| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. អត្ថសន្ទស្សកត្ថេរអបទានំ
7. Atthasandassakattheraapadānaṃ
៤៧.
47.
‘‘វិសាលមាឡេ អាសីនោ, អទ្ទសំ លោកនាយកំ;
‘‘Visālamāḷe āsīno, addasaṃ lokanāyakaṃ;
ខីណាសវំ ពលប្បត្តំ, ភិក្ខុសង្ឃបុរក្ខតំ។
Khīṇāsavaṃ balappattaṃ, bhikkhusaṅghapurakkhataṃ.
៤៨.
48.
‘‘សតសហស្សា តេវិជ្ជា, ឆឡភិញ្ញា មហិទ្ធិកា;
‘‘Satasahassā tevijjā, chaḷabhiññā mahiddhikā;
បរិវារេន្តិ សម្ពុទ្ធំ, កោ ទិស្វា នប្បសីទតិ។
Parivārenti sambuddhaṃ, ko disvā nappasīdati.
៤៩.
49.
‘‘ញាណេ ឧបនិធា យស្ស, ន វិជ្ជតិ សទេវកេ;
‘‘Ñāṇe upanidhā yassa, na vijjati sadevake;
អនន្តញាណំ សម្ពុទ្ធំ, កោ ទិស្វា នប្បសីទតិ។
Anantañāṇaṃ sambuddhaṃ, ko disvā nappasīdati.
៥០.
50.
‘‘ធម្មកាយញ្ច ទីបេន្តំ, កេវលំ រតនាករំ;
‘‘Dhammakāyañca dīpentaṃ, kevalaṃ ratanākaraṃ;
៥១.
51.
បទុមុត្តរំ ថវិត្វាន, សម្ពុទ្ធំ អបរាជិតំ។
Padumuttaraṃ thavitvāna, sambuddhaṃ aparājitaṃ.
៥២.
52.
‘‘តេន ចិត្តប្បសាទេន, ពុទ្ធសន្ថវនេន ច;
‘‘Tena cittappasādena, buddhasanthavanena ca;
កប្បានំ សតសហស្សំ, ទុគ្គតិំ, នុបបជ្ជហំ។
Kappānaṃ satasahassaṃ, duggatiṃ, nupapajjahaṃ.
៥៣.
53.
‘‘ឥតោ តិំសកប្បសតេ, សុមិត្តោ នាម ខត្តិយោ;
‘‘Ito tiṃsakappasate, sumitto nāma khattiyo;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៥៤.
54.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា អត្ថសន្ទស្សកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā atthasandassako thero imā gāthāyo abhāsitthāti.
អត្ថសន្ទស្សកត្ថេរស្សាបទានំ សត្តមំ។
Atthasandassakattherassāpadānaṃ sattamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៧. អត្ថសន្ទស្សកត្ថេរអបទានវណ្ណនា • 7. Atthasandassakattheraapadānavaṇṇanā
