| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
១០. ពុទ្ធុបដ្ឋាកត្ថេរអបទានវណ្ណនា
10. Buddhupaṭṭhākattheraapadānavaṇṇanā
វិបស្សិស្ស ភគវតោតិអាទិកំ អាយស្មតោ ពុទ្ធុបដ្ឋាកត្ថេរស្ស អបទានំ។ អយម្បិ បុរិមពុទ្ធេសុ កតាធិការោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ វិបស្សិស្ស ភគវតោ កាលេ សង្ខធមកកុលេ និព្ពត្តោ វុទ្ធិមន្វាយ អត្តនោ សិប្បេ សង្ខធមនេ ឆេកោ អហោសិ, និច្ចកាលំ ភគវតោ សង្ខំ ធមេត្វា សង្ខសទ្ទេនេវ បូជេសិ។ សោ តេន បុញ្ញេន ទេវមនុស្សេសុ សំសរន្តោ សព្ពត្ថ បាកដោ មហាឃោសោ មហានាទី មធុរស្សរោ អហោសិ, ឥមស្មិំ ពុទ្ធុប្បាទេ ឯកស្មិំ បាកដកុលេ និព្ពត្តោ វុទ្ធិប្បត្តោ មធុរស្សរោតិ បាកដោ, សត្ថរិ បសីទិត្វា បព្ពជិតោ នចិរស្សេវ អរហា អហោសិ, អបរភាគេ មធុរស្សរត្ថេរោតិ បាកដោ។
Vipassissabhagavatotiādikaṃ āyasmato buddhupaṭṭhākattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle saṅkhadhamakakule nibbatto vuddhimanvāya attano sippe saṅkhadhamane cheko ahosi, niccakālaṃ bhagavato saṅkhaṃ dhametvā saṅkhasaddeneva pūjesi. So tena puññena devamanussesu saṃsaranto sabbattha pākaṭo mahāghoso mahānādī madhurassaro ahosi, imasmiṃ buddhuppāde ekasmiṃ pākaṭakule nibbatto vuddhippatto madhurassaroti pākaṭo, satthari pasīditvā pabbajito nacirasseva arahā ahosi, aparabhāge madhurassarattheroti pākaṭo.
៥១. សោ ឯកទិវសំ អត្តនោ បុព្ពកម្មំ សរិត្វា សោមនស្សជាតោ បុព្ពចរិតាបទានំ បកាសេន្តោ វិបស្សិស្ស ភគវតោតិអាទិមាហ។ តំ ហេដ្ឋា វុត្តមេវ។ អហោសិំ សង្ខធមកោតិ សំ សុដ្ឋុ ខនន្តោ គច្ឆតីតិ សង្ខោ, សមុទ្ទជលបរិយន្តេ ចរមានោ គច្ឆតិ វិចរតីតិ អត្ថោ។ តំ សង្ខំ ធមតិ ឃោសំ ករោតីតិ សង្ខធមកោ, សោហំ សង្ខធមកោវ អហោសិន្តិ អត្ថោ។ សេសំ សព្ពត្ថ ឧត្តានមេវាតិ។
51. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento vipassissa bhagavatotiādimāha. Taṃ heṭṭhā vuttameva. Ahosiṃ saṅkhadhamakoti saṃ suṭṭhu khananto gacchatīti saṅkho, samuddajalapariyante caramāno gacchati vicaratīti attho. Taṃ saṅkhaṃ dhamati ghosaṃ karotīti saṅkhadhamako, sohaṃ saṅkhadhamakova ahosinti attho. Sesaṃ sabbattha uttānamevāti.
ពុទ្ធុបដ្ឋាកត្ថេរអបទានវណ្ណនា សមត្តា។
Buddhupaṭṭhākattheraapadānavaṇṇanā samattā.
ទសមវគ្គវណ្ណនា សមត្តា។
Dasamavaggavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៩. វេយ្យាវច្ចកត្ថេរអបទានំ • 9. Veyyāvaccakattheraapadānaṃ
