| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៦. ឆដ្ឋសិក្ខាបទំ
6. Chaṭṭhasikkhāpadaṃ
៨១៥. ឆដ្ឋេ ភត្តស្ស វិស្សជ្ជនំ ភត្តវិស្សគ្គោតិ វុត្តេ ភត្តកិច្ចន្តិ ទស្សេន្តោ អាហ ‘‘ភត្តកិច្ច’’ន្តិ។ បានីយសទ្ទេន បានីយថាលកំ គហេតព្ពំ , វិធូបនសទ្ទេន ពីជនី គហេតព្ពា, ឧបសទ្ទោ សមីបត្ថោតិ សព្ពំ ទស្សេន្តោ អាហ ‘‘ឯកេន ហត្ថេនា’’តិអាទិ។ ‘‘អច្ចាវទតី’’តិបទស្ស អតិក្កមិត្វា វទនាការំ ទស្សេតិ ‘‘បុព្ពេបី’’តិអាទិនា។
815. Chaṭṭhe bhattassa vissajjanaṃ bhattavissaggoti vutte bhattakiccanti dassento āha ‘‘bhattakicca’’nti. Pānīyasaddena pānīyathālakaṃ gahetabbaṃ , vidhūpanasaddena bījanī gahetabbā, upasaddo samīpatthoti sabbaṃ dassento āha ‘‘ekena hatthenā’’tiādi. ‘‘Accāvadatī’’tipadassa atikkamitvā vadanākāraṃ dasseti ‘‘pubbepī’’tiādinā.
៨១៧. ‘‘សុទ្ធឧទកំ វា ហោតូ’’តិអាទិនា ‘‘បានីយេនា’’តិ វចនំ ឧបលក្ខណំ នាមាតិ ទស្សេតិ។ ទធិមត្ថូតិ ទធិមណ្ឌំ ទធិនោ សារោ, ទធិម្ហិ បសន្នោទកន្តិ វុត្តំ ហោតិ។ រសោតិ មច្ឆរសោ មំសរសោ។ ‘‘អន្តមសោ ចីវរកណ្ណោបី’’តិ ឥមិនា ‘‘វិធូបនេនា’’តិ វចនំ និទស្សនំ នាមាតិ ទស្សេតិ។
817. ‘‘Suddhaudakaṃ vā hotū’’tiādinā ‘‘pānīyenā’’ti vacanaṃ upalakkhaṇaṃ nāmāti dasseti. Dadhimatthūti dadhimaṇḍaṃ dadhino sāro, dadhimhi pasannodakanti vuttaṃ hoti. Rasoti maccharaso maṃsaraso. ‘‘Antamaso cīvarakaṇṇopī’’ti iminā ‘‘vidhūpanenā’’ti vacanaṃ nidassanaṃ nāmāti dasseti.
៨១៩. ទេតីតិ សយំ ទេតិ។ ទាបេតីតិ អញ្ញេន ទាបេតិ។ ឧភយម្បីតិ បានីយវិធូបនទ្វយម្បីតិ។ ឆដ្ឋំ។
819.Detīti sayaṃ deti. Dāpetīti aññena dāpeti. Ubhayampīti pānīyavidhūpanadvayampīti. Chaṭṭhaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៦. ឆដ្ឋសិក្ខាបទំ • 6. Chaṭṭhasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ៦. ឆដ្ឋសិក្ខាបទវណ្ណនា • 6. Chaṭṭhasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១. លសុណវគ្គវណ្ណនា • 1. Lasuṇavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៥. បញ្ចមសិក្ខាបទវណ្ណនា • 5. Pañcamasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមលសុណាទិសិក្ខាបទវណ្ណនា • 1. Paṭhamalasuṇādisikkhāpadavaṇṇanā
