| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៨. អាសនុបដ្ឋាហកត្ថេរអបទានវណ្ណនា
8. Āsanupaṭṭhāhakattheraapadānavaṇṇanā
កាននំ វនមោគ្គយ្ហាតិអាទិកំ អាយស្មតោ អាសនុបដ្ឋាហកត្ថេរស្ស អបទានំ។ អយម្បិ បុរិមពុទ្ធេសុ កតាធិការោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ អត្ថទស្សិស្ស ភគវតោ កាលេ កុលគេហេ និព្ពត្តោ ឃរាវាសំ វសន្តោ តត្ថ ទោសំ ទិស្វា ឃរាវាសំ បហាយ តាបសបព្ពជ្ជំ បព្ពជិត្វា ហិមវន្តេ វសន្តោ តត្ថ សម្បត្តំ ភគវន្តំ ទិស្វា បសន្នោ សីហាសនំ អទាសិ, តត្ថ និសិន្នំ ភគវន្តំ មាលាកលាបំ គហេត្វា បូជេត្វា តំ បទក្ខិណំ កត្វា បក្កាមិ។ សោ តេន បុញ្ញេន ទេវមនុស្សេសុ សំសរន្តោ និព្ពត្តនិព្ពត្តភវេ ឧច្ចកុលិកោ វិភវសម្បន្នោ អហោសិ។ សោ កាលន្តរេន ឥមស្មិំ ពុទ្ធុប្បាទេ កុលគេហេ និព្ពត្តោ វុទ្ធិមន្វាយ សត្ថរិ បសីទិត្វា បព្ពជិតោ នចិរស្សេវ អរហា អហោសិ។
Kānanaṃ vanamoggayhātiādikaṃ āyasmato āsanupaṭṭhāhakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle kulagehe nibbatto gharāvāsaṃ vasanto tattha dosaṃ disvā gharāvāsaṃ pahāya tāpasapabbajjaṃ pabbajitvā himavante vasanto tattha sampattaṃ bhagavantaṃ disvā pasanno sīhāsanaṃ adāsi, tattha nisinnaṃ bhagavantaṃ mālākalāpaṃ gahetvā pūjetvā taṃ padakkhiṇaṃ katvā pakkāmi. So tena puññena devamanussesu saṃsaranto nibbattanibbattabhave uccakuliko vibhavasampanno ahosi. So kālantarena imasmiṃ buddhuppāde kulagehe nibbatto vuddhimanvāya satthari pasīditvā pabbajito nacirasseva arahā ahosi.
៤៧. សោ អរហា សមានោ អត្តនោ បុព្ពកម្មំ សរិត្វា សោមនស្សជាតោ បុព្ពចរិតាបទានំ បកាសេន្តោ កាននំ វនមោគ្គយ្ហាតិអាទិមាហ។ តំ សព្ពំ ហេដ្ឋា វុត្តត្ថមេវាតិ។
47. So arahā samāno attano pubbakammaṃ saritvā somanassajāto pubbacaritāpadānaṃ pakāsento kānanaṃ vanamoggayhātiādimāha. Taṃ sabbaṃ heṭṭhā vuttatthamevāti.
អាសនុបដ្ឋាហកត្ថេរអបទានវណ្ណនា សមត្តា។
Āsanupaṭṭhāhakattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៨. អាសនុបដ្ឋាហកត្ថេរអបទានំ • 8. Āsanupaṭṭhāhakattheraapadānaṃ
