| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
ឧបាលិបញ្ចកំ
Upālipañcakaṃ
អនិស្សិតវគ្គវណ្ណនា
Anissitavaggavaṇṇanā
៤១៧. ឧបាលិបញ្ហេសុ ‘‘កតិ ហិ នុ ខោ ភន្តេ’’តិ បុច្ឆាយ សម្ពន្ធោ នត្ថីតិ កស្សចិ មញ្ញនំ និវារេន្តោ អាហ ‘‘អយ សម្ពន្ធោ’’តិ។ ថេរោតិ ឧបាលិត្ថេរោ, បុច្ឆីតិ សម្ពន្ធោ។ ឥមេសន្តិ បញ្ចកានំ តន្តិន្តិ សម្ពន្ធោ។ កេសំ អត្ថាយ តន្តិំ ឋបេស្សាមីតិ អាហ ‘‘និស្សាយ វសនការីនំ អត្ថាយា’’តិ។ វសនការីនំ ភិក្ខូនន្តិ សម្ពន្ធោ។ តេសន្តិ បញ្ហានំ។
417. Upālipañhesu ‘‘kati hi nu kho bhante’’ti pucchāya sambandho natthīti kassaci maññanaṃ nivārento āha ‘‘aya sambandho’’ti. Theroti upālitthero, pucchīti sambandho. Imesanti pañcakānaṃ tantinti sambandho. Kesaṃ atthāya tantiṃ ṭhapessāmīti āha ‘‘nissāya vasanakārīnaṃ atthāyā’’ti. Vasanakārīnaṃ bhikkhūnanti sambandho. Tesanti pañhānaṃ.
អាបន្នោ កម្មកតោតិ ឯត្ថ ‘‘អាបន្នោ’’តិ បទំ ‘‘កម្មកតោ’’តិ បទស្ស ការណទស្សនន្តិ អាហ ‘‘អាបត្តិំ អាបន្នោ, តប្បច្ចយាវ សង្ឃេន កម្មំ កតំ ហោតី’’តិ។ តប្បច្ចយាវាតិ តំអាបត្តិអាបន្នសង្ខាតា ការណា ឯវ។
Āpannokammakatoti ettha ‘‘āpanno’’ti padaṃ ‘‘kammakato’’ti padassa kāraṇadassananti āha ‘‘āpattiṃ āpanno, tappaccayāva saṅghena kammaṃ kataṃ hotī’’ti. Tappaccayāvāti taṃāpattiāpannasaṅkhātā kāraṇā eva.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១. អនិស្សិតវគ្គោ • 1. Anissitavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / អនិស្សិតវគ្គវណ្ណនា • Anissitavaggavaṇṇanā
