| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២៧. បទុមុក្ខិបវគ្គោ
27. Padumukkhipavaggo
១. អាកាសុក្ខិបិយត្ថេរអបទានំ
1. Ākāsukkhipiyattheraapadānaṃ
១.
1.
‘‘សុវណ្ណវណ្ណំ សិទ្ធត្ថំ, គច្ឆន្តំ អន្តរាបណេ;
‘‘Suvaṇṇavaṇṇaṃ siddhatthaṃ, gacchantaṃ antarāpaṇe;
ជលជគ្គេ ទុវេ គយ្ហ, ឧបាគច្ឆិំ នរាសភំ។
Jalajagge duve gayha, upāgacchiṃ narāsabhaṃ.
២.
2.
‘‘ឯកញ្ច បុប្ផំ បាទេសុ, ពុទ្ធសេដ្ឋស្ស និក្ខិបិំ;
‘‘Ekañca pupphaṃ pādesu, buddhaseṭṭhassa nikkhipiṃ;
ឯកញ្ច បុប្ផំ បគ្គយ្ហ, អាកាសេ ឧក្ខិបិំ អហំ។
Ekañca pupphaṃ paggayha, ākāse ukkhipiṃ ahaṃ.
៣.
3.
‘‘ចតុន្នវុតិតោ កប្បេ, យំ បុប្ផមភិរោបយិំ;
‘‘Catunnavutito kappe, yaṃ pupphamabhiropayiṃ;
ទុគ្គតិំ នាភិជានាមិ, បុប្ផទានស្សិទំ ផលំ។
Duggatiṃ nābhijānāmi, pupphadānassidaṃ phalaṃ.
៤.
4.
‘‘ឥតោ ឆត្តិំសកប្បម្ហិ, ឯកោ អាសិំ មហីបតិ;
‘‘Ito chattiṃsakappamhi, eko āsiṃ mahīpati;
អន្តលិក្ខករោ នាម, ចក្កវត្តី មហព្ពលោ។
Antalikkhakaro nāma, cakkavattī mahabbalo.
៥.
5.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា អាកាសុក្ខិបិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ākāsukkhipiyo thero imā gāthāyo abhāsitthāti.
អាកាសុក្ខិបិយត្ថេរស្សាបទានំ បឋមំ។
Ākāsukkhipiyattherassāpadānaṃ paṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. អាកាសុក្ខិបិយត្ថេរអបទានាទិវណ្ណនា • 1-10. Ākāsukkhipiyattheraapadānādivaṇṇanā
