| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
៤. អដ្ឋវត្ថុកសិក្ខាបទវណ្ណនា
4. Aṭṭhavatthukasikkhāpadavaṇṇanā
៦៧៥. ចតុត្ថេ លោកស្សាទសង្ខាតំ មិត្តេហិ អញ្ញមញ្ញំ កាតព្ពំ សន្ថវំ។ វុត្តមេវត្ថំ បរិយាយន្តរេន ទស្សេតុំ ‘‘កាយសំសគ្គរាគេនា’’តិ វុត្តំ។
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
តិស្សិត្ថិយោ មេថុនំ តំ ន សេវេតិ យា តិស្សោ ឥត្ថិយោ, តាសុ វុត្តំ តំ មេថុនំ ន សេវេយ្យ។ អនរិយបណ្ឌកេតិ តយោ អនរិយេ, តយោ បណ្ឌកេ ច ឧបសង្កមិត្វា មេថុនំ ន សេវេតិ អត្ថោ។ អនរិយាតិ ចេត្ថ ឧភតោព្យញ្ជនកា អធិប្បេតា។ ព្យញ្ជនស្មិន្តិ អត្តនោ វច្ចមុខមគ្គេបិ។ ឆេទោ ឯវ ឆេជ្ជំ, បារាជិកំ។
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
វណ្ណាវណ្ណោតិ ទ្វីហិ សុក្កវិស្សដ្ឋិ វុត្តា។ គមនុប្បាទនន្តិ សញ្ចរិត្តំ។ ‘‘មេថុនធម្មស្ស បុព្ពភាគត្តា បច្ចយោ ហោតី’’តិ ឥមិនា ការិយោបចារេន កាយសំសគ្គោ មេថុនធម្មោតិ វុត្តោតិ ទស្សេតិ។ សព្ពបទេសូតិ សង្ឃាដិកណ្ណគ្គហណាទិបទេសុ។ កាយសំសគ្គរាគោ, សឧស្សាហតា, អដ្ឋមវត្ថុស្ស បូរណន្តិ តីណេត្ថ អង្គានិ។
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
អដ្ឋវត្ថុកសិក្ខាបទវណ្ណនា និដ្ឋិតា។
Aṭṭhavatthukasikkhāpadavaṇṇanā niṭṭhitā.
បារាជិកវណ្ណនានយោ និដ្ឋិតោ។
Pārājikavaṇṇanānayo niṭṭhito.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៤. ចតុត្ថបារាជិកំ • 4. Catutthapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ៤. ចតុត្ថបារាជិកសិក្ខាបទវណ្ណនា • 4. Catutthapārājikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៤. ចតុត្ថបារាជិកសិក្ខាបទវណ្ណនា • 4. Catutthapārājikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៤. ចតុត្ថបារាជិកសិក្ខាបទវណ្ណនា • 4. Catutthapārājikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៤. ចតុត្ថបារាជិកសិក្ខាបទំ • 4. Catutthapārājikasikkhāpadaṃ
