| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អនាបត្តិបន្នរសកាទិកថាវណ្ណនា
Anāpattipannarasakādikathāvaṇṇanā
១៧២. កេនចិ ៦៣ ករណីយេន គន្ត្វាតិ សីមាបរិច្ឆេទតោ ពហិភូតំ គាមំ វា អរញ្ញំ វា គន្ត្វាតិ អត្ថោ។ ឯតេនេវ ឧបោសថញត្តិយា ឋបនកាលេ សមគ្គា ឯវ តេ ញត្តិំ ឋបេសុន្តិ សិទ្ធំ។ តេនេវ បាឡិយំ ‘‘ឧទ្ទិដ្ឋំ សុឧទ្ទិដ្ឋ’’ន្តិ សព្ពបន្នរសកេសុបិ វុត្តំ។ វគ្គា សមគ្គសញ្ញិនោតិអាទិ បន ញត្តិយា និដ្ឋិតាយ ‘‘កិំ សង្ឃស្ស បុព្ពកិច្ច’’ន្តិអាទីនំ (មហាវ. ១៣៤) វចនក្ខណេ ពហិគតានំ ភិក្ខូនំ សីមាយ បវិដ្ឋត្តា ភិក្ខូ តស្មិំ ខណេ វគ្គា ហោន្តីតិ វុត្តំ។ តេនាហ ‘‘តេសំ សីមំ ឱក្កន្តត្តា វគ្គា’’តិអាទិ, ឯតេន បារាជិកុទ្ទេសាទិក្ខណេបិ វគ្គសញ្ញីនំ ឧទ្ទិសន្តានំ អាបត្តិ ឯវ, ញត្តិយា បន បុព្ពេ និដ្ឋិតត្តា កម្មកោបោ នត្ថីតិ ទស្សិតមេវ ហោតិ។ ឯវំ ឧបរិបិ សព្ពវារេសុ អធិប្បាយោ វេទិតព្ពោ។
172.Kenaci 63 karaṇīyena gantvāti sīmāparicchedato bahibhūtaṃ gāmaṃ vā araññaṃ vā gantvāti attho. Eteneva uposathañattiyā ṭhapanakāle samaggā eva te ñattiṃ ṭhapesunti siddhaṃ. Teneva pāḷiyaṃ ‘‘uddiṭṭhaṃ suuddiṭṭha’’nti sabbapannarasakesupi vuttaṃ. Vaggā samaggasaññinotiādi pana ñattiyā niṭṭhitāya ‘‘kiṃ saṅghassa pubbakicca’’ntiādīnaṃ (mahāva. 134) vacanakkhaṇe bahigatānaṃ bhikkhūnaṃ sīmāya paviṭṭhattā bhikkhū tasmiṃ khaṇe vaggā hontīti vuttaṃ. Tenāha ‘‘tesaṃ sīmaṃ okkantattā vaggā’’tiādi, etena pārājikuddesādikkhaṇepi vaggasaññīnaṃ uddisantānaṃ āpatti eva, ñattiyā pana pubbe niṭṭhitattā kammakopo natthīti dassitameva hoti. Evaṃ uparipi sabbavāresu adhippāyo veditabbo.
ឯត្ថ ច បាឡិយំ ‘‘សព្ពាយ វុដ្ឋិតាយ…បេ.… តេសំ សន្តិកេ បារិសុទ្ធិ អារោចេតព្ពា’’តិ (មហាវ. ១៧៤) វុត្តត្តា ពហិសីមាគតាយ បរិសាយ តេសុ យស្ស កស្សចិ សន្តិកេ អនធិដ្ឋិតេហិ បារិសុទ្ធិំ អារោចេតុំ វដ្ដតីតិ វទន្តិ។
Ettha ca pāḷiyaṃ ‘‘sabbāya vuṭṭhitāya…pe… tesaṃ santike pārisuddhi ārocetabbā’’ti (mahāva. 174) vuttattā bahisīmāgatāya parisāya tesu yassa kassaci santike anadhiṭṭhitehi pārisuddhiṃ ārocetuṃ vaṭṭatīti vadanti.
អនាបត្តិបន្នរសកាទិកថាវណ្ណនា និដ្ឋិតា។
Anāpattipannarasakādikathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ៩៥. អនាបត្តិបន្នរសកំ • 95. Anāpattipannarasakaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / អនាបត្តិបន្នរសកាទិកថា • Anāpattipannarasakādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អនាបត្តិបន្នរសកាទិកថាវណ្ណនា • Anāpattipannarasakādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៩៥. អនាបត្តិបន្នរសកាទិកថា • 95. Anāpattipannarasakādikathā
