| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၁. အနုသယသုတ္တဝဏ္ဏနာ
11. Anusayasuttavaṇṇanā
၂၀၀. ဧကာဒသမေ ဣမသ္မိဉ္စ သဝိညာဏကေ ကာယေတိ အတ္တနော သဝိညာဏကကာယံ ဒသ္သေတိ, ဗဟိဒ္ဓာ စာတိ ပရသ္သ သဝိညာဏကံ ဝာ အဝိညာဏကံ ဝာ။ ပုရိမေန ဝာ အတ္တနော စ ပရသ္သ စ ဝိညာဏမေဝ ဒသ္သေတိ, ပစ္ဆိမေန ဗဟိဒ္ဓာ အနိန္ဒ္ရိယဗဒ္ဓရူပံ။ အဟင္ကာရမမင္ကာရမာနာနုသယာတိ အဟံကာရဒိဋ္ဌိ စ မမံကာရတဏ္ဟာ စ မာနာနုသယာ စ။ န ဟောန္တီတိ ဧတေ ကိလေသာ ကထံ ဇာနန္တသ္သ ဧတေသု ဝတ္ထူသု န ဟောန္တီတိ ပုစ္ဆတိ။ သမ္မပ္ပညာယ ပသ္သတီတိ သဟ ဝိပသ္သနာယ မဂ္ဂပညာယ သုဋ္ဌု ပသ္သတိ။ ဧကာဒသမံ။
200. Ekādasame imasmiñca saviññāṇake kāyeti attano saviññāṇakakāyaṃ dasseti, bahiddhā cāti parassa saviññāṇakaṃ vā aviññāṇakaṃ vā. Purimena vā attano ca parassa ca viññāṇameva dasseti, pacchimena bahiddhā anindriyabaddharūpaṃ. Ahaṅkāramamaṅkāramānānusayāti ahaṃkāradiṭṭhi ca mamaṃkārataṇhā ca mānānusayā ca. Na hontīti ete kilesā kathaṃ jānantassa etesu vatthūsu na hontīti pucchati. Sammappaññāya passatīti saha vipassanāya maggapaññāya suṭṭhu passati. Ekādasamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၁. အနုသယသုတ္တံ • 11. Anusayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၁. အနုသယသုတ္တဝဏ္ဏနာ • 11. Anusayasuttavaṇṇanā
