| Tipiṭaka / តិបិដក • Tipiṭaka / អបទានបាឡិ • Apadānapāḷi |
២. តេលមក្ខិយត្ថេរអបទានំ
2. Telamakkhiyattheraapadānaṃ
៦.
6.
‘‘សិទ្ធត្ថម្ហិ ភគវតិ, និព្ពុតម្ហិ នរាសភេ;
‘‘Siddhatthamhi bhagavati, nibbutamhi narāsabhe;
ពោធិយា វេទិកាយាហំ, តេលំ មក្ខេសិ តាវទេ។
Bodhiyā vedikāyāhaṃ, telaṃ makkhesi tāvade.
៧.
7.
‘‘ចតុន្នវុតិតោ កប្បេ, យំ តេលំ មក្ខយិំ តទា;
‘‘Catunnavutito kappe, yaṃ telaṃ makkhayiṃ tadā;
ទុគ្គតិំ នាភិជានាមិ, មក្ខនាយ ឥទំ ផលំ។
Duggatiṃ nābhijānāmi, makkhanāya idaṃ phalaṃ.
៨.
8.
‘‘ចតុវីសេ ឥតោ កប្បេ, សុច្ឆវិ នាម ខត្តិយោ;
‘‘Catuvīse ito kappe, succhavi nāma khattiyo;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៩.
9.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា តេលមក្ខិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā telamakkhiyo thero imā gāthāyo abhāsitthāti.
តេលមក្ខិយត្ថេរស្សាបទានំ ទុតិយំ។
Telamakkhiyattherassāpadānaṃ dutiyaṃ.
