| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃-၅. ယောဓာဇီဝသုတ္တာဒိဝဏ္ဏနာ
3-5. Yodhājīvasuttādivaṇṇanā
၃၅၅-၃၅၇. ယုဇ္ဈနံ ယောဓော, သော အာဇီဝော ဧတသ္သာတိ ယောဓာဇီဝော။ တေနာဟ – ‘‘ယုဒ္ဓေန ဇီဝိကံ ကပ္ပနကော’’တိ, ဥသ္သာဟံ ဝာယာမံ ကရောတီတိ ယုဇ္ဈနဝသေန ဥသ္သာဟံ ဝာယာမံ ကရောတိ။ ပရိယာပာဒေန္တီတိ မရဏပရိယန္တိကံ အာပဒံ ပာပေန္တိ။ တေနာဟ ‘‘မရဏံ ပဋိပဇ္ဇာပေန္တီ’’တိ။ ဒုဋ္ဌု ဌပိတန္တိ ဒုဋ္ဌာကာရေန အတ္တနော ပရေသဉ္စ အတ္ထာဝဟဘာဝံ န ဂတံ ပဋိပန္နံ။ ပရေဟိ သင္ဂာမေ ဇိတာ ဟတာ ဧတ္ထ ဇာယန္တီတိ ပရဇိတော နာမ နိရယော။ အသိဓနုဂဒာယသင္ကုစက္ကာနိ ပဉ္စာဝုဓာနိ။ တံ သန္ဓာယာတိ တံ ယောဓာဇီဝံ ပုဂ္ဂလံ သန္ဓာယ။ ဧတံ ‘‘ယော သော’’တိအာဒိ ဝုတ္တံ။ စတုတ္ထပဉ္စမေသူတိ ဟတ္ထာရောဟအသ္သာရောဟသုတ္တေသု။ ဧသေဝ နယောတိ ဧသော တတိယေ ဝုတ္တော ဧဝ အတ္ထတော ဝိသေသာဘာဝတော။
355-357. Yujjhanaṃ yodho, so ājīvo etassāti yodhājīvo. Tenāha – ‘‘yuddhena jīvikaṃ kappanako’’ti, ussāhaṃ vāyāmaṃ karotīti yujjhanavasena ussāhaṃ vāyāmaṃ karoti. Pariyāpādentīti maraṇapariyantikaṃ āpadaṃ pāpenti. Tenāha ‘‘maraṇaṃ paṭipajjāpentī’’ti. Duṭṭhu ṭhapitanti duṭṭhākārena attano paresañca atthāvahabhāvaṃ na gataṃ paṭipannaṃ. Parehi saṅgāme jitā hatā ettha jāyantīti parajito nāma nirayo. Asidhanugadāyasaṅkucakkāni pañcāvudhāni. Taṃ sandhāyāti taṃ yodhājīvaṃ puggalaṃ sandhāya. Etaṃ ‘‘yo so’’tiādi vuttaṃ. Catutthapañcamesūti hatthārohaassārohasuttesu. Eseva nayoti eso tatiye vutto eva atthato visesābhāvato.
ယောဓာဇီဝသုတ္တာဒိဝဏ္ဏနာ နိဋ္ဌိတာ။
Yodhājīvasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၃. ယောဓာဇီဝသုတ္တံ • 3. Yodhājīvasuttaṃ
၄. ဟတ္ထာရောဟသုတ္တံ • 4. Hatthārohasuttaṃ
၅. အသ္သာရောဟသုတ္တံ • 5. Assārohasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃-၅. ယောဓာဇီဝသုတ္တာဒိဝဏ္ဏနာ • 3-5. Yodhājīvasuttādivaṇṇanā
