| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဒုတိယဝဂ္ဂော
2. Dutiyavaggo
၁၁. အနုသယသုတ္တဝဏ္ဏနာ
11. Anusayasuttavaṇṇanā
၂၀၀. ဒုတိယဝဂ္ဂေ အတ္တနောတိ အာယသ္မာ ရာဟုလော အတ္တနော သဝိညာဏကံ ကာယံ ဒသ္သေတိ။ ပရသ္သာတိ ပရသ္သ အဝိညာဏကကာယံ ဒသ္သေတိ။ ပရသန္တာနေ ဝာ အရူပေ ဓမ္မေ အဂ္ဂဟေတ္ဝာ ရူပကာယမေဝ ဂဏ္ဟန္တော ဝဒတိ။ အပရေ ‘‘အသညသတ္တာနံ အတ္တဘာဝံ သန္ဓာယ တထာ ဝုတ္တ’’န္တိ ဝဒန္တိ။ ပုရိမေနာတိ ‘‘ဣမသ္မိံ သဝိညာဏကေ ကာယေ’’တိ ဣမိနာ ပဒေန။ ပစ္ဆိမေနာတိ ‘‘ဗဟိဒ္ဓာ’’တိ ဣမိနာ ပဒေန။ ဧတေ ကိလေသာတိ ဧတေ ဒိဋ္ဌိတဏ္ဟာမာနသညိတာ ကိလေသာ။ ဧတေသု ဝတ္ထူသူတိ အဇ္ဈတ္တဗဟိဒ္ဓာဝတ္ထူသု။ သမ္မ။ပေ.။ ပသ္သတီတိ ပုဗ္ဗဘာဂေ ဝိပသ္သနာဉာဏေန သမ္မသနဝသေန, မဂ္ဂက္ခဏေ အဘိသမယဝသေန သုဋ္ဌု အတ္တပစ္စက္ခေန ဉာဏေန ပသ္သတိ။
200. Dutiyavagge attanoti āyasmā rāhulo attano saviññāṇakaṃ kāyaṃ dasseti. Parassāti parassa aviññāṇakakāyaṃ dasseti. Parasantāne vā arūpe dhamme aggahetvā rūpakāyameva gaṇhanto vadati. Apare ‘‘asaññasattānaṃ attabhāvaṃ sandhāya tathā vutta’’nti vadanti. Purimenāti ‘‘imasmiṃ saviññāṇake kāye’’ti iminā padena. Pacchimenāti ‘‘bahiddhā’’ti iminā padena. Ete kilesāti ete diṭṭhitaṇhāmānasaññitā kilesā. Etesu vatthūsūti ajjhattabahiddhāvatthūsu. Samma…pe… passatīti pubbabhāge vipassanāñāṇena sammasanavasena, maggakkhaṇe abhisamayavasena suṭṭhu attapaccakkhena ñāṇena passati.
အနုသယသုတ္တဝဏ္ဏနာ နိဋ္ဌိတာ။
Anusayasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၁. အနုသယသုတ္တံ • 11. Anusayasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၁. အနုသယသုတ္တဝဏ္ဏနာ • 11. Anusayasuttavaṇṇanā
