| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៥. អចេលកវគ្គោ
5. Acelakavaggo
១. អចេលកសិក្ខាបទ-អត្ថយោជនា
1. Acelakasikkhāpada-atthayojanā
២៦៩. អចេលកវគ្គស្ស បឋមេ បរិវិសតិ ឯត្ថាតិ បរិវេសនន្តិ ទស្សេន្តោ អាហ ‘‘បរិវេសនដ្ឋាន’’ន្តិ។ បរិព្ពាជកបព្ពជសទ្ទា សមានាតិ អាហ ‘‘បរិព្ពាជកសមាបន្នោតិ បព្ពជ្ជំ សមាបន្នោ’’តិ។ តិត្ថេន សមំ បូរតីតិ សមតិត្ថីកំ, នទីអាទីសុ ឧទកំ, សមតិត្ថិកំ វិយាតិ សមតិត្ថិកំ, បត្តភាជនេសុ យាគុភត្តំ។ តេសន្តិ មាតាបិតូនំ ទេន្តស្សាតិ សម្ពន្ធោ។ ‘‘ទាបេតី’’តិ ឯត្ថ ទាធាតុយា សម្បទានស្ស សុវិជានិតត្តា តំ អទស្សេត្វា ការិតកម្មមេវ ទស្សេន្តោ អាហ ‘‘អនុបសម្បន្នេនា’’តិ។
269. Acelakavaggassa paṭhame parivisati etthāti parivesananti dassento āha ‘‘parivesanaṭṭhāna’’nti. Paribbājakapabbajasaddā samānāti āha ‘‘paribbājakasamāpannoti pabbajjaṃ samāpanno’’ti. Titthena samaṃ pūratīti samatitthīkaṃ, nadīādīsu udakaṃ, samatitthikaṃ viyāti samatitthikaṃ, pattabhājanesu yāgubhattaṃ. Tesanti mātāpitūnaṃ dentassāti sambandho. ‘‘Dāpetī’’ti ettha dādhātuyā sampadānassa suvijānitattā taṃ adassetvā kāritakammameva dassento āha ‘‘anupasampannenā’’ti.
២៧៣. ‘‘សន្តិកេ’’តិឥមិនា ‘‘ឧបនិក្ខិបិត្វា’’តិ ឯត្ថ ឧបសទ្ទស្ស សមីបត្ថំ ទស្សេតិ។ តេសន្តិ តិត្ថិយានំ។ តត្ថាតិ ភាជនេ។ ឥតោតិ បត្តតោ។ ឥធាតិ មយ្ហំ ភាជនេ។ នន្តិ ខាទនីយភោជនីយំ។ តស្សាតិ តិត្ថិយស្សាតិ។ បឋមំ។
273. ‘‘Santike’’tiiminā ‘‘upanikkhipitvā’’ti ettha upasaddassa samīpatthaṃ dasseti. Tesanti titthiyānaṃ. Tatthāti bhājane. Itoti pattato. Idhāti mayhaṃ bhājane. Nanti khādanīyabhojanīyaṃ. Tassāti titthiyassāti. Paṭhamaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៥. អចេលកវគ្គោ • 5. Acelakavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ១. អចេលកសិក្ខាបទវណ្ណនា • 1. Acelakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ១. អចេលកសិក្ខាបទវណ្ណនា • 1. Acelakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ១. អចេលកសិក្ខាបទវណ្ណនា • 1. Acelakasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ១. អចេលកសិក្ខាបទវណ្ណនា • 1. Acelakasikkhāpadavaṇṇanā
