| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๓. ยุธญฺชยวโคฺค
3. Yudhañjayavaggo
๑. ยุธญฺชยจริยา
1. Yudhañjayacariyā
๑.
1.
‘‘ยทาหํ อมิตยโส, ราชปุโตฺต ยุธญฺชโย;
‘‘Yadāhaṃ amitayaso, rājaputto yudhañjayo;
อุสฺสาวพินฺทุํ สูริยาตเป, ปติตํ ทิสฺวาน สํวิชิํฯ
Ussāvabinduṃ sūriyātape, patitaṃ disvāna saṃvijiṃ.
๒.
2.
‘‘ตเญฺญวาธิปติํ กตฺวา, สํเวคมนุพฺรูหยิํ;
‘‘Taññevādhipatiṃ katvā, saṃvegamanubrūhayiṃ;
มาตาปิตู จ วนฺทิตฺวา, ปพฺพชฺชมนุยาจหํฯ
Mātāpitū ca vanditvā, pabbajjamanuyācahaṃ.
๓.
3.
‘‘ยาจนฺติ มํ ปญฺชลิกา, สเนคมา สรฎฺฐกา;
‘‘Yācanti maṃ pañjalikā, sanegamā saraṭṭhakā;
‘อเชฺชว ปุตฺต ปฎิปชฺช, อิทฺธํ ผีตํ มหามหิํ’ฯ
‘Ajjeva putta paṭipajja, iddhaṃ phītaṃ mahāmahiṃ’.
๔.
4.
‘‘สราชเก สโหโรเธ, สเนคเม สรฎฺฐเก;
‘‘Sarājake sahorodhe, sanegame saraṭṭhake;
กรุณํ ปริเทวเนฺต, อนเปโกฺขว ปริจฺจชิํฯ
Karuṇaṃ paridevante, anapekkhova pariccajiṃ.
๕.
5.
‘‘เกวลํ ปถวิํ รชฺชํ, ญาติปริชนํ ยสํ;
‘‘Kevalaṃ pathaviṃ rajjaṃ, ñātiparijanaṃ yasaṃ;
จชมาโน น จิเนฺตสิํ, โพธิยาเยว การณาฯ
Cajamāno na cintesiṃ, bodhiyāyeva kāraṇā.
๖.
6.
‘‘มาตาปิตา น เม เทสฺสา, นปิ เม เทสฺสํ มหายสํ;
‘‘Mātāpitā na me dessā, napi me dessaṃ mahāyasaṃ;
สพฺพญฺญุตํ ปิยํ มยฺหํ, ตสฺมา รชฺชํ ปริจฺจชิ’’นฺติฯ
Sabbaññutaṃ piyaṃ mayhaṃ, tasmā rajjaṃ pariccaji’’nti.
ยุธญฺชยจริยํ ปฐมํฯ
Yudhañjayacariyaṃ paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๑. ยุธญฺชยจริยาวณฺณนา • 1. Yudhañjayacariyāvaṇṇanā
