| Library / Tipiṭaka / ติปิฎก • Tipiṭaka / ธมฺมปทปาฬิ • Dhammapadapāḷi |
๑๔. พุทฺธวโคฺค
14. Buddhavaggo
๑๗๙.
179.
ยสฺส ชิตํ นาวชียติ, ชิตํ ยสฺส 1 โน ยาติ โกจิ โลเก;
Yassa jitaṃ nāvajīyati, jitaṃ yassa 2 no yāti koci loke;
ตํ พุทฺธมนนฺตโคจรํ, อปทํ เกน ปเทน เนสฺสถฯ
Taṃ buddhamanantagocaraṃ, apadaṃ kena padena nessatha.
๑๘๐.
180.
ยสฺส ชาลินี วิสตฺติกา, ตณฺหา นตฺถิ กุหิญฺจิ เนตเว;
Yassa jālinī visattikā, taṇhā natthi kuhiñci netave;
ตํ พุทฺธมนนฺตโคจรํ, อปทํ เกน ปเทน เนสฺสถฯ
Taṃ buddhamanantagocaraṃ, apadaṃ kena padena nessatha.
๑๘๑.
181.
เย ฌานปสุตา ธีรา, เนกฺขมฺมูปสเม รตา;
Ye jhānapasutā dhīrā, nekkhammūpasame ratā;
เทวาปิ เตสํ ปิหยนฺติ, สมฺพุทฺธานํ สตีมตํฯ
Devāpi tesaṃ pihayanti, sambuddhānaṃ satīmataṃ.
๑๘๒.
182.
กิโจฺฉ มนุสฺสปฎิลาโภ, กิจฺฉํ มจฺจาน ชีวิตํ;
Kiccho manussapaṭilābho, kicchaṃ maccāna jīvitaṃ;
กิจฺฉํ สทฺธมฺมสฺสวนํ, กิโจฺฉ พุทฺธานมุปฺปาโทฯ
Kicchaṃ saddhammassavanaṃ, kiccho buddhānamuppādo.
๑๘๓.
183.
๑๘๔.
184.
ขนฺตี ปรมํ ตโป ติติกฺขา, นิพฺพานํ 7 ปรมํ วทนฺติ พุทฺธา;
Khantī paramaṃ tapo titikkhā, nibbānaṃ 8 paramaṃ vadanti buddhā;
น หิ ปพฺพชิโต ปรูปฆาตี, น 9 สมโณ โหติ ปรํ วิเหฐยโนฺตฯ
Na hi pabbajito parūpaghātī, na 10 samaṇo hoti paraṃ viheṭhayanto.
๑๘๕.
185.
มตฺตญฺญุตา จ ภตฺตสฺมิํ, ปนฺตญฺจ สยนาสนํ;
Mattaññutā ca bhattasmiṃ, pantañca sayanāsanaṃ;
อธิจิเตฺต จ อาโยโค, เอตํ พุทฺธาน สาสนํฯ
Adhicitte ca āyogo, etaṃ buddhāna sāsanaṃ.
๑๘๖.
186.
น กหาปณวเสฺสน, ติตฺติ กาเมสุ วิชฺชติ;
Na kahāpaṇavassena, titti kāmesu vijjati;
อปฺปสฺสาทา ทุขา กามา, อิติ วิญฺญาย ปณฺฑิโตฯ
Appassādā dukhā kāmā, iti viññāya paṇḍito.
๑๘๗.
187.
อปิ ทิเพฺพสุ กาเมสุ, รติํ โส นาธิคจฺฉติ;
Api dibbesu kāmesu, ratiṃ so nādhigacchati;
ตณฺหกฺขยรโต โหติ, สมฺมาสมฺพุทฺธสาวโกฯ
Taṇhakkhayarato hoti, sammāsambuddhasāvako.
๑๘๘.
188.
พหุํ เว สรณํ ยนฺติ, ปพฺพตานิ วนานิ จ;
Bahuṃ ve saraṇaṃ yanti, pabbatāni vanāni ca;
อารามรุกฺขเจตฺยานิ, มนุสฺสา ภยตชฺชิตาฯ
Ārāmarukkhacetyāni, manussā bhayatajjitā.
๑๘๙.
189.
เนตํ โข สรณํ เขมํ, เนตํ สรณมุตฺตมํ;
Netaṃ kho saraṇaṃ khemaṃ, netaṃ saraṇamuttamaṃ;
เนตํ สรณมาคมฺม, สพฺพทุกฺขา ปมุจฺจติฯ
Netaṃ saraṇamāgamma, sabbadukkhā pamuccati.
๑๙๐.
190.
โย จ พุทฺธญฺจ ธมฺมญฺจ, สงฺฆญฺจ สรณํ คโต;
Yo ca buddhañca dhammañca, saṅghañca saraṇaṃ gato;
จตฺตาริ อริยสจฺจานิ, สมฺมปฺปญฺญาย ปสฺสติฯ
Cattāri ariyasaccāni, sammappaññāya passati.
๑๙๑.
191.
ทุกฺขํ ทุกฺขสมุปฺปาทํ, ทุกฺขสฺส จ อติกฺกมํ;
Dukkhaṃ dukkhasamuppādaṃ, dukkhassa ca atikkamaṃ;
อริยํ จฎฺฐงฺคิกํ มคฺคํ, ทุกฺขูปสมคามินํฯ
Ariyaṃ caṭṭhaṅgikaṃ maggaṃ, dukkhūpasamagāminaṃ.
๑๙๒.
192.
เอตํ โข สรณํ เขมํ, เอตํ สรณมุตฺตมํ;
Etaṃ kho saraṇaṃ khemaṃ, etaṃ saraṇamuttamaṃ;
เอตํ สรณมาคมฺม, สพฺพทุกฺขา ปมุจฺจติฯ
Etaṃ saraṇamāgamma, sabbadukkhā pamuccati.
๑๙๓.
193.
ทุลฺลโภ ปุริสาชโญฺญ, น โส สพฺพตฺถ ชายติ;
Dullabho purisājañño, na so sabbattha jāyati;
ยตฺถ โส ชายติ ธีโร, ตํ กุลํ สุขเมธติฯ
Yattha so jāyati dhīro, taṃ kulaṃ sukhamedhati.
๑๙๔.
194.
สุโข พุทฺธานมุปฺปาโท, สุขา สทฺธมฺมเทสนา;
Sukho buddhānamuppādo, sukhā saddhammadesanā;
สุขา สงฺฆสฺส สามคฺคี, สมคฺคานํ ตโป สุโขฯ
Sukhā saṅghassa sāmaggī, samaggānaṃ tapo sukho.
๑๙๕.
195.
ปูชารเห ปูชยโต, พุเทฺธ ยทิ ว สาวเก;
Pūjārahe pūjayato, buddhe yadi va sāvake;
ปปญฺจสมติกฺกเนฺต, ติณฺณโสกปริทฺทเวฯ
Papañcasamatikkante, tiṇṇasokapariddave.
๑๙๖.
196.
เต ตาทิเส ปูชยโต, นิพฺพุเต อกุโตภเย;
Te tādise pūjayato, nibbute akutobhaye;
น สกฺกา ปุญฺญํ สงฺขาตุํ, อิเมตฺตมปิ เกนจิฯ
Na sakkā puññaṃ saṅkhātuṃ, imettamapi kenaci.
พุทฺธวโคฺค จุทฺทสโม นิฎฺฐิโตฯ
Buddhavaggo cuddasamo niṭṭhito.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ธมฺมปท-อฎฺฐกถา • Dhammapada-aṭṭhakathā / ๑๔. พุทฺธวโคฺค • 14. Buddhavaggo
