| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៤២. ភទ្ទាលិវគ្គោ
42. Bhaddālivaggo
១-១០. ភទ្ទាលិត្ថេរអបទានាទិវណ្ណនា
1-10. Bhaddālittheraapadānādivaṇṇanā
ពាចត្តាលីសមវគ្គេ បឋមាបទានញ្ច ទុតិយាបទានញ្ច តតិយាបទានញ្ច នយានុសារេន សុវិញ្ញេយ្យមេវ។
Bācattālīsamavagge paṭhamāpadānañca dutiyāpadānañca tatiyāpadānañca nayānusārena suviññeyyameva.
១០៦. ចតុត្ថាបទានេ នគរេ ពន្ធុមតិយាតិអាទិកំ អាយស្មតោ មធុមំសទាយកត្ថេរស្ស អបទានំ។ តត្ថ សូករិកោតិ សូករមំសំ វិក្កិណិត្វា ជីវិកំ កប្បេន្តោ។ ឧក្កោដកំ រន្ធយិត្វាតិ បិហកបប្ផាសមំសំ បចិត្វា មធុមំសម្ហិ ឱកិរិំ បក្ខិបិំ។ តេន មំសេន បត្តំ បូរេត្វា ភិក្ខុសង្ឃស្ស ទត្វា តេន បុញ្ញកម្មេន ឥមស្មិំ ពុទ្ធុប្បាទេ អរហត្តំ បាបុណិន្តិ អត្ថោ។
106. Catutthāpadāne nagare bandhumatiyātiādikaṃ āyasmato madhumaṃsadāyakattherassa apadānaṃ. Tattha sūkarikoti sūkaramaṃsaṃ vikkiṇitvā jīvikaṃ kappento. Ukkoṭakaṃ randhayitvāti pihakapapphāsamaṃsaṃ pacitvā madhumaṃsamhi okiriṃ pakkhipiṃ. Tena maṃsena pattaṃ pūretvā bhikkhusaṅghassa datvā tena puññakammena imasmiṃ buddhuppāde arahattaṃ pāpuṇinti attho.
នាគបល្លវត្ថេរស្ស បញ្ចមាបទានម្បិ ឯកទីបិយត្ថេរស្ស ឆដ្ឋាបទានម្បិ ឧច្ឆង្គបុប្ផិយត្ថេរស្ស សត្តមាបទានម្បិ យាគុទាយកត្ថេរស្ស អដ្ឋមាបទានម្បិ បត្ថោទនទាយកត្ថេរស្ស នវមាបទានម្បិ មញ្ចទាយកត្ថេរស្ស ទសមាបទានម្បិ សព្ពំ សុវិញ្ញេយ្យមេវាតិ។
Nāgapallavattherassa pañcamāpadānampi ekadīpiyattherassa chaṭṭhāpadānampi ucchaṅgapupphiyattherassa sattamāpadānampi yāgudāyakattherassa aṭṭhamāpadānampi patthodanadāyakattherassa navamāpadānampi mañcadāyakattherassa dasamāpadānampi sabbaṃ suviññeyyamevāti.
ពាចត្តាលីសមវគ្គវណ្ណនា សមត្តា។
Bācattālīsamavaggavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៤. មធុមំសទាយកត្ថេរអបទានំ • 4. Madhumaṃsadāyakattheraapadānaṃ
