| Library / Tipiṭaka / តិបិដក • Tipiṭaka / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā |
៨. អដ្ឋមសិក្ខាបទវណ្ណនា
8. Aṭṭhamasikkhāpadavaṇṇanā
៨២៤. អដ្ឋមេ – និព្ពិដ្ឋោ រាជភដោ រញ្ញោ ភតិ កេណិ ឯតេនាតិ និព្ពិដ្ឋរាជភដោ, ឯកំ ឋានន្តរំ កេណិយា គហេត្វា តតោ លទ្ធឧទយោតិ អត្ថោ។ តញ្ញេវ ភដបថំ យាចិស្សាមីតិ រញ្ញោ កេណិំ ទត្វា បុន តំយេវ ឋានន្តរំ យាចិស្សាមីតិ ចិន្តេន្តោ។ បរិភាសីតិ តា ភិក្ខុនិយោ ‘‘មា បុន ឯវំ ករិត្ថា’’តិ សន្តជ្ជេសិ។
824. Aṭṭhame – nibbiṭṭho rājabhaṭo rañño bhati keṇi etenāti nibbiṭṭharājabhaṭo, ekaṃ ṭhānantaraṃ keṇiyā gahetvā tato laddhaudayoti attho. Taññeva bhaṭapathaṃ yācissāmīti rañño keṇiṃ datvā puna taṃyeva ṭhānantaraṃ yācissāmīti cintento. Paribhāsīti tā bhikkhuniyo ‘‘mā puna evaṃ karitthā’’ti santajjesi.
៨២៦. សយំ ឆឌ្ឌេតីតិ ចត្តារិបិ វត្ថូនិ ឯកបយោគេន ឆឌ្ឌេន្តិយា ឯកាវ អាបត្តិ, បាដេក្កំ ឆឌ្ឌេន្តិយា វត្ថុគណនាយ អាបត្តិយោ។ អាណត្តិយម្បិ ឯសេវ នយោ។ ទន្តកដ្ឋឆឌ្ឌនេបិ ភិក្ខុនិយា បាចិត្តិយមេវ។ ភិក្ខុស្ស សព្ពត្ថ ទុក្កដំ។ សេសំ ឧត្តានមេវ។
826.Sayaṃ chaḍḍetīti cattāripi vatthūni ekapayogena chaḍḍentiyā ekāva āpatti, pāṭekkaṃ chaḍḍentiyā vatthugaṇanāya āpattiyo. Āṇattiyampi eseva nayo. Dantakaṭṭhachaḍḍanepi bhikkhuniyā pācittiyameva. Bhikkhussa sabbattha dukkaṭaṃ. Sesaṃ uttānameva.
ឆសមុដ្ឋានំ – កិរិយាកិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ, កាយកម្មំ, វចីកម្មំ, តិចិត្តំ, តិវេទនន្តិ។
Chasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
អដ្ឋមសិក្ខាបទំ។
Aṭṭhamasikkhāpadaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៨. អដ្ឋមសិក្ខាបទំ • 8. Aṭṭhamasikkhāpadaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១. លសុណវគ្គវណ្ណនា • 1. Lasuṇavaggavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៨. អដ្ឋមសិក្ខាបទវណ្ណនា • 8. Aṭṭhamasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. បឋមលសុណាទិសិក្ខាបទវណ្ណនា • 1. Paṭhamalasuṇādisikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៨. អដ្ឋមសិក្ខាបទំ • 8. Aṭṭhamasikkhāpadaṃ
