| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೯. ಭದ್ದಾಕುಣ್ಡಲಕೇಸಾಥೇರೀಗಾಥಾ
9. Bhaddākuṇḍalakesātherīgāthā
೧೦೭.
107.
‘‘ಲೂನಕೇಸೀ ಪಙ್ಕಧರೀ, ಏಕಸಾಟೀ ಪುರೇ ಚರಿಂ।
‘‘Lūnakesī paṅkadharī, ekasāṭī pure cariṃ;
ಅವಜ್ಜೇ ವಜ್ಜಮತಿನೀ, ವಜ್ಜೇ ಚಾವಜ್ಜದಸ್ಸಿನೀ॥
Avajje vajjamatinī, vajje cāvajjadassinī.
೧೦೮.
108.
‘‘ದಿವಾವಿಹಾರಾ ನಿಕ್ಖಮ್ಮ, ಗಿಜ್ಝಕೂಟಮ್ಹಿ ಪಬ್ಬತೇ।
‘‘Divāvihārā nikkhamma, gijjhakūṭamhi pabbate;
ಅದ್ದಸಂ ವಿರಜಂ ಬುದ್ಧಂ, ಭಿಕ್ಖುಸಙ್ಘಪುರಕ್ಖತಂ॥
Addasaṃ virajaṃ buddhaṃ, bhikkhusaṅghapurakkhataṃ.
೧೦೯.
109.
‘‘ನಿಹಚ್ಚ ಜಾಣುಂ ವನ್ದಿತ್ವಾ, ಸಮ್ಮುಖಾ ಅಞ್ಜಲಿಂ ಅಕಂ।
‘‘Nihacca jāṇuṃ vanditvā, sammukhā añjaliṃ akaṃ;
‘ಏಹಿ ಭದ್ದೇ’ತಿ ಮಂ ಅವಚ, ಸಾ ಮೇ ಆಸೂಪಸಮ್ಪದಾ॥
‘Ehi bhadde’ti maṃ avaca, sā me āsūpasampadā.
೧೧೦.
110.
‘‘ಚಿಣ್ಣಾ ಅಙ್ಗಾ ಚ ಮಗಧಾ, ವಜ್ಜೀ ಕಾಸೀ ಚ ಕೋಸಲಾ।
‘‘Ciṇṇā aṅgā ca magadhā, vajjī kāsī ca kosalā;
ಅನಣಾ ಪಣ್ಣಾಸವಸ್ಸಾನಿ, ರಟ್ಠಪಿಣ್ಡಂ ಅಭುಞ್ಜಹಂ॥
Anaṇā paṇṇāsavassāni, raṭṭhapiṇḍaṃ abhuñjahaṃ.
೧೧೧.
111.
‘‘ಪುಞ್ಞಂ ವತ ಪಸವಿ ಬಹುಂ, ಸಪ್ಪಞ್ಞೋ ವತಾಯಂ ಉಪಾಸಕೋ।
‘‘Puññaṃ vata pasavi bahuṃ, sappañño vatāyaṃ upāsako;
ಯೋ ಭದ್ದಾಯ ಚೀವರಂ ಅದಾಸಿ, ವಿಪ್ಪಮುತ್ತಾಯ ಸಬ್ಬಗನ್ಥೇಹೀ’’ತಿ॥
Yo bhaddāya cīvaraṃ adāsi, vippamuttāya sabbaganthehī’’ti.
… ಭದ್ದಾ ಕುಣ್ಡಲಕೇಸಾ ಥೇರೀ…।
… Bhaddā kuṇḍalakesā therī….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೯. ಭದ್ದಾಕುಣ್ಡಲಕೇಸಾಥೇರೀಗಾಥಾವಣ್ಣನಾ • 9. Bhaddākuṇḍalakesātherīgāthāvaṇṇanā
