| Library / Tipiṭaka / ติปิฎก • Tipiṭaka / จูฬนิเทฺทสปาฬิ • Cūḷaniddesapāḷi |
๑. อชิตมาณวปุจฺฉา
1. Ajitamāṇavapucchā
๕๗.
57.
‘‘เกนสฺสุ นิวุโต โลโก, [อิจฺจายสฺมา อชิโต]
‘‘Kenassu nivuto loko, [iccāyasmā ajito]
เกนสฺสุ นปฺปกาสติ;
Kenassu nappakāsati;
กิสฺสาภิเลปนํ พฺรูสิ, กิํสุ ตสฺส มหพฺภยํ’’ฯ
Kissābhilepanaṃ brūsi, kiṃsu tassa mahabbhayaṃ’’.
๕๘.
58.
‘‘อวิชฺชาย นิวุโต โลโก, [อชิตาติ ภควา]
‘‘Avijjāya nivuto loko, [ajitāti bhagavā]
เววิจฺฉา ปมาทา นปฺปกาสติ;
Vevicchā pamādā nappakāsati;
ชปฺปาภิเลปนํ พฺรูมิ, ทุกฺขมสฺส มหพฺภยํ’’ฯ
Jappābhilepanaṃ brūmi, dukkhamassa mahabbhayaṃ’’.
๕๙.
59.
‘‘สวนฺติ สพฺพธิ โสตา, [อิจฺจายสฺมา อชิโต]
‘‘Savanti sabbadhi sotā, [iccāyasmā ajito]
โสตานํ กิํ นิวารณํ;
Sotānaṃ kiṃ nivāraṇaṃ;
โสตานํ สํวรํ พฺรูหิ, เกน โสตา ปิธิยฺยเร’’ฯ
Sotānaṃ saṃvaraṃ brūhi, kena sotā pidhiyyare’’.
๖๐.
60.
‘‘ยานิ โสตานิ โลกสฺมิํ, [อชิตาติ ภควา]
‘‘Yāni sotāni lokasmiṃ, [ajitāti bhagavā]
สติ เตสํ นิวารณํ;
Sati tesaṃ nivāraṇaṃ;
โสตานํ สํวรํ พฺรูมิ, ปญฺญาเยเต ปิธิยฺยเร’’ฯ
Sotānaṃ saṃvaraṃ brūmi, paññāyete pidhiyyare’’.
๖๑.
61.
นามรูปญฺจ มาริส;
Nāmarūpañca mārisa;
เอตํ เม ปุโฎฺฐ ปพฺรูหิ, กเตฺถตํ อุปรุชฺฌติ’’ฯ
Etaṃ me puṭṭho pabrūhi, katthetaṃ uparujjhati’’.
๖๒.
62.
‘‘ยเมตํ ปญฺหํ อปุจฺฉิ, อชิต ตํ วทามิ เต;
‘‘Yametaṃ pañhaṃ apucchi, ajita taṃ vadāmi te;
ยตฺถ นามญฺจ รูปญฺจ, อเสสํ อุปรุชฺฌติ;
Yattha nāmañca rūpañca, asesaṃ uparujjhati;
วิญฺญาณสฺส นิโรเธน, เอเตฺถตํ อุปรุชฺฌติ’’ฯ
Viññāṇassa nirodhena, etthetaṃ uparujjhati’’.
๖๓.
63.
เตสํ เม นิปโก อิริยํ, ปุโฎฺฐ ปพฺรูหิ มาริส’’ฯ
Tesaṃ me nipako iriyaṃ, puṭṭho pabrūhi mārisa’’.
๖๔.
64.
‘‘กาเมสุ นาภิคิเชฺฌยฺย, มนสานาวิโล สิยา;
‘‘Kāmesu nābhigijjheyya, manasānāvilo siyā;
กุสโล สพฺพธมฺมานํ, สโต ภิกฺขุ ปริพฺพเช’’ติฯ
Kusalo sabbadhammānaṃ, sato bhikkhu paribbaje’’ti.
อชิตมาณวปุจฺฉา ปฐมาฯ
Ajitamāṇavapucchā paṭhamā.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จูฬนิเทฺทส-อฎฺฐกถา • Cūḷaniddesa-aṭṭhakathā / ๑. อชิตมาณวสุตฺตนิเทฺทสวณฺณนา • 1. Ajitamāṇavasuttaniddesavaṇṇanā
