| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. யூதி²கபுப்பி²யத்தே²ரஅபதா³னங்
10. Yūthikapupphiyattheraapadānaṃ
53.
53.
‘‘பது³முத்தரோ நாம ஜினோ, ஆஹுதீனங் படிக்³க³ஹோ;
‘‘Padumuttaro nāma jino, āhutīnaṃ paṭiggaho;
பவனா நிக்க²மித்வான, விஹாரங் யாதி சக்கு²மா.
Pavanā nikkhamitvāna, vihāraṃ yāti cakkhumā.
54.
54.
‘‘உபோ⁴ ஹத்தே²ஹி பக்³க³ய்ஹ, யூதி²கங் புப்ப²முத்தமங்;
‘‘Ubho hatthehi paggayha, yūthikaṃ pupphamuttamaṃ;
பு³த்³த⁴ஸ்ஸ அபி⁴ரோபயிங், மெத்தசித்தஸ்ஸ தாதி³னோ.
Buddhassa abhiropayiṃ, mettacittassa tādino.
55.
55.
‘‘தேன சித்தப்பஸாதே³ன, அனுபொ⁴த்வான ஸம்பதா³;
‘‘Tena cittappasādena, anubhotvāna sampadā;
கப்பானங் ஸதஸஹஸ்ஸங், து³க்³க³திங் நுபபஜ்ஜஹங்.
Kappānaṃ satasahassaṃ, duggatiṃ nupapajjahaṃ.
56.
56.
‘‘இதோ பஞ்ஞாஸகப்பேஸு, ஏகோ ஆஸிங் ஜனாதி⁴போ;
‘‘Ito paññāsakappesu, eko āsiṃ janādhipo;
ஸமித்தனந்த³னோ நாம, சக்கவத்தீ மஹப்³ப³லோ.
Samittanandano nāma, cakkavattī mahabbalo.
57.
57.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா யூதி²கபுப்பி²யோ தே²ரோ இமா கா³தா²யோ அபா⁴ஸித்தா²தி;
Itthaṃ sudaṃ āyasmā yūthikapupphiyo thero imā gāthāyo abhāsitthāti;
யூதி²கபுப்பி²யத்தே²ரஸ்ஸாபதா³னங் த³ஸமங்.
Yūthikapupphiyattherassāpadānaṃ dasamaṃ.
தமாலபுப்பி²யவக்³கோ³ வீஸதிமோ.
Tamālapupphiyavaggo vīsatimo.
தஸ்ஸுத்³தா³னங் –
Tassuddānaṃ –
தமாலதிணஸந்தா²ரோ , க²ண்ட³பு²ல்லி அஸோகியோ;
Tamālatiṇasanthāro , khaṇḍaphulli asokiyo;
அங்கோலகீ கிஸலயோ, திந்து³கோ நேலபுப்பி²யோ;
Aṅkolakī kisalayo, tinduko nelapupphiyo;
கிங்கணிகோ யூதி²கோ ச, கா³தா² பஞ்ஞாஸ அட்ட² சாதி.
Kiṃkaṇiko yūthiko ca, gāthā paññāsa aṭṭha cāti.
அத² வக்³கு³த்³தா³னங் –
Atha vagguddānaṃ –
பி⁴க்கா²தா³யீ பரிவாரோ, ஸேரெய்யோ ஸோபி⁴தோ ததா²;
Bhikkhādāyī parivāro, sereyyo sobhito tathā;
ச²த்தஞ்ச ப³ந்து⁴ஜீவீ ச, ஸுபாரிசரியோபி ச.
Chattañca bandhujīvī ca, supāricariyopi ca.
குமுதோ³ குடஜோ சேவ, தமாலி த³ஸமோ கதோ;
Kumudo kuṭajo ceva, tamāli dasamo kato;
ச²ஸதானி ச கா³தா²னி, ச²ஸட்டி² ச ததுத்தரி.
Chasatāni ca gāthāni, chasaṭṭhi ca tatuttari.
பி⁴க்கா²வக்³க³த³ஸகங்.
Bhikkhāvaggadasakaṃ.
து³தியஸதகங் ஸமத்தங்.
Dutiyasatakaṃ samattaṃ.
