| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
10. аал̣авагасуд̇д̇ам̣
10. Āḷavakasuttaṃ
звам̣ мз суд̇ам̣ – згам̣ самаяам̣ бхаг̇аваа аал̣авияам̣ вихарад̇и аал̣авагасса яагкасса бхаванз. ат̇а ко аал̣аваго яагко язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘нигкама, саман̣аа’’д̇и. ‘‘саад̇хаавусо’’д̇и бхаг̇аваа нигками. ‘‘бависа, саман̣аа’’д̇и. ‘‘саад̇хаавусо’’д̇и бхаг̇аваа баависи.
Evaṃ me sutaṃ – ekaṃ samayaṃ bhagavā āḷaviyaṃ viharati āḷavakassa yakkhassa bhavane. Atha kho āḷavako yakkho yena bhagavā tenupasaṅkami; upasaṅkamitvā bhagavantaṃ etadavoca – ‘‘nikkhama, samaṇā’’ti. ‘‘Sādhāvuso’’ti bhagavā nikkhami. ‘‘Pavisa, samaṇā’’ti. ‘‘Sādhāvuso’’ti bhagavā pāvisi.
д̣̇уд̇ияамби ко…бз… д̇ад̇ияамби ко аал̣аваго яагко бхаг̇аванд̇ам̣ зд̇ад̣̇авожа – ‘‘нигкама, саман̣аа’’д̇и. ‘‘саад̇хаавусо’’д̇и бхаг̇аваа нигками. ‘‘бависа, саман̣аа’’д̇и. ‘‘саад̇хаавусо’’д̇и бхаг̇аваа баависи.
Dutiyampi kho…pe… tatiyampi kho āḷavako yakkho bhagavantaṃ etadavoca – ‘‘nikkhama, samaṇā’’ti. ‘‘Sādhāvuso’’ti bhagavā nikkhami. ‘‘Pavisa, samaṇā’’ti. ‘‘Sādhāvuso’’ti bhagavā pāvisi.
жад̇уд̇т̇амби ко аал̣аваго яагко бхаг̇аванд̇ам̣ зд̇ад̣̇авожа – ‘‘нигкама, саман̣аа’’д̇и. ‘‘на кваахам̣ д̇ам̣ , аавусо, нигкамиссаами. яам̣ д̇з гаран̣ийяам̣, д̇ам̣ гарохий’’д̇и.
Catutthampi kho āḷavako yakkho bhagavantaṃ etadavoca – ‘‘nikkhama, samaṇā’’ti. ‘‘Na khvāhaṃ taṃ , āvuso, nikkhamissāmi. Yaṃ te karaṇīyaṃ, taṃ karohī’’ti.
‘‘бан̃хам̣ д̇ам̣, саман̣а, бужчиссаами. сажз мз на б̣яаагариссаси, жид̇д̇ам̣ ваа д̇з кибиссаами, хад̣̇аяам̣ ваа д̇з паалзссаами, баад̣̇зсу ваа г̇ахзд̇ваа баараг̇ан̇г̇ааяа кибиссаамий’’д̇и.
‘‘Pañhaṃ taṃ, samaṇa, pucchissāmi. Sace me na byākarissasi, cittaṃ vā te khipissāmi, hadayaṃ vā te phālessāmi, pādesu vā gahetvā pāragaṅgāya khipissāmī’’ti.
‘‘на кваахам̣ д̇ам̣, аавусо, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яо мз жид̇д̇ам̣ ваа кибзяяа хад̣̇аяам̣ ваа паалзяяа баад̣̇зсу ваа г̇ахзд̇ваа баараг̇ан̇г̇ааяа кибзяяа. аби жа д̇вам̣, аавусо, бужча яад̣̇ааган̇касий’’д̇и. ат̇а ко аал̣аваго яагко бхаг̇аванд̇ам̣ г̇аат̇ааяа аж̇жхабхааси –
‘‘Na khvāhaṃ taṃ, āvuso, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo me cittaṃ vā khipeyya hadayaṃ vā phāleyya pādesu vā gahetvā pāragaṅgāya khipeyya. Api ca tvaṃ, āvuso, puccha yadākaṅkhasī’’ti. Atha kho āḷavako yakkho bhagavantaṃ gāthāya ajjhabhāsi –
183.
183.
‘‘гим̣ сууд̇ха вид̇д̇ам̣ бурисасса сздтам̣, гим̣ су сужин̣н̣ам̣ сукамаавахаад̇и;
‘‘Kiṃ sūdha vittaṃ purisassa seṭṭhaṃ, kiṃ su suciṇṇaṃ sukhamāvahāti;
гим̣ су 1 хавз саад̣̇уд̇арам̣ расаанам̣, гат̇ам̣ ж̇ийвим̣ ж̇ийвид̇амааху сздтам̣’’.
Kiṃ su 2 have sādutaraṃ rasānaṃ, kathaṃ jīviṃ jīvitamāhu seṭṭhaṃ’’.
184.
184.
‘‘сад̣̇д̇хийд̇ха вид̇д̇ам̣ бурисасса сздтам̣, д̇хаммо сужин̣н̣о сукамаавахаад̇и;
‘‘Saddhīdha vittaṃ purisassa seṭṭhaṃ, dhammo suciṇṇo sukhamāvahāti;
сажжам̣ хавз саад̣̇уд̇арам̣ расаанам̣, бан̃н̃ааж̇ийвим̣ ж̇ийвид̇амааху сздтам̣’’.
Saccaṃ have sādutaraṃ rasānaṃ, paññājīviṃ jīvitamāhu seṭṭhaṃ’’.
185.
185.
‘‘гат̇ам̣ су д̇арад̇и огхам̣, гат̇ам̣ су д̇арад̇и ан̣н̣авам̣;
‘‘Kathaṃ su tarati oghaṃ, kathaṃ su tarati aṇṇavaṃ;
гат̇ам̣ су д̣̇угкамажжзд̇и, гат̇ам̣ су барисуж̇жхад̇и’’.
Kathaṃ su dukkhamacceti, kathaṃ su parisujjhati’’.
186.
186.
‘‘сад̣̇д̇хаа д̇арад̇и огхам̣, аббамаад̣̇зна ан̣н̣авам̣;
‘‘Saddhā tarati oghaṃ, appamādena aṇṇavaṃ;
вийриязна 3 д̣̇угкамажжзд̇и, бан̃н̃ааяа барисуж̇жхад̇и’’.
Vīriyena 4 dukkhamacceti, paññāya parisujjhati’’.
187.
187.
‘‘гат̇ам̣ су лабхад̇з бан̃н̃ам̣, гат̇ам̣ су винд̣̇ад̇з д̇ханам̣;
‘‘Kathaṃ su labhate paññaṃ, kathaṃ su vindate dhanaṃ;
гат̇ам̣ су гид̇д̇им̣ баббод̇и, гат̇ам̣ мид̇д̇аани г̇ант̇ад̇и;
Kathaṃ su kittiṃ pappoti, kathaṃ mittāni ganthati;
асмаа логаа барам̣ логам̣, гат̇ам̣ бзжжа на сожад̇и’’.
Asmā lokā paraṃ lokaṃ, kathaṃ pecca na socati’’.
188.
188.
‘‘сад̣̇д̣̇ахаано арахад̇ам̣, д̇хаммам̣ ниб̣б̣аанабад̇д̇ияаа;
‘‘Saddahāno arahataṃ, dhammaṃ nibbānapattiyā;
суссуусам̣ 5 лабхад̇з бан̃н̃ам̣, аббамад̇д̇о вижагкан̣о.
Sussūsaṃ 6 labhate paññaṃ, appamatto vicakkhaṇo.
189.
189.
‘‘бад̇ируубагаарий д̇хураваа, удтаад̇аа винд̣̇ад̇з д̇ханам̣;
‘‘Patirūpakārī dhuravā, uṭṭhātā vindate dhanaṃ;
сажжзна гид̇д̇им̣ баббод̇и, д̣̇ад̣̇ам̣ мид̇д̇аани г̇ант̇ад̇и.
Saccena kittiṃ pappoti, dadaṃ mittāni ganthati.
190.
190.
‘‘яассзд̇з жад̇уро д̇хаммаа, сад̣̇д̇хасса гхарамзсино;
‘‘Yassete caturo dhammā, saddhassa gharamesino;
сажжам̣ д̇хаммо 7 д̇хид̇и жааг̇о, са вз бзжжа на сожад̇и.
Saccaṃ dhammo 8 dhiti cāgo, sa ve pecca na socati.
191.
191.
‘‘ин̇гха ан̃н̃зби бужчассу, бут̇уу саман̣аб̣раахман̣з;
‘‘Iṅgha aññepi pucchassu, puthū samaṇabrāhmaṇe;
яад̣̇и сажжаа д̣̇амаа жааг̇аа, канд̇яаа бхияяод̇ха виж̇ж̇ад̇и’’.
Yadi saccā damā cāgā, khantyā bhiyyodha vijjati’’.
192.
192.
‘‘гат̇ам̣ ну д̣̇аани бужчзяяам̣, бут̇уу саман̣аб̣раахман̣з;
‘‘Kathaṃ nu dāni puccheyyaṃ, puthū samaṇabrāhmaṇe;
193.
193.
‘‘ад̇т̇ааяа вад̇а мз б̣уд̣̇д̇хо, ваасааяаал̣авимааг̇амаа;
‘‘Atthāya vata me buddho, vāsāyāḷavimāgamā;
яохам̣ 11 аж̇ж̇а баж̇аанаами, яад̇т̇а д̣̇иннам̣ махабпалам̣.
Yohaṃ 12 ajja pajānāmi, yattha dinnaṃ mahapphalaṃ.
194.
194.
‘‘со ахам̣ вижариссаами, г̇аамаа г̇аамам̣ бураа бурам̣;
‘‘So ahaṃ vicarissāmi, gāmā gāmaṃ purā puraṃ;
намассамаано самб̣уд̣̇д̇хам̣, д̇хаммасса жа суд̇хаммад̇а’’нд̇и.
Namassamāno sambuddhaṃ, dhammassa ca sudhammata’’nti.
аал̣авагасуд̇д̇ам̣ д̣̇асамам̣ нидтид̇ам̣.
Āḷavakasuttaṃ dasamaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 10. аал̣авагасуд̇д̇аван̣н̣анаа • 10. Āḷavakasuttavaṇṇanā
