| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣-៥. បុណ្ណមន្តាណិបុត្តត្ថេរអបទានំ
3-5. Puṇṇamantāṇiputtattheraapadānaṃ
៤៣៤.
434.
‘‘អជ្ឈាយកោ មន្តធរោ, តិណ្ណំ វេទាន បារគូ;
‘‘Ajjhāyako mantadharo, tiṇṇaṃ vedāna pāragū;
បុរក្ខតោម្ហិ សិស្សេហិ, ឧបគច្ឆិំ នរុត្តមំ។
Purakkhatomhi sissehi, upagacchiṃ naruttamaṃ.
៤៣៥.
435.
‘‘បទុមុត្តរោ លោកវិទូ, អាហុតីនំ បដិគ្គហោ;
‘‘Padumuttaro lokavidū, āhutīnaṃ paṭiggaho;
មម កម្មំ បកិត្តេសិ, សង្ខិត្តេន មហាមុនិ។
Mama kammaṃ pakittesi, saṅkhittena mahāmuni.
៤៣៦.
436.
‘‘តាហំ ធម្មំ សុណិត្វាន, អភិវាទេត្វាន សត្ថុនោ;
‘‘Tāhaṃ dhammaṃ suṇitvāna, abhivādetvāna satthuno;
៤៣៧.
437.
សព្ពេ សិស្សា អត្តមនា, សុត្វាន មម ភាសតោ;
Sabbe sissā attamanā, sutvāna mama bhāsato;
សកំ ទិដ្ឋិំ វិនោទេត្វា, ពុទ្ធេ ចិត្តំ បសាទយុំ។
Sakaṃ diṭṭhiṃ vinodetvā, buddhe cittaṃ pasādayuṃ.
៤៣៨.
438.
អភិធម្មនយញ្ញូហំ , កថាវត្ថុវិសុទ្ធិយា;
Abhidhammanayaññūhaṃ , kathāvatthuvisuddhiyā;
សព្ពេសំ វិញ្ញាបេត្វាន, វិហរាមិ អនាសវោ។
Sabbesaṃ viññāpetvāna, viharāmi anāsavo.
៤៣៩.
439.
‘‘ឥតោ បញ្ចសតេ កប្បេ, ចតុរោ សុប្បកាសកា;
‘‘Ito pañcasate kappe, caturo suppakāsakā;
សត្តរតនសម្បន្នា, ចតុទីបម្ហិ ឥស្សរា។
Sattaratanasampannā, catudīpamhi issarā.
៤៤០.
440.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា បុណ្ណោ មន្តាណិបុត្តោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā puṇṇo mantāṇiputto thero imā gāthāyo abhāsitthāti.
បុណ្ណមន្តាណិបុត្តត្ថេរស្សាបទានំ បញ្ចមំ។
Puṇṇamantāṇiputtattherassāpadānaṃ pañcamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣-៥. បុណ្ណមន្តាណិបុត្តត្ថេរអបទានវណ្ណនា • 3-5. Puṇṇamantāṇiputtattheraapadānavaṇṇanā
