| Library / Tipiṭaka / តិបិដក • Tipiṭaka / មហាវិភង្គ-អដ្ឋកថា • Mahāvibhaṅga-aṭṭhakathā |
៥. អចេលកវគ្គោ
5. Acelakavaggo
១. អចេលកសិក្ខាបទវណ្ណនា
1. Acelakasikkhāpadavaṇṇanā
២៦៩. អចេលកវគ្គស្ស ៩ បឋមសិក្ខាបទេ – បរិវេសនន្តិ បរិវិសនដ្ឋានំ។ បរិព្ពាជកសមាបន្នោតិ បព្ពជ្ជំ សមាបន្នោ។ ទេតិ អាបត្តិ បាចិត្តិយស្សាតិ សមតិត្តិកំ យាគុបត្តំ ឯកបយោគេន ទេតិ, ឯកំ បាចិត្តិយំ។ អវច្ឆិន្ទិត្វា អវច្ឆិន្ទិត្វា ទេតិ, បយោគេ បយោគេ បាចិត្តិយំ។ ឯសេវ នយោ បូវភត្តាទីសុ។ តិត្ថិយេ អតិត្ថិយសញ្ញីតិ មាតា វា បិតា វា តិត្ថិយេសុ បព្ពជតិ, តេសំ មាតាបិតុសញ្ញាយ ទេន្តស្សាបិ បាចិត្តិយមេវ ហោតិ។ ទាបេតីតិ អនុបសម្បន្នេន ទាបេតិ។
269. Acelakavaggassa 9 paṭhamasikkhāpade – parivesananti parivisanaṭṭhānaṃ. Paribbājakasamāpannoti pabbajjaṃ samāpanno. Deti āpatti pācittiyassāti samatittikaṃ yāgupattaṃ ekapayogena deti, ekaṃ pācittiyaṃ. Avacchinditvā avacchinditvā deti, payoge payoge pācittiyaṃ. Eseva nayo pūvabhattādīsu. Titthiye atitthiyasaññīti mātā vā pitā vā titthiyesu pabbajati, tesaṃ mātāpitusaññāya dentassāpi pācittiyameva hoti. Dāpetīti anupasampannena dāpeti.
២៧៣. ឧបនិក្ខិបិត្វា ទេតីតិ តថារូបេ ភាជនេ ឋបេត្វា តំ ភាជនំ តេសំ សន្តិកេ ភូមិយំ និក្ខិបិត្វា ទេតិ, តេសំ វា ភាជនំ និក្ខិបាបេត្វា តត្ថ ទេតិ, បត្តំ អាធារកេ វា ភូមិយំ វា ឋបេត្វាបិ ‘‘ឥតោ គណ្ហថា’’តិ វត្តុំ វដ្ដតិ។ សចេ តិត្ថិយោ វទតិ ‘‘មយ្ហំ នាម ឥទំ សន្តកំ, ឥធ ន អាកិរថា’’តិ អាកិរិតព្ពំ។ តស្ស សន្តកត្តា សហត្ថា ទានំ នាម ន ហោតិ។ សេសមេត្ថ ឧត្តានមេវ។
273.Upanikkhipitvā detīti tathārūpe bhājane ṭhapetvā taṃ bhājanaṃ tesaṃ santike bhūmiyaṃ nikkhipitvā deti, tesaṃ vā bhājanaṃ nikkhipāpetvā tattha deti, pattaṃ ādhārake vā bhūmiyaṃ vā ṭhapetvāpi ‘‘ito gaṇhathā’’ti vattuṃ vaṭṭati. Sace titthiyo vadati ‘‘mayhaṃ nāma idaṃ santakaṃ, idha na ākirathā’’ti ākiritabbaṃ. Tassa santakattā sahatthā dānaṃ nāma na hoti. Sesamettha uttānameva.
ឯឡកលោមសមុដ្ឋានំ – កិរិយំ, នោសញ្ញាវិមោក្ខំ, អចិត្តកំ, បណ្ណត្តិវជ្ជំ, កាយកម្មំ, តិចិត្តំ, តិវេទនន្តិ។
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
អចេលកសិក្ខាបទំ បឋមំ។
Acelakasikkhāpadaṃ paṭhamaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៥. អចេលកវគ្គោ • 5. Acelakavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១. អចេលកសិក្ខាបទវណ្ណនា • 1. Acelakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ១. អចេលកសិក្ខាបទវណ្ណនា • 1. Acelakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. អចេលកសិក្ខាបទវណ្ណនា • 1. Acelakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ១. អចេលកសិក្ខាបទ-អត្ថយោជនា • 1. Acelakasikkhāpada-atthayojanā
