagaṇṭhipade vuttaṃ. ‘‘Aparikkhittassa gāmassa upacāraṃ okkamantiyā’’ti bahūsu potthakesu, saṅghādisesakaṇḍe viya ‘‘upacāraṃ atikkamantiyā’’ti pāṭho appakesu, sova pāṭho. Aṭṭhakathāyaṃ ‘‘parikkhepaṃ atikkamantiyāti ekena pādena atikkante dukkaṭaṃ, dutiyena pācittiyaṃ. Upacārepi eseva nayo’’ti vacanampi ‘‘upacāraṃ atikkamantiyā’’ti pāṭhoti dīpetīti no takkoti ācariyo.
ឯកាទសមាទិសិក្ខាបទវណ្ណនា និដ្ឋិតា។
Ekādasamādisikkhāpadavaṇṇanā niṭṭhitā.
ឆត្តុបាហនវគ្គវណ្ណនា និដ្ឋិតា។
Chattupāhanavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga
១១. ឯកាទសមសិក្ខាបទំ • 11. Ekādasamasikkhāpadaṃ
១២. ទ្វាទសមសិក្ខាបទំ • 12. Dvādasamasikkhāpadaṃ
១៣. តេរសមសិក្ខាបទំ • 13. Terasamasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā
១១. ឯកាទសមសិក្ខាបទវណ្ណនា • 11. Ekādasamasikkhāpadavaṇṇanā
១២. ទ្វាទសមសិក្ខាបទវណ្ណនា • 12. Dvādasamasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៩. ឆត្តុបាហនវគ្គវណ្ណនា • 9. Chattupāhanavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១១. ឯកាទសមសិក្ខាបទំ • 11. Ekādasamasikkhāpadaṃ
