| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
២. អនាថបិណ្ឌិកវគ្គោ
2. Anāthapiṇḍikavaggo
១. ចន្ទិមសសុត្តំ
1. Candimasasuttaṃ
៩២. សាវត្ថិនិទានំ ។ អថ ខោ ចន្ទិមសោ 1 ទេវបុត្តោ អភិក្កន្តាយ រត្តិយា អភិក្កន្តវណ្ណោ កេវលកប្បំ ជេតវនំ ឱភាសេត្វា យេន ភគវា តេនុបសង្កមិ; ឧបសង្កមិត្វា ភគវន្តំ អភិវាទេត្វា ឯកមន្តំ អដ្ឋាសិ ។ ឯកមន្តំ ឋិតោ ខោ ចន្ទិមសោ ទេវបុត្តោ ភគវតោ សន្តិកេ ឥមំ គាថំ អភាសិ –
92. Sāvatthinidānaṃ . Atha kho candimaso 2 devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho candimaso devaputto bhagavato santike imaṃ gāthaṃ abhāsi –
‘‘តេ ហិ សោត្ថិំ គមិស្សន្តិ, កច្ឆេ វាមកសេ មគា;
‘‘Te hi sotthiṃ gamissanti, kacche vāmakase magā;
ឈានានិ ឧបសម្បជ្ជ, ឯកោទិ និបកា សតា’’តិ។
Jhānāni upasampajja, ekodi nipakā satā’’ti.
‘‘តេ ហិ បារំ គមិស្សន្តិ, ឆេត្វា ជាលំវ អម្ពុជោ;
‘‘Te hi pāraṃ gamissanti, chetvā jālaṃva ambujo;
ឈានានិ ឧបសម្បជ្ជ, អប្បមត្តា រណញ្ជហា’’តិ។
Jhānāni upasampajja, appamattā raṇañjahā’’ti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១. ចន្ទិមសសុត្តវណ្ណនា • 1. Candimasasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. ចន្ទិមសសុត្តវណ្ណនា • 1. Candimasasuttavaṇṇanā
