| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੧. ਯੋਗਕ੍ਖੇਮਿવਗ੍ਗੋ
11. Yogakkhemivaggo
੧. ਯੋਗਕ੍ਖੇਮਿਸੁਤ੍ਤવਣ੍ਣਨਾ
1. Yogakkhemisuttavaṇṇanā
੧੦੪. ਚਤੂਹਿ ਯੋਗੇਹੀਤਿ ਕਾਮਯੋਗਾਦੀਹਿ ਚਤੂਹਿ ਯੋਗੇਹਿ। ਖੇਮਿਨੋਤਿ ਖੇਮવਤੋ ਕੁਸਲਿਨੋ। ਕਾਰਣਭੂਤਨ੍ਤਿ ਕਤ੍ਤਬ੍ਬਉਪਾਯਸ੍ਸ ਕਾਰਣਭੂਤਂ। ਪਰਿਯਾਯਤਿ ਪવਤ੍ਤਿਂ ਨਿવਤ੍ਤਿਞ੍ਚ ਞਾਪੇਤੀਤਿ ਪਰਿਯਾਯੋ, ਧਮ੍ਮੋ ਚ ਸੋ ਪਰਿਯਤ੍ਤਿਧਮ੍ਮਤ੍ਤਾ ਪਰਿਯਾਯੋ ਚਾਤਿ ਧਮ੍ਮਪਰਿਯਾਯੋ, ਤਂ ਧਮ੍ਮਪਰਿਯਾਯਂ। ਯਸ੍ਮਾ ਪਨ ਸੋ ਤਸ੍ਸਾਧਿਗਮਸ੍ਸ ਕਾਰਣਂ ਹੋਤਿ, ਤਸ੍ਮਾ વੁਤ੍ਤਂ ‘‘ਧਮ੍ਮਕਾਰਣ’’ਨ੍ਤਿ। ਯੁਤ੍ਤਿਨ੍ਤਿ ਸਮਥવਿਪਸ੍ਸਨਾਧਮ੍ਮਾਨੀਤਿ વਾ ਚਤੁਸਚ੍ਚਧਮ੍ਮਾਨੀਤਿ વਾ। ‘‘ਤਸ੍ਮਾ’’ਤਿ ਪਦਂ ਉਦ੍ਧਰਿਤ੍વਾ – ‘‘ਕਸ੍ਮਾ’’ਤਿ ਕਾਰਣਂ ਪੁਚ੍ਛਨ੍ਤੋ ‘‘ਕਿਂ ਅਕ੍ਖਾਤਤ੍ਤਾ, ਉਦਾਹੁ ਪਹੀਨਤ੍ਤਾ’’ਤਿ વਿਭਜਿਤ੍વਾ ਪੁਚ੍ਛਿ। ਯਸ੍ਮਾ ਪਨ ਛਨ੍ਦਰਾਗਪ੍ਪਹਾਨਂ ਯੋਗਕ੍ਖੇਮਿਭਾવਸ੍ਸ ਕਾਰਣਂ, ਨ ਕਥਨਂ, ਤਸ੍ਮਾ ‘‘ਪਹੀਨਤ੍ਤਾ’’ਤਿਆਦਿ વੁਤ੍ਤਂ।
104.Catūhiyogehīti kāmayogādīhi catūhi yogehi. Kheminoti khemavato kusalino. Kāraṇabhūtanti kattabbaupāyassa kāraṇabhūtaṃ. Pariyāyati pavattiṃ nivattiñca ñāpetīti pariyāyo, dhammo ca so pariyattidhammattā pariyāyo cāti dhammapariyāyo, taṃ dhammapariyāyaṃ. Yasmā pana so tassādhigamassa kāraṇaṃ hoti, tasmā vuttaṃ ‘‘dhammakāraṇa’’nti. Yuttinti samathavipassanādhammānīti vā catusaccadhammānīti vā. ‘‘Tasmā’’ti padaṃ uddharitvā – ‘‘kasmā’’ti kāraṇaṃ pucchanto ‘‘kiṃ akkhātattā, udāhu pahīnattā’’ti vibhajitvā pucchi. Yasmā pana chandarāgappahānaṃ yogakkhemibhāvassa kāraṇaṃ, na kathanaṃ, tasmā ‘‘pahīnattā’’tiādi vuttaṃ.
ਯੋਗਕ੍ਖੇਮਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Yogakkhemisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਯੋਗਕ੍ਖੇਮਿਸੁਤ੍ਤਂ • 1. Yogakkhemisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਯੋਗਕ੍ਖੇਮਿਸੁਤ੍ਤવਣ੍ਣਨਾ • 1. Yogakkhemisuttavaṇṇanā
