| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
21. கணிகாரபுப்பி²யவக்³கோ³
21. Kaṇikārapupphiyavaggo
1. கணிகாரபுப்பி²யத்தே²ரஅபதா³னங்
1. Kaṇikārapupphiyattheraapadānaṃ
1.
1.
‘‘கணிகாரங் புப்பி²தங் தி³ஸ்வா, ஓசினித்வானஹங் ததா³;
‘‘Kaṇikāraṃ pupphitaṃ disvā, ocinitvānahaṃ tadā;
திஸ்ஸஸ்ஸ அபி⁴ரோபேஸிங், ஓக⁴திண்ணஸ்ஸ தாதி³னோ.
Tissassa abhiropesiṃ, oghatiṇṇassa tādino.
2.
2.
‘‘த்³வேனவுதே இதோ கப்பே, யங் புப்ப²மபி⁴ரோபயிங்;
‘‘Dvenavute ito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
3.
3.
‘‘பஞ்சத்திங்ஸே இதோ கப்பே, அருணபாணீதி விஸ்ஸுதோ;
‘‘Pañcattiṃse ito kappe, aruṇapāṇīti vissuto;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
4.
4.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா கணிகாரபுப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā kaṇikārapupphiyo thero imā gāthāyo abhāsitthāti.
கணிகாரபுப்பி²யத்தே²ரஸ்ஸாபதா³னங் பட²மங்.
Kaṇikārapupphiyattherassāpadānaṃ paṭhamaṃ.
