| Library / Tipiṭaka / ತಿಪಿಟಕ • Tipiṭaka / ಥೇರೀಗಾಥಾಪಾಳಿ • Therīgāthāpāḷi |
೧೦. ಪಟಾಚಾರಾಥೇರೀಗಾಥಾ
10. Paṭācārātherīgāthā
೧೧೨.
112.
‘‘ನಙ್ಗಲೇಹಿ ಕಸಂ ಖೇತ್ತಂ, ಬೀಜಾನಿ ಪವಪಂ ಛಮಾ।
‘‘Naṅgalehi kasaṃ khettaṃ, bījāni pavapaṃ chamā;
ಪುತ್ತದಾರಾನಿ ಪೋಸೇನ್ತಾ, ಧನಂ ವಿನ್ದನ್ತಿ ಮಾಣವಾ॥
Puttadārāni posentā, dhanaṃ vindanti māṇavā.
೧೧೩.
113.
‘‘ಕಿಮಹಂ ಸೀಲಸಮ್ಪನ್ನಾ, ಸತ್ಥುಸಾಸನಕಾರಿಕಾ।
‘‘Kimahaṃ sīlasampannā, satthusāsanakārikā;
ನಿಬ್ಬಾನಂ ನಾಧಿಗಚ್ಛಾಮಿ, ಅಕುಸೀತಾ ಅನುದ್ಧತಾ॥
Nibbānaṃ nādhigacchāmi, akusītā anuddhatā.
೧೧೪.
114.
‘‘ಪಾದೇ ಪಕ್ಖಾಲಯಿತ್ವಾನ, ಉದಕೇಸು ಕರೋಮಹಂ।
‘‘Pāde pakkhālayitvāna, udakesu karomahaṃ;
ಪಾದೋದಕಞ್ಚ ದಿಸ್ವಾನ, ಥಲತೋ ನಿನ್ನಮಾಗತಂ॥
Pādodakañca disvāna, thalato ninnamāgataṃ.
೧೧೫.
115.
‘‘ತತೋ ಚಿತ್ತಂ ಸಮಾಧೇಸಿಂ, ಅಸ್ಸಂ ಭದ್ರಂವಜಾನಿಯಂ।
‘‘Tato cittaṃ samādhesiṃ, assaṃ bhadraṃvajāniyaṃ;
ತತೋ ದೀಪಂ ಗಹೇತ್ವಾನ, ವಿಹಾರಂ ಪಾವಿಸಿಂ ಅಹಂ।
Tato dīpaṃ gahetvāna, vihāraṃ pāvisiṃ ahaṃ;
ಸೇಯ್ಯಂ ಓಲೋಕಯಿತ್ವಾನ, ಮಞ್ಚಕಮ್ಹಿ ಉಪಾವಿಸಿಂ॥
Seyyaṃ olokayitvāna, mañcakamhi upāvisiṃ.
೧೧೬.
116.
‘‘ತತೋ ಸೂಚಿಂ ಗಹೇತ್ವಾನ, ವಟ್ಟಿಂ ಓಕಸ್ಸಯಾಮಹಂ।
‘‘Tato sūciṃ gahetvāna, vaṭṭiṃ okassayāmahaṃ;
ಪದೀಪಸ್ಸೇವ ನಿಬ್ಬಾನಂ, ವಿಮೋಕ್ಖೋ ಅಹು ಚೇತಸೋ’’ತಿ॥
Padīpasseva nibbānaṃ, vimokkho ahu cetaso’’ti.
… ಪಟಾಚಾರಾ ಥೇರೀ…।
… Paṭācārā therī….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರೀಗಾಥಾ-ಅಟ್ಠಕಥಾ • Therīgāthā-aṭṭhakathā / ೧೦. ಪಟಾಚಾರಾಥೇರೀಗಾಥಾವಣ್ಣನಾ • 10. Paṭācārātherīgāthāvaṇṇanā
