| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២. អនាថបិណ្ឌិកវគ្គោ
2. Anāthapiṇḍikavaggo
១. ចន្ទិមសសុត្តវណ្ណនា
1. Candimasasuttavaṇṇanā
៩២. ទុតិយវគ្គស្ស បឋមេ កច្ឆេវាតិ កច្ឆេ វិយ។ កច្ឆេតិ បព្ពតកច្ឆេបិ នទីកច្ឆេបិ។ ឯកោទិ និបកាតិ ឯកគ្គចិត្តា ចេវ បញ្ញានេបក្កេន ច សមន្នាគតា។ សតាតិ សតិមន្តោ។ ឥទំ វុត្តំ ហោតិ – យេ ឈានានិ លភិត្វា ឯកោទី និបកា សតា វិហរន្តិ, តេ អមកសេ បព្ពតកច្ឆេ វា នទីកច្ឆេ វា មគា វិយ សោត្ថិំ គមិស្សន្តីតិ។ បារន្តិ និព្ពានំ។ អម្ពុជោតិ មច្ឆោ។ រណញ្ជហាតិ កិលេសញ្ជហា។ យេបិ ឈានានិ លភិត្វា អប្បមត្តា កិលេសេ ជហន្តិ, តេ សុត្តជាលំ ភិន្ទិត្វា មច្ឆា វិយ និព្ពានំ គមិស្សន្តីតិ វុត្តំ ហោតិ។ បឋមំ។
92. Dutiyavaggassa paṭhame kacchevāti kacche viya. Kaccheti pabbatakacchepi nadīkacchepi. Ekodi nipakāti ekaggacittā ceva paññānepakkena ca samannāgatā. Satāti satimanto. Idaṃ vuttaṃ hoti – ye jhānāni labhitvā ekodī nipakā satā viharanti, te amakase pabbatakacche vā nadīkacche vā magā viya sotthiṃ gamissantīti. Pāranti nibbānaṃ. Ambujoti maccho. Raṇañjahāti kilesañjahā. Yepi jhānāni labhitvā appamattā kilese jahanti, te suttajālaṃ bhinditvā macchā viya nibbānaṃ gamissantīti vuttaṃ hoti. Paṭhamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. ចន្ទិមសសុត្តំ • 1. Candimasasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១. ចន្ទិមសសុត្តវណ្ណនា • 1. Candimasasuttavaṇṇanā
