| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អញ្ញតិត្ថិយបុព្ពវត្ថុកថាវណ្ណនា
Aññatitthiyapubbavatthukathāvaṇṇanā
៨៦. តិត្ថិយបរិវាសកថាយំ អាជីវកស្ស វាតិអាទីសុ អកិរិយវាទី អាជីវកោ នាម, កិរិយវាទិនោ បន និគណ្ឋាបិ អញ្ញេបិ នគ្គតិត្ថិកា អចេលកបទេ សង្គហិតា។ សព្ពថា នគ្គស្សេវ តិត្ថិយបរិវាសោ វិហិតោ។ សោ ច តេនេវ នគ្គវេសេន ភិក្ខូនំ សន្តិកំ អាគតស្ស, ន បដិច្ឆាទេត្វា អាគតស្សាតិ ទស្សេតុំ ‘‘សចេ សោបី’’តិអាទិ វុត្តំ។ តត្ថ សោបីតិ អាជីវកោ។
86. Titthiyaparivāsakathāyaṃ ājīvakassa vātiādīsu akiriyavādī ājīvako nāma, kiriyavādino pana nigaṇṭhāpi aññepi naggatitthikā acelakapade saṅgahitā. Sabbathā naggasseva titthiyaparivāso vihito. So ca teneva naggavesena bhikkhūnaṃ santikaṃ āgatassa, na paṭicchādetvā āgatassāti dassetuṃ ‘‘sace sopī’’tiādi vuttaṃ. Tattha sopīti ājīvako.
អាមិសកិញ្ចិក្ខសម្បទានំ នាម អប្បមត្តកស្ស ទេយ្យធម្មស្ស អនុប្បទានំ។ រូបូបជីវិកាតិ អត្តនោ រូបមេវ និស្សាយ ជីវន្តិយោ។ វេសិយា គោចរោ ពហុលំ បវត្តិដ្ឋានំ អស្សាតិ វេសិយាគោចរោ។ ឯស នយោ សព្ពត្ថ។ យោព្ពន្នាតីតាតិ អនិវិទ្ធា ឯវ មហល្លិកភាវំ បត្តា ថុល្លកុមារី ឯវាតិ វុត្តំ។ អាទាយស្សាតិ អាទានស្ស គហណស្ស។
Āmisakiñcikkhasampadānaṃ nāma appamattakassa deyyadhammassa anuppadānaṃ. Rūpūpajīvikāti attano rūpameva nissāya jīvantiyo. Vesiyā gocaro bahulaṃ pavattiṭṭhānaṃ assāti vesiyāgocaro. Esa nayo sabbattha. Yobbannātītāti anividdhā eva mahallikabhāvaṃ pattā thullakumārī evāti vuttaṃ. Ādāyassāti ādānassa gahaṇassa.
អញ្ញតិត្ថិយបុព្ពវត្ថុកថាវណ្ណនា និដ្ឋិតា។
Aññatitthiyapubbavatthukathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ២៥. អញ្ញតិត្ថិយបុព្ពកថា • 25. Aññatitthiyapubbakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / អញ្ញតិត្ថិយបុព្ពវត្ថុកថា • Aññatitthiyapubbavatthukathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អញ្ញតិត្ថិយបុព្ពវត្ថុកថាវណ្ណនា • Aññatitthiyapubbavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អញ្ញតិត្ថិយបុព្ពវត្ថុកថាវណ្ណនា • Aññatitthiyapubbavatthukathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២៥. អញ្ញតិត្ថិយបុព្ពវត្ថុកថា • 25. Aññatitthiyapubbavatthukathā
