| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੧. ਯੋਗਕ੍ਖੇਮਿવਗ੍ਗੋ
11. Yogakkhemivaggo
੧. ਯੋਗਕ੍ਖੇਮਿਸੁਤ੍ਤਂ
1. Yogakkhemisuttaṃ
੧੦੪. ਸਾવਤ੍ਥਿਨਿਦਾਨਂ । ‘‘ਯੋਗਕ੍ਖੇਮਿਪਰਿਯਾਯਂ વੋ, ਭਿਕ੍ਖવੇ, ਧਮ੍ਮਪਰਿਯਾਯਂ ਦੇਸੇਸ੍ਸਾਮਿ। ਤਂ ਸੁਣਾਥ। ਕਤਮੋ ਚ, ਭਿਕ੍ਖવੇ, ਯੋਗਕ੍ਖੇਮਿਪਰਿਯਾਯੋ ਧਮ੍ਮਪਰਿਯਾਯੋ? ਸਨ੍ਤਿ, ਭਿਕ੍ਖવੇ, ਚਕ੍ਖੁવਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ। ਤੇ ਤਥਾਗਤਸ੍ਸ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾવਤ੍ਥੁਕਤਾ ਅਨਭਾવਙ੍ਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ। ਤੇਸਞ੍ਚ ਪਹਾਨਾਯ ਅਕ੍ਖਾਸਿ ਯੋਗਂ, ਤਸ੍ਮਾ ਤਥਾਗਤੋ ‘ਯੋਗਕ੍ਖੇਮੀ’ਤਿ વੁਚ੍ਚਤਿ…ਪੇ॰… ਸਨ੍ਤਿ, ਭਿਕ੍ਖવੇ, ਮਨੋવਿਞ੍ਞੇਯ੍ਯਾ ਧਮ੍ਮਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ। ਤੇ ਤਥਾਗਤਸ੍ਸ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾવਤ੍ਥੁਕਤਾ ਅਨਭਾવਙ੍ਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ। ਤੇਸਞ੍ਚ ਪਹਾਨਾਯ ਅਕ੍ਖਾਸਿ ਯੋਗਂ, ਤਸ੍ਮਾ ਤਥਾਗਤੋ ‘ਯੋਗਕ੍ਖੇਮੀ’ਤਿ વੁਚ੍ਚਤਿ। ਅਯਂ ਖੋ, ਭਿਕ੍ਖવੇ, ਯੋਗਕ੍ਖੇਮਿਪਰਿਯਾਯੋ ਧਮ੍ਮਪਰਿਯਾਯੋ’’ਤਿ। ਪਠਮਂ।
104. Sāvatthinidānaṃ . ‘‘Yogakkhemipariyāyaṃ vo, bhikkhave, dhammapariyāyaṃ desessāmi. Taṃ suṇātha. Katamo ca, bhikkhave, yogakkhemipariyāyo dhammapariyāyo? Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Te tathāgatassa pahīnā ucchinnamūlā tālāvatthukatā anabhāvaṅkatā āyatiṃ anuppādadhammā. Tesañca pahānāya akkhāsi yogaṃ, tasmā tathāgato ‘yogakkhemī’ti vuccati…pe… santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Te tathāgatassa pahīnā ucchinnamūlā tālāvatthukatā anabhāvaṅkatā āyatiṃ anuppādadhammā. Tesañca pahānāya akkhāsi yogaṃ, tasmā tathāgato ‘yogakkhemī’ti vuccati. Ayaṃ kho, bhikkhave, yogakkhemipariyāyo dhammapariyāyo’’ti. Paṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਯੋਗਕ੍ਖੇਮਿਸੁਤ੍ਤવਣ੍ਣਨਾ • 1. Yogakkhemisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਯੋਗਕ੍ਖੇਮਿਸੁਤ੍ਤવਣ੍ਣਨਾ • 1. Yogakkhemisuttavaṇṇanā
