| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៩៥. អនាបត្តិបន្នរសកាទិកថា
95. Anāpattipannarasakādikathā
១៧២. តេ ន ជានិំសូតិ ឯត្ថ ជាននាការទស្សនត្ថំ ‘‘សីមំ ឱក្កន្តាតិ វា ឱក្កមន្តីតិ វា’’តិ វុត្តំ។ ឱក្កន្តាតិ វាតិ បវិសិត្ថ ឥតិ វា។ តេសន្តិ ចតុន្នំ វា អតិរេកានំ វា ភិក្ខូនំ។ វគ្គា សមគ្គសញ្ញិនោតិ ឯត្ថ កស្មា វគ្គា, កស្មា សមគ្គសញ្ញិនោតិ អាហ ‘‘តេស’’ន្តិអាទិ។ តត្ថ តេសន្តិ អញ្ញេសំ ភិក្ខូនំ។ សីមំ ឱក្កន្តត្តាតិ សីមំ បវិសិតត្តា, វគ្គា ហុត្វាតិ សម្ពន្ធោ។ សមគ្គោ ឥតិ សញ្ញា សមគ្គសញ្ញា, សា ឯតេសមត្ថីតិ សមគ្គសញ្ញិនោ។
172.Tena jāniṃsūti ettha jānanākāradassanatthaṃ ‘‘sīmaṃ okkantāti vā okkamantīti vā’’ti vuttaṃ. Okkantāti vāti pavisittha iti vā. Tesanti catunnaṃ vā atirekānaṃ vā bhikkhūnaṃ. Vaggā samaggasaññinoti ettha kasmā vaggā, kasmā samaggasaññinoti āha ‘‘tesa’’ntiādi. Tattha tesanti aññesaṃ bhikkhūnaṃ. Sīmaṃ okkantattāti sīmaṃ pavisitattā, vaggā hutvāti sambandho. Samaggo iti saññā samaggasaññā, sā etesamatthīti samaggasaññino.
១៧៥. កុក្កុច្ចបកតាតិ បទស្ស ‘‘ឥច្ឆាបកតោ’’តិ បទេន សមានភាវំ ទស្សេតុំ វុត្តំ ‘‘យថា’’តិអាទិ។ បុព្ពភាគេតិ ឧបោសថកម្មតោ បុព្ពភាគេ។ សន្និដ្ឋានំ កត្វាបីតិ កប្បតេវាតិ សន្និដ្ឋានំ កត្វាបិ។ ‘‘អភិភូតា’’តិ ឥមិនា បកតាតិ ឯត្ថ បបុព្ពករធាតុយា ឧបសគ្គវសេន អភិភវនត្ថំ ទស្សេតិ។
175.Kukkuccapakatāti padassa ‘‘icchāpakato’’ti padena samānabhāvaṃ dassetuṃ vuttaṃ ‘‘yathā’’tiādi. Pubbabhāgeti uposathakammato pubbabhāge. Sanniṭṭhānaṃ katvāpīti kappatevāti sanniṭṭhānaṃ katvāpi. ‘‘Abhibhūtā’’ti iminā pakatāti ettha papubbakaradhātuyā upasaggavasena abhibhavanatthaṃ dasseti.
១៧៦. យថា ហេដ្ឋា វគ្គាវគ្គសញ្ញីបន្នរសកាទីសុ ទុក្កដំ វុត្តំ, ឯវមកត្វា កស្មា ‘‘ថុល្លច្ចយ’’ន្តិ អាហ ‘‘អកុសលពលវតាយា’’តិ។
176. Yathā heṭṭhā vaggāvaggasaññīpannarasakādīsu dukkaṭaṃ vuttaṃ, evamakatvā kasmā ‘‘thullaccaya’’nti āha ‘‘akusalabalavatāyā’’ti.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
៩៥. អនាបត្តិបន្នរសកំ • 95. Anāpattipannarasakaṃ
៩៨. កុក្កុច្ចបកតបន្នរសកំ • 98. Kukkuccapakatapannarasakaṃ
៩៩. ភេទបុរេក្ខារបន្នរសកំ • 99. Bhedapurekkhārapannarasakaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / អនាបត្តិបន្នរសកាទិកថា • Anāpattipannarasakādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អនាបត្តិបន្នរសកាទិកថាវណ្ណនា • Anāpattipannarasakādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / អនាបត្តិបន្នរសកាទិកថាវណ្ណនា • Anāpattipannarasakādikathāvaṇṇanā
