| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
២. ឧយ្យោជនសិក្ខាបទំ
2. Uyyojanasikkhāpadaṃ
២៧៤. ទុតិយេ បដិក្កមនអសនសាលសទ្ទានំ បរិយាយត្តា វុត្តំ ‘‘អសនសាលាយបី’’តិ។ ភត្តស្ស វិស្សជ្ជនំ ភត្តវិស្សគ្គោតិ កតេ ភត្តកិច្ចន្តិ អាហ ‘‘ភត្តកិច្ច’’ន្តិ។ សម្ភូធាតុស្ស បបុព្ពអបធាត្វត្ថត្តា វុត្តំ ‘‘ន បាបុណី’’តិ។
274. Dutiye paṭikkamanaasanasālasaddānaṃ pariyāyattā vuttaṃ ‘‘asanasālāyapī’’ti. Bhattassa vissajjanaṃ bhattavissaggoti kate bhattakiccanti āha ‘‘bhattakicca’’nti. Sambhūdhātussa papubbaapadhātvatthattā vuttaṃ ‘‘na pāpuṇī’’ti.
២៧៦. វុត្តាវសេសន្តិ វុត្តេហិ មាតុគាមេន សទ្ធិំ ហសិតុកាមតាទីហិ អវសេសំ។ តស្មិន្តិ ឧយ្យោជិតភិក្ខុម្ហិ។ អត្ថតោតិ វិជហន្តវិជហិតភិក្ខូនំ អវិនាភាវសង្ខាតអត្ថតោ។ ឥតរេនាតិ ឧយ្យោជកភិក្ខុនា។ តត្ថាតិ ‘‘ទស្សនូបចារំ វា សវនូបចារំ វា’’តិវចនេ។ ឯត្ថាតិ និទ្ធារណសមុទាយោ, ទស្សនូបចារសវនូបចារេសូតិ អត្ថោ។ ‘‘តថាតិឥមិនា ទ្វាទសហត្ថបមាណំ អតិទិសតិ។ តេហីតិ កុដ្ដាទីហិ។ តស្សាតិ ទស្សនូបចារាតិក្កមស្ស។ ‘‘វុត្តបការមនាចារ’’ន្តិ ឥមិនា ‘‘ន អញ្ញោ កោចិ បច្ចយោ’’តិ ឯត្ថ អញ្ញសទ្ទស្ស អបាទានំ ទស្សេតិ, ‘‘ការណ’’ន្តិឥមិនា បច្ចយសទ្ទស្សត្ថំ។
276.Vuttāvasesanti vuttehi mātugāmena saddhiṃ hasitukāmatādīhi avasesaṃ. Tasminti uyyojitabhikkhumhi. Atthatoti vijahantavijahitabhikkhūnaṃ avinābhāvasaṅkhātaatthato. Itarenāti uyyojakabhikkhunā. Tatthāti ‘‘dassanūpacāraṃ vā savanūpacāraṃ vā’’tivacane. Etthāti niddhāraṇasamudāyo, dassanūpacārasavanūpacāresūti attho. ‘‘Tathātiiminā dvādasahatthapamāṇaṃ atidisati. Tehīti kuṭṭādīhi. Tassāti dassanūpacārātikkamassa. ‘‘Vuttapakāramanācāra’’nti iminā ‘‘na añño koci paccayo’’ti ettha aññasaddassa apādānaṃ dasseti, ‘‘kāraṇa’’ntiiminā paccayasaddassatthaṃ.
២៧៧. កលិសទ្ទស្ស បាបបរាជយសង្ខាតេសុ ទ្វីសុ អត្ថេសុ បាបសង្ខាតោ កោធោតិ អាហ ‘‘កលីតិ កោធោ’’តិ។ ‘‘អាណ’’ន្តិឥមិនា សាសនសទ្ទស្សត្ថំ ទស្សេតិ។ វុត្តញ្ហិ ‘‘អាណា ច សាសនំ ញេយ្យ’’ន្តិ។ កោធវសេន វទតីតិ សម្ពន្ធោ។ ទស្សេត្វា វទតីតិ យោជនា។ ឥមស្ស ឋានំ និសជ្ជំ អាលោកិតំ វិលោកិតំ បស្សថ ភោតិ យោជនា។ ឥមិនាបីតិ អមនាបវចនំ វចនេនាបីតិ។ ទុតិយំ។
277.Kalisaddassa pāpaparājayasaṅkhātesu dvīsu atthesu pāpasaṅkhāto kodhoti āha ‘‘kalīti kodho’’ti. ‘‘Āṇa’’ntiiminā sāsanasaddassatthaṃ dasseti. Vuttañhi ‘‘āṇā ca sāsanaṃ ñeyya’’nti. Kodhavasena vadatīti sambandho. Dassetvā vadatīti yojanā. Imassa ṭhānaṃ nisajjaṃ ālokitaṃ vilokitaṃ passatha bhoti yojanā. Imināpīti amanāpavacanaṃ vacanenāpīti. Dutiyaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៥. អចេលកវគ្គោ • 5. Acelakavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ២. ឧយ្យោជនសិក្ខាបទវណ្ណនា • 2. Uyyojanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ២. ឧយ្យោជនសិក្ខាបទវណ្ណនា • 2. Uyyojanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ២. ឧយ្យោជនសិក្ខាបទវណ្ណនា • 2. Uyyojanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. ឧយ្យោជនសិក្ខាបទវណ្ណនា • 2. Uyyojanasikkhāpadavaṇṇanā
