| Library / Tipiṭaka / ತಿಪಿಟಕ • Tipiṭaka / ವಿಮಾನವತ್ಥುಪಾಳಿ • Vimānavatthupāḷi |
೩. ಆಚಾಮದಾಯಿಕಾವಿಮಾನವತ್ಥು
3. Ācāmadāyikāvimānavatthu
೧೮೫.
185.
‘‘ಪಿಣ್ಡಾಯ ತೇ ಚರನ್ತಸ್ಸ, ತುಣ್ಹೀಭೂತಸ್ಸ ತಿಟ್ಠತೋ।
‘‘Piṇḍāya te carantassa, tuṇhībhūtassa tiṭṭhato;
೧೮೬.
186.
‘‘ಯಾ ತೇ ಅದಾಸಿ ಆಚಾಮಂ, ಪಸನ್ನಾ ಸೇಹಿ ಪಾಣಿಭಿ।
‘‘Yā te adāsi ācāmaṃ, pasannā sehi pāṇibhi;
ಸಾ ಹಿತ್ವಾ ಮಾನುಸಂ ದೇಹಂ, ಕಂ ನು ಸಾ ದಿಸತಂ ಗತಾ’’ತಿ॥
Sā hitvā mānusaṃ dehaṃ, kaṃ nu sā disataṃ gatā’’ti.
೧೮೭.
187.
‘‘ಪಿಣ್ಡಾಯ ಮೇ ಚರನ್ತಸ್ಸ, ತುಣ್ಹೀಭೂತಸ್ಸ ತಿಟ್ಠತೋ।
‘‘Piṇḍāya me carantassa, tuṇhībhūtassa tiṭṭhato;
ದಲಿದ್ದಾ ಕಪಣಾ ನಾರೀ, ಪರಾಗಾರಂ ಅಪಸ್ಸಿತಾ॥
Daliddā kapaṇā nārī, parāgāraṃ apassitā.
೧೮೮.
188.
‘‘ಯಾ ಮೇ ಅದಾಸಿ ಆಚಾಮಂ, ಪಸನ್ನಾ ಸೇಹಿ ಪಾಣಿಭಿ।
‘‘Yā me adāsi ācāmaṃ, pasannā sehi pāṇibhi;
ಸಾ ಹಿತ್ವಾ ಮಾನುಸಂ ದೇಹಂ, ವಿಪ್ಪಮುತ್ತಾ ಇತೋ ಚುತಾ॥
Sā hitvā mānusaṃ dehaṃ, vippamuttā ito cutā.
೧೮೯.
189.
‘‘ನಿಮ್ಮಾನರತಿನೋ ನಾಮ, ಸನ್ತಿ ದೇವಾ ಮಹಿದ್ಧಿಕಾ।
‘‘Nimmānaratino nāma, santi devā mahiddhikā;
ತತ್ಥ ಸಾ ಸುಖಿತಾ ನಾರೀ, ಮೋದತಾಚಾಮದಾಯಿಕಾ’’ತಿ॥
Tattha sā sukhitā nārī, modatācāmadāyikā’’ti.
೧೯೦.
190.
‘‘ಅಹೋ ದಾನಂ ವರಾಕಿಯಾ, ಕಸ್ಸಪೇ ಸುಪ್ಪತಿಟ್ಠಿತಂ।
‘‘Aho dānaṃ varākiyā, kassape suppatiṭṭhitaṃ;
ಪರಾಭತೇನ ದಾನೇನ, ಇಜ್ಝಿತ್ಥ ವತ ದಕ್ಖಿಣಾ॥
Parābhatena dānena, ijjhittha vata dakkhiṇā.
೧೯೧.
191.
‘‘ಯಾ ಮಹೇಸಿತ್ತಂ ಕಾರೇಯ್ಯ, ಚಕ್ಕವತ್ತಿಸ್ಸ ರಾಜಿನೋ।
‘‘Yā mahesittaṃ kāreyya, cakkavattissa rājino;
ನಾರೀ ಸಬ್ಬಙ್ಗಕಲ್ಯಾಣೀ, ಭತ್ತು ಚಾನೋಮದಸ್ಸಿಕಾ।
Nārī sabbaṅgakalyāṇī, bhattu cānomadassikā;
ಏತಸ್ಸಾಚಾಮದಾನಸ್ಸ , ಕಲಂ ನಾಗ್ಘತಿ ಸೋಳಸಿಂ॥
Etassācāmadānassa , kalaṃ nāgghati soḷasiṃ.
೧೯೨.
192.
‘‘ಸತಂ ನಿಕ್ಖಾ ಸತಂ ಅಸ್ಸಾ, ಸತಂ ಅಸ್ಸತರೀರಥಾ।
‘‘Sataṃ nikkhā sataṃ assā, sataṃ assatarīrathā;
ಸತಂ ಕಞ್ಞಾಸಹಸ್ಸಾನಿ, ಆಮುತ್ತಮಣಿಕುಣ್ಡಲಾ।
Sataṃ kaññāsahassāni, āmuttamaṇikuṇḍalā;
ಏತಸ್ಸಾಚಾಮದಾನಸ್ಸ, ಕಲಂ ನಾಗ್ಘನ್ತಿ ಸೋಳಸಿಂ॥
Etassācāmadānassa, kalaṃ nāgghanti soḷasiṃ.
೧೯೩.
193.
‘‘ಸತಂ ಹೇಮವತಾ ನಾಗಾ, ಈಸಾದನ್ತಾ ಉರೂಳ್ಹವಾ।
‘‘Sataṃ hemavatā nāgā, īsādantā urūḷhavā;
ಏತಸ್ಸಾಚಾಮದಾನಸ್ಸ, ಕಲಂ ನಾಗ್ಘತಿ ಸೋಳಸಿಂ॥
Etassācāmadānassa, kalaṃ nāgghati soḷasiṃ.
೧೯೪.
194.
‘‘ಚತುನ್ನಮಪಿ ದೀಪಾನಂ, ಇಸ್ಸರಂ ಯೋಧ ಕಾರಯೇ।
‘‘Catunnamapi dīpānaṃ, issaraṃ yodha kāraye;
ಏತಸ್ಸಾಚಾಮದಾನಸ್ಸ, ಕಲಂ ನಾಗ್ಘತಿ ಸೋಳಸಿ’’ನ್ತಿ॥
Etassācāmadānassa, kalaṃ nāgghati soḷasi’’nti.
ಆಚಾಮದಾಯಿಕಾವಿಮಾನಂ ತತಿಯಂ।
Ācāmadāyikāvimānaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ವಿಮಾನವತ್ಥು-ಅಟ್ಠಕಥಾ • Vimānavatthu-aṭṭhakathā / ೩. ಆಚಾಮದಾಯಿಕಾವಿಮಾನವಣ್ಣನಾ • 3. Ācāmadāyikāvimānavaṇṇanā
