| Library / Tipiṭaka / តិបិដក • Tipiṭaka / សារត្ថទីបនី-ដីកា • Sāratthadīpanī-ṭīkā |
៤. ឆព្ពស្សសិក្ខាបទវណ្ណនា
4. Chabbassasikkhāpadavaṇṇanā
៥៥៧. ឆព្ពស្សសិក្ខាបទេ បន ‘‘យេសំ នោ សន្ថតេ ទារកា ឧហទន្តិបិ ឧម្មិហន្តិបិ, យេសំ នោ សន្ថតា ឧន្ទូរេហិបិ ខជ្ជន្តី’’តិ ឯវំ បាឡិបទានំ សម្ពន្ធោ វេទិតព្ពោ។ ហទ ករីសោស្សគ្គេ, មិហ សេចនេតិ បនិមស្សត្ថំ សន្ធាយាហ ‘‘វច្ចម្បិ បស្សាវម្បិ ករោន្តី’’តិ។ បវារណាឧបោសថបាដិបទទិវសេសុ សន្ថតំ ករិត្វា បុន ឆដ្ឋេ វស្សេ បរិបុណ្ណេ បវារណាឧបោសថបាដិបទទិវសេសុ ករោន្តោ ‘‘ឆព្ពស្សានិ ករោតី’’តិ វុច្ចតិ។ ទុតិយទិវសតោ បដ្ឋាយ ករោន្តោ បន អតិរេកឆព្ពស្សានិ ករោតិ នាម។
557. Chabbassasikkhāpade pana ‘‘yesaṃ no santhate dārakā uhadantipi ummihantipi, yesaṃ no santhatā undūrehipi khajjantī’’ti evaṃ pāḷipadānaṃ sambandho veditabbo. Hada karīsossagge, miha secaneti panimassatthaṃ sandhāyāha ‘‘vaccampi passāvampi karontī’’ti. Pavāraṇāuposathapāṭipadadivasesu santhataṃ karitvā puna chaṭṭhe vasse paripuṇṇe pavāraṇāuposathapāṭipadadivasesu karonto ‘‘chabbassāni karotī’’ti vuccati. Dutiyadivasato paṭṭhāya karonto pana atirekachabbassāni karoti nāma.
ឆព្ពស្សសិក្ខាបទវណ្ណនា និដ្ឋិតា។
Chabbassasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៤. ឆព្ពស្សសិក្ខាបទំ • 4. Chabbassasikkhāpadaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៤. ឆព្ពស្សសិក្ខាបទវណ្ណនា • 4. Chabbassasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៤. ឆព្ពស្សសិក្ខាបទវណ្ណនា • 4. Chabbassasikkhāpadavaṇṇanā
