| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
язваабанагаван̣н̣анаа
Yevāpanakavaṇṇanā
яз ваа бана д̇асмим̣ самаяз ан̃н̃зби ад̇т̇и бадижжасамуббаннаа аруубино д̇хаммаа, имз д̇хаммаа гусалаад̇и ‘пассо ход̇и…бз… авигкзбо ход̇ий’д̇и на гзвалам̣ бад̣̇абадибаадияаа уд̣̇д̣̇идтаа имз баробан̣н̣аасад̇хаммаа зва, ат̇а ко яасмим̣ самаяз гаамааважарам̣ д̇ихзд̇угам̣ соманассасахаг̇ад̇ам̣ батамам̣ асан̇кааригам̣ махаажид̇д̇ам̣ уббаннам̣ ход̇и, д̇асмим̣ самаяз яз ваа бана ан̃н̃зби д̇зхиязва пассаад̣̇ийхи самбаяуд̇д̇аа худ̇ваа бавад̇д̇амаанаа ад̇т̇и, ад̇д̇ано ад̇д̇ано ануруубам̣ бажжаяам̣ бадижжа самуббаннаа руубаабхаавзна аруубино, сабхаавад̇о убалаб̣бхамаанаа д̇хаммаа саб̣б̣зби имз д̇хаммаа гусалаа.
Ye vā pana tasmiṃ samaye aññepi atthi paṭiccasamuppannā arūpino dhammā, ime dhammā kusalāti ‘phasso hoti…pe… avikkhepo hotī’ti na kevalaṃ padapaṭipāṭiyā uddiṭṭhā ime paropaṇṇāsadhammā eva, atha kho yasmiṃ samaye kāmāvacaraṃ tihetukaṃ somanassasahagataṃ paṭhamaṃ asaṅkhārikaṃ mahācittaṃ uppannaṃ hoti, tasmiṃ samaye ye vā pana aññepi tehiyeva phassādīhi sampayuttā hutvā pavattamānā atthi, attano attano anurūpaṃ paccayaṃ paṭicca samuppannā rūpābhāvena arūpino, sabhāvato upalabbhamānā dhammā sabbepi ime dhammā kusalā.
зд̇д̇аавад̇аа жид̇д̇ан̇г̇авасзна баал̣ияам̣ аарул̣хз баробан̣н̣аасад̇хаммз д̣̇ийбзд̇ваа язваабанагавасзна абарзби нава д̇хаммз д̇хаммарааж̇аа д̣̇ийбзд̇и. д̇зсу д̇зсу хи суд̇д̇абад̣̇зсу ‘чанд̣̇о ад̇химогко манасигааро д̇ад̇рамаж̇жхад̇д̇ад̇аа гарун̣аа муд̣̇ид̇аа гааяад̣̇ужжарид̇авирад̇и важийд̣̇ужжарид̇авирад̇и мижчааж̇ийвавирад̇ий’д̇и имз нава д̇хаммаа бан̃н̃ааяанд̇и. имасмин̃жааби махаажид̇д̇з гад̇д̇угамяад̇аагусалад̇хаммажчанд̣̇о ад̇т̇и, жид̇д̇ан̇г̇авасзна бана баал̣ияам̣ на аарул̣хо. со ид̇ха язваабанагавасзна г̇ахид̇о.
Ettāvatā cittaṅgavasena pāḷiyaṃ āruḷhe paropaṇṇāsadhamme dīpetvā yevāpanakavasena aparepi nava dhamme dhammarājā dīpeti. Tesu tesu hi suttapadesu ‘chando adhimokkho manasikāro tatramajjhattatā karuṇā muditā kāyaduccaritavirati vacīduccaritavirati micchājīvaviratī’ti ime nava dhammā paññāyanti. Imasmiñcāpi mahācitte kattukamyatākusaladhammacchando atthi, cittaṅgavasena pana pāḷiyaṃ na āruḷho. So idha yevāpanakavasena gahito.
ад̇химогко ад̇т̇и, манасигааро ад̇т̇и, д̇ад̇рамаж̇жхад̇д̇ад̇аа ад̇т̇и. мзд̇д̇аабуб̣б̣абхааг̇о ад̇т̇и; со ад̣̇осз г̇ахид̇з г̇ахид̇о зва ход̇и. гарун̣аабуб̣б̣абхааг̇о ад̇т̇и, муд̣̇ид̇аабуб̣б̣абхааг̇о ад̇т̇и. убзгкаабуб̣б̣абхааг̇о ад̇т̇и; со бана д̇ад̇рамаж̇жхад̇д̇ад̇ааяа г̇ахид̇ааяа г̇ахид̇ова ход̇и. саммааваажаа ад̇т̇и, саммаагамманд̇о ад̇т̇и. саммааааж̇ийво ад̇т̇и; жид̇д̇ан̇г̇авасзна бана баал̣ияам̣ на аарул̣хо. соби ид̇ха язваабанагавасзна г̇ахид̇о.
Adhimokkho atthi, manasikāro atthi, tatramajjhattatā atthi. Mettāpubbabhāgo atthi; so adose gahite gahito eva hoti. Karuṇāpubbabhāgo atthi, muditāpubbabhāgo atthi. Upekkhāpubbabhāgo atthi; so pana tatramajjhattatāya gahitāya gahitova hoti. Sammāvācā atthi, sammākammanto atthi. Sammāājīvo atthi; cittaṅgavasena pana pāḷiyaṃ na āruḷho. Sopi idha yevāpanakavasena gahito.
имзсу бана навасу чанд̣̇о ад̇химогко манасигааро д̇ад̇рамаж̇жхад̇д̇ад̇аад̇и имз жад̇д̇аарова згагкан̣з лаб̣бханд̇и, сзсаа наанаагкан̣з. яад̣̇аа хи иминаа жид̇д̇зна мижчааваажам̣ баж̇ахад̇и, вирад̇ивасзна саммааваажам̣ буурзд̇и, д̇ад̣̇аа чанд̣̇аад̣̇аяо жад̇д̇ааро, саммааваажаа жаад̇и имз бан̃жа згагкан̣з лаб̣бханд̇и. яад̣̇аа мижчаагамманд̇ам̣ баж̇ахад̇и, вирад̇ивасзна саммаагамманд̇ам̣ буурзд̇и…бз… мижчааааж̇ийвам̣ баж̇ахад̇и, вирад̇ивасзна саммааааж̇ийвам̣ буурзд̇и…бз… яад̣̇аа гарун̣ааяа баригаммам̣ гарод̇и…бз… яад̣̇аа муд̣̇ид̇ааяа баригаммам̣ гарод̇и, д̇ад̣̇аа чанд̣̇аад̣̇аяо жад̇д̇ааро, муд̣̇ид̇аабуб̣б̣абхааг̇о жаад̇и имз бан̃жа згагкан̣з лаб̣бханд̇и. ид̇о бана мун̃жид̇ваа, д̣̇аанам̣ д̣̇знд̇асса сийлам̣ буурзнд̇асса яог̇з гаммам̣ гаронд̇асса жад̇д̇аари абан̣н̣аган̇г̇аанзва лаб̣бханд̇и.
Imesu pana navasu chando adhimokkho manasikāro tatramajjhattatāti ime cattārova ekakkhaṇe labbhanti, sesā nānākkhaṇe. Yadā hi iminā cittena micchāvācaṃ pajahati, virativasena sammāvācaṃ pūreti, tadā chandādayo cattāro, sammāvācā cāti ime pañca ekakkhaṇe labbhanti. Yadā micchākammantaṃ pajahati, virativasena sammākammantaṃ pūreti…pe… micchāājīvaṃ pajahati, virativasena sammāājīvaṃ pūreti…pe… yadā karuṇāya parikammaṃ karoti…pe… yadā muditāya parikammaṃ karoti, tadā chandādayo cattāro, muditāpubbabhāgo cāti ime pañca ekakkhaṇe labbhanti. Ito pana muñcitvā, dānaṃ dentassa sīlaṃ pūrentassa yoge kammaṃ karontassa cattāri apaṇṇakaṅgāneva labbhanti.
звамзд̇зсу навасу язваабанагад̇хаммзсу ‘чанд̣̇о’д̇и гад̇д̇угамяад̇ааязд̇ам̣ ад̇хиважанам̣. д̇асмаа со гад̇д̇угамяад̇аалагкан̣о чанд̣̇о, аарамман̣абариязсанарасо, аарамман̣зна ад̇т̇игад̇аабажжубадтаано . д̇ад̣̇звасса бад̣̇адтаанам̣ . аарамман̣асса г̇ахан̣з жааяам̣ жзд̇асо хад̇т̇аббасааран̣ам̣ вияа д̣̇адтаб̣б̣о.
Evametesu navasu yevāpanakadhammesu ‘chando’ti kattukamyatāyetaṃ adhivacanaṃ. Tasmā so kattukamyatālakkhaṇo chando, ārammaṇapariyesanaraso, ārammaṇena atthikatāpaccupaṭṭhāno . Tadevassa padaṭṭhānaṃ . Ārammaṇassa gahaṇe cāyaṃ cetaso hatthappasāraṇaṃ viya daṭṭhabbo.
ад̇химужжанам̣ ‘ад̇химогко’. со саннидтааналагкан̣о, асам̣саббанарасо, нижчаяабажжубадтаано саннидтаад̇аб̣б̣ад̇хаммабад̣̇адтаано. аарамман̣з нижжалабхаавзна инд̣̇акийло вияа д̣̇адтаб̣б̣о.
Adhimuccanaṃ ‘adhimokkho’. So sanniṭṭhānalakkhaṇo, asaṃsappanaraso, nicchayapaccupaṭṭhāno sanniṭṭhātabbadhammapadaṭṭhāno. Ārammaṇe niccalabhāvena indakhīlo viya daṭṭhabbo.
гирияаа гааро, манасмим̣ гааро ‘манасигааро’. буримаманад̇о висад̣̇исам̣ манам̣ гарод̇ийд̇иби манасигааро. свааяам̣ аарамман̣абадибаад̣̇аго вийт̇ибадибаад̣̇аго ж̇аванабадибаад̣̇агод̇и д̇иббагааро. д̇ад̇т̇а аарамман̣абадибаад̣̇аго манасмим̣ гаарод̇и манасигааро. со сааран̣алагкан̣о, самбаяуд̇д̇аанам̣ аарамман̣з самбаяож̇анарасо, аарамман̣аабхимукабхаавабажжубадтаано, сан̇каарагканд̇хабарияаабанно. аарамман̣абадибаад̣̇агад̇д̇зна самбаяуд̇д̇аанам̣ саарат̇и вияа д̣̇адтаб̣б̣о. вийт̇ибадибаад̣̇агод̇и бана бан̃жад̣̇ваарааваж̇ж̇анассзд̇ам̣ ад̇хиважанам̣. ж̇аванабадибаад̣̇агод̇и манод̣̇ваарааваж̇ж̇анасса. на д̇з ид̇ха ад̇хиббзд̇аа.
Kiriyā kāro, manasmiṃ kāro ‘manasikāro’. Purimamanato visadisaṃ manaṃ karotītipi manasikāro. Svāyaṃ ārammaṇapaṭipādako vīthipaṭipādako javanapaṭipādakoti tippakāro. Tattha ārammaṇapaṭipādako manasmiṃ kāroti manasikāro. So sāraṇalakkhaṇo, sampayuttānaṃ ārammaṇe sampayojanaraso, ārammaṇābhimukhabhāvapaccupaṭṭhāno, saṅkhārakkhandhapariyāpanno. Ārammaṇapaṭipādakattena sampayuttānaṃ sārathi viya daṭṭhabbo. Vīthipaṭipādakoti pana pañcadvārāvajjanassetaṃ adhivacanaṃ. Javanapaṭipādakoti manodvārāvajjanassa. Na te idha adhippetā.
д̇зсу д̇хаммзсу маж̇жхад̇д̇ад̇аа ‘д̇ад̇рамаж̇жхад̇д̇ад̇аа’. саа жид̇д̇ажзд̇асигаанам̣ самаваахид̇алагкан̣аа, уунаад̇хиганивааран̣арасаа, багкабаад̇убажчзд̣̇анарасаа ваа; маж̇жхад̇д̇абхаавабажжубадтаанаа. жид̇д̇ажзд̇асигаанам̣ аж̇жхубзгканавасзна самаббавад̇д̇аанам̣ ааж̇аанзяяаанам̣ аж̇жхубзгканасаарат̇и вияа д̣̇адтаб̣б̣аа.
Tesu dhammesu majjhattatā ‘tatramajjhattatā’. Sā cittacetasikānaṃ samavāhitalakkhaṇā, ūnādhikanivāraṇarasā, pakkhapātupacchedanarasā vā; majjhattabhāvapaccupaṭṭhānā. Cittacetasikānaṃ ajjhupekkhanavasena samappavattānaṃ ājāneyyānaṃ ajjhupekkhanasārathi viya daṭṭhabbā.
‘гарун̣аамуд̣̇ид̇аа’ б̣рахмавихааранид̣̇д̣̇зсз аави бхависсанд̇и. гзвалан̃хи д̇аа аббанаббад̇д̇аа руубааважараа, ид̇ха гаамааважараад̇и аяамзва висзсо.
‘Karuṇāmuditā’ brahmavihāraniddese āvi bhavissanti. Kevalañhi tā appanappattā rūpāvacarā, idha kāmāvacarāti ayameva viseso.
гааяад̣̇ужжарид̇ад̇о вирад̇и ‘гааяад̣̇ужжарид̇авирад̇и’. сзсабад̣̇ад̣̇ваязби зсзва наяо. лагкан̣аад̣̇ид̇о банзд̇аа д̇иссоби гааяад̣̇ужжарид̇аад̣̇ивад̇т̇уунам̣ авийд̇иггамалагкан̣аа; амад̣̇д̣̇аналагкан̣аад̇и вуд̇д̇ам̣ ход̇и. гааяад̣̇ужжарид̇аад̣̇ивад̇т̇уд̇о сан̇гожанарасаа, агирияабажжубадтаанаа, сад̣̇д̇хаахирод̇д̇аббааббижчад̇аад̣̇иг̇ун̣абад̣̇адтаанаа. баабагирияад̇о жид̇д̇асса вимукийбхаавабхууд̇аад̇и д̣̇адтаб̣б̣аа.
Kāyaduccaritato virati ‘kāyaduccaritavirati’. Sesapadadvayepi eseva nayo. Lakkhaṇādito panetā tissopi kāyaduccaritādivatthūnaṃ avītikkamalakkhaṇā; amaddanalakkhaṇāti vuttaṃ hoti. Kāyaduccaritādivatthuto saṅkocanarasā, akiriyapaccupaṭṭhānā, saddhāhirottappaappicchatādiguṇapadaṭṭhānā. Pāpakiriyato cittassa vimukhībhāvabhūtāti daṭṭhabbā.
ид̇и пассаад̣̇ийни чаббан̃н̃ааса язваабанагавасзна вуд̇д̇аани наваад̇и саб̣б̣ааниби имасмим̣ д̇хаммуд̣̇д̣̇зсаваарз бан̃жасадти д̇хаммабад̣̇аани бхаванд̇и. д̇зсу згагкан̣з гад̣̇аажи згасадти бхаванд̇и, гад̣̇аажи самасадти. д̇аани хи саммааваажаабууран̣аад̣̇ивасзна. уббад̇д̇ияам̣ бан̃жасу таанзсу згасадти бхаванд̇и. д̇зхи муд̇д̇з згасмим̣ таанз самасадти бхаванд̇и. табзд̇ваа бана язваабанагз баал̣ияам̣ яат̇ааруд̇авасзна г̇аяхамаанаани чаббан̃н̃аасаава хонд̇и. аг̇г̇ахид̇аг̇г̇ахан̣зна банзд̇т̇а пассабан̃жагам̣, вид̇агго вижааро бийд̇и жид̇д̇згаг̇г̇ад̇аа, бан̃жинд̣̇рияаани, хириб̣алам̣ од̇д̇аббаб̣аланд̇и д̣̇вз б̣алаани, алобхо ад̣̇осод̇и д̣̇вз муулаани, гааяабассад̣̇д̇хижид̇д̇абассад̣̇д̇хиаад̣̇аяо д̣̇ваад̣̇аса д̇хаммаад̇и самад̇им̣са д̇хаммаа хонд̇и.
Iti phassādīni chappaññāsa yevāpanakavasena vuttāni navāti sabbānipi imasmiṃ dhammuddesavāre pañcasaṭṭhi dhammapadāni bhavanti. Tesu ekakkhaṇe kadāci ekasaṭṭhi bhavanti, kadāci samasaṭṭhi. Tāni hi sammāvācāpūraṇādivasena. Uppattiyaṃ pañcasu ṭhānesu ekasaṭṭhi bhavanti. Tehi mutte ekasmiṃ ṭhāne samasaṭṭhi bhavanti. Ṭhapetvā pana yevāpanake pāḷiyaṃ yathārutavasena gayhamānāni chappaññāsāva honti. Aggahitaggahaṇena panettha phassapañcakaṃ, vitakko vicāro pīti cittekaggatā, pañcindriyāni, hiribalaṃ ottappabalanti dve balāni, alobho adosoti dve mūlāni, kāyapassaddhicittapassaddhiādayo dvādasa dhammāti samatiṃsa dhammā honti.
д̇зсу самад̇им̣сааяа д̇хаммзсу адтаараса д̇хаммаа авибхад̇д̇игаа хонд̇и, д̣̇ваад̣̇аса савибхад̇д̇игаа. гад̇амз адтаараса? пассо сан̃н̃аа жзд̇анаа вижааро бийд̇и ж̇ийвид̇инд̣̇рияам̣, гааяабассад̣̇д̇хиаад̣̇аяо д̣̇ваад̣̇аса д̇хаммаад̇и имз адтаараса авибхад̇д̇игаа. взд̣̇анаа жид̇д̇ам̣ вид̇агго жид̇д̇згаг̇г̇ад̇аа, сад̣̇д̇хинд̣̇рияам̣ вийрияинд̣̇рияам̣ сад̇инд̣̇рияам̣ бан̃н̃инд̣̇рияам̣, хириб̣алам̣ од̇д̇аббаб̣алам̣, алобхо ад̣̇осод̇и имз д̣̇ваад̣̇аса д̇хаммаа савибхад̇д̇игаа. д̇зсу сад̇д̇а д̇хаммаа д̣̇вийсу таанзсу вибхад̇д̇аа, зго д̇ийсу, д̣̇вз жад̇уусу, зго часу, зго сад̇д̇асу таанзсу вибхад̇д̇о.
Tesu samatiṃsāya dhammesu aṭṭhārasa dhammā avibhattikā honti, dvādasa savibhattikā. Katame aṭṭhārasa? Phasso saññā cetanā vicāro pīti jīvitindriyaṃ, kāyapassaddhiādayo dvādasa dhammāti ime aṭṭhārasa avibhattikā. Vedanā cittaṃ vitakko cittekaggatā, saddhindriyaṃ vīriyindriyaṃ satindriyaṃ paññindriyaṃ, hiribalaṃ ottappabalaṃ, alobho adosoti ime dvādasa dhammā savibhattikā. Tesu satta dhammā dvīsu ṭhānesu vibhattā, eko tīsu, dve catūsu, eko chasu, eko sattasu ṭhānesu vibhatto.
гат̇ам̣? жид̇д̇ам̣ вид̇агго сад̣̇д̇хаа хирий од̇д̇аббам̣ алобхо ад̣̇осод̇и имз сад̇д̇а д̣̇вийсу таанзсу вибхад̇д̇аа.
Kathaṃ? Cittaṃ vitakko saddhā hirī ottappaṃ alobho adosoti ime satta dvīsu ṭhānesu vibhattā.
зд̇зсу хи жид̇д̇ам̣ д̇аава пассабан̃жагам̣ бад̇ваа жид̇д̇ам̣ ход̇ийд̇и вуд̇д̇ам̣, инд̣̇рияаани бад̇ваа манинд̣̇рияанд̇и. вид̇агго жхаанан̇г̇аани бад̇ваа вид̇агго ход̇ийд̇и вуд̇д̇о, маг̇г̇ан̇г̇аани бад̇ваа саммаасан̇габбод̇и. сад̣̇д̇хаа инд̣̇рияаани бад̇ваа сад̣̇д̇хинд̣̇рияам̣ ход̇ийд̇и вуд̇д̇аа, б̣алаани бад̇ваа сад̣̇д̇хааб̣аланд̇и. хирий б̣алаани бад̇ваа хириб̣алам̣ ход̇ийд̇и вуд̇д̇аа, логабаалад̣̇угам̣ бад̇ваа хирийд̇и. од̇д̇аббзби зсзва наяо. алобхо муулам̣ бад̇ваа алобхо ход̇ийд̇и вуд̇д̇о, гаммабат̇ам̣ бад̇ваа анабхиж̇жхаад̇и. ад̣̇осо муулам̣ бад̇ваа ад̣̇осо ход̇ийд̇и вуд̇д̇о, гаммабат̇ам̣ бад̇ваа аб̣яаабаад̣̇од̇и. имз сад̇д̇а д̣̇вийсу таанзсу вибхад̇д̇аа.
Etesu hi cittaṃ tāva phassapañcakaṃ patvā cittaṃ hotīti vuttaṃ, indriyāni patvā manindriyanti. Vitakko jhānaṅgāni patvā vitakko hotīti vutto, maggaṅgāni patvā sammāsaṅkappoti. Saddhā indriyāni patvā saddhindriyaṃ hotīti vuttā, balāni patvā saddhābalanti. Hirī balāni patvā hiribalaṃ hotīti vuttā, lokapāladukaṃ patvā hirīti. Ottappepi eseva nayo. Alobho mūlaṃ patvā alobho hotīti vutto, kammapathaṃ patvā anabhijjhāti. Adoso mūlaṃ patvā adoso hotīti vutto, kammapathaṃ patvā abyāpādoti. Ime satta dvīsu ṭhānesu vibhattā.
взд̣̇анаа бана пассабан̃жагам̣ бад̇ваа взд̣̇анаа ход̇ийд̇и вуд̇д̇аа, жхаанан̇г̇аани бад̇ваа суканд̇и, инд̣̇рияаани бад̇ваа соманассинд̣̇рияанд̇и. звам̣ зго д̇хаммо д̇ийсу таанзсу вибхад̇д̇о.
Vedanā pana phassapañcakaṃ patvā vedanā hotīti vuttā, jhānaṅgāni patvā sukhanti, indriyāni patvā somanassindriyanti. Evaṃ eko dhammo tīsu ṭhānesu vibhatto.
вийрияам̣ бана инд̣̇рияаани бад̇ваа вийрияинд̣̇рияам̣ ход̇ийд̇и вуд̇д̇ам̣, маг̇г̇ан̇г̇аани бад̇ваа саммаавааяаамод̇и, б̣алаани бад̇ваа вийрияаб̣аланд̇и, бидтид̣̇угам̣ бад̇ваа баг̇г̇ааход̇и. сад̇иби инд̣̇рияаани бад̇ваа сад̇инд̣̇рияам̣ ход̇ийд̇и вуд̇д̇аа, маг̇г̇ан̇г̇аани бад̇ваа саммаасад̇ийд̇и, б̣алаани бад̇ваа сад̇иб̣аланд̇и, бидтид̣̇угам̣ бад̇ваа сад̇и ход̇ийд̇и вуд̇д̇аа. звам̣ имз д̣̇вз д̇хаммаа жад̇уусу таанзсу вибхад̇д̇аа.
Vīriyaṃ pana indriyāni patvā vīriyindriyaṃ hotīti vuttaṃ, maggaṅgāni patvā sammāvāyāmoti, balāni patvā vīriyabalanti, piṭṭhidukaṃ patvā paggāhoti. Satipi indriyāni patvā satindriyaṃ hotīti vuttā, maggaṅgāni patvā sammāsatīti, balāni patvā satibalanti, piṭṭhidukaṃ patvā sati hotīti vuttā. Evaṃ ime dve dhammā catūsu ṭhānesu vibhattā.
самаад̇хи бана жхаанан̇г̇аани бад̇ваа жид̇д̇ассзгаг̇г̇ад̇аа ход̇ийд̇и вуд̇д̇о, инд̣̇рияаани бад̇ваа самаад̇хинд̣̇рияанд̇и, маг̇г̇ан̇г̇аани бад̇ваа саммаасамаад̇хийд̇и. б̣алаани бад̇ваа самаад̇хиб̣аланд̇и, бидтид̣̇угам̣ бад̇ваа самат̇о авигкзбод̇и. звамаяам̣ зго д̇хаммо часу таанзсу вибхад̇д̇о.
Samādhi pana jhānaṅgāni patvā cittassekaggatā hotīti vutto, indriyāni patvā samādhindriyanti, maggaṅgāni patvā sammāsamādhīti. Balāni patvā samādhibalanti, piṭṭhidukaṃ patvā samatho avikkhepoti. Evamayaṃ eko dhammo chasu ṭhānesu vibhatto.
бан̃н̃аа бана инд̣̇рияаани бад̇ваа бан̃н̃инд̣̇рияам̣ ход̇ийд̇и вуд̇д̇аа, маг̇г̇ан̇г̇аани бад̇ваа саммаад̣̇идтийд̇и, б̣алаани бад̇ваа бан̃н̃ааб̣аланд̇и, муулаани бад̇ваа амоход̇и, гаммабат̇ам̣ бад̇ваа саммаад̣̇идтийд̇и, бидтид̣̇угам̣ бад̇ваа самбаж̇ан̃н̃ам̣ вибассанаад̇и. звам̣ зго д̇хаммо сад̇д̇асу таанзсу вибхад̇д̇о.
Paññā pana indriyāni patvā paññindriyaṃ hotīti vuttā, maggaṅgāni patvā sammādiṭṭhīti, balāni patvā paññābalanti, mūlāni patvā amohoti, kammapathaṃ patvā sammādiṭṭhīti, piṭṭhidukaṃ patvā sampajaññaṃ vipassanāti. Evaṃ eko dhammo sattasu ṭhānesu vibhatto.
сажз бана гожи вад̣̇зяяа – ‘зд̇т̇а абуб̣б̣ам̣ наама над̇т̇и, хздтаа г̇ахид̇амзва г̇ан̣хид̇ваа д̇асмим̣ д̇асмим̣ таанз бад̣̇ам̣ буурид̇ам̣, ананусанд̇хигаа гат̇аа уббадибаадияаа жорзхи аабхад̇абхан̣д̣асад̣̇исаа, г̇ояуут̇зна г̇ад̇амаг̇г̇з аалулид̇ад̇ин̣асад̣̇исаа аж̇аанид̇ваа гат̇ид̇аа’д̇и, со ‘маахзва’нд̇и бадисзд̇хзд̇ваа вад̇д̇аб̣б̣о – ‘б̣уд̣̇д̇хаанам̣ д̣̇зсанаа ананусанд̇хигаа наама над̇т̇и, саанусанд̇хигаа ва ход̇и. аж̇аанид̇ваа гат̇ид̇ааби над̇т̇и, саб̣б̣аа ж̇аанид̇ваа гат̇ид̇ааязва. саммаасамб̣уд̣̇д̇хо хи д̇зсам̣ д̇зсам̣ д̇хаммаанам̣ гижжам̣ ж̇аанаад̇и, д̇ам̣ н̃ад̇ваа гижжавасзна вибхад̇д̇им̣ ааробзнд̇о адтаараса д̇хаммаа згзгагижжаад̇и н̃ад̇ваа згзгасмим̣ таанз вибхад̇д̇им̣ ааробзси. сад̇д̇а д̇хаммаа д̣̇взд̣̇взгижжаад̇и н̃ад̇ваа д̣̇вийсу д̣̇вийсу таанзсу вибхад̇д̇им̣ ааробзси. взд̣̇анаа д̇игижжаад̇и н̃ад̇ваа д̇ийсу таанзсу вибхад̇д̇им̣ ааробзси. вийрияасад̇ийнам̣ жад̇д̇аари жад̇д̇аари гижжаанийд̇и н̃ад̇ваа жад̇уусу жад̇уусу таанзсу вибхад̇д̇им̣ ааробзси. самаад̇хи чагижжод̇и н̃ад̇ваа часу таанзсу вибхад̇д̇им̣ ааробзси. бан̃н̃аа сад̇д̇агижжаад̇и н̃ад̇ваа сад̇д̇асу таанзсу вибхад̇д̇им̣ ааробзси’.
Sace pana koci vadeyya – ‘ettha apubbaṃ nāma natthi, heṭṭhā gahitameva gaṇhitvā tasmiṃ tasmiṃ ṭhāne padaṃ pūritaṃ, ananusandhikā kathā uppaṭipāṭiyā corehi ābhatabhaṇḍasadisā, goyūthena gatamagge ālulitatiṇasadisā ajānitvā kathitā’ti, so ‘māheva’nti paṭisedhetvā vattabbo – ‘buddhānaṃ desanā ananusandhikā nāma natthi, sānusandhikā va hoti. Ajānitvā kathitāpi natthi, sabbā jānitvā kathitāyeva. Sammāsambuddho hi tesaṃ tesaṃ dhammānaṃ kiccaṃ jānāti, taṃ ñatvā kiccavasena vibhattiṃ āropento aṭṭhārasa dhammā ekekakiccāti ñatvā ekekasmiṃ ṭhāne vibhattiṃ āropesi. Satta dhammā dvedvekiccāti ñatvā dvīsu dvīsu ṭhānesu vibhattiṃ āropesi. Vedanā tikiccāti ñatvā tīsu ṭhānesu vibhattiṃ āropesi. Vīriyasatīnaṃ cattāri cattāri kiccānīti ñatvā catūsu catūsu ṭhānesu vibhattiṃ āropesi. Samādhi chakiccoti ñatvā chasu ṭhānesu vibhattiṃ āropesi. Paññā sattakiccāti ñatvā sattasu ṭhānesu vibhattiṃ āropesi’.
д̇ад̇рид̣̇ам̣ обаммам̣ – зго гира бан̣д̣ид̇о рааж̇аа рахог̇ад̇о жинд̇зси – ‘имам̣ рааж̇агуласанд̇агам̣ на яат̇аа ваа д̇ат̇аа ваа каад̣̇ид̇аб̣б̣ам̣, сиббаанужчавигам̣ взд̇анам̣ вад̣дхзссаамий’д̇и. со саб̣б̣з сиббигз саннибаад̇аабзд̇ваа ‘згзгасиббаж̇аананагз баггосат̇аа’д̇и ааха. звам̣ баггосияамаанаа адтаараса ж̇анаа удтахим̣су. д̇зсам̣ згзгам̣ бадивийсам̣ д̣̇аабзд̇ваа виссаж̇ж̇зси. ‘д̣̇вз д̣̇вз сиббаани ж̇аананд̇аа ааг̇ажчанд̇уу’д̇и вуд̇д̇з бана сад̇д̇а ж̇анаа ааг̇амам̣су. д̇зсам̣ д̣̇вз д̣̇вз бадивийсз д̣̇аабзси. ‘д̇ийн̣и сиббаани ж̇аананд̇аа ааг̇ажчанд̇уу’д̇и вуд̇д̇з згова ааг̇ажчи. д̇асса д̇аяо бадивийсз д̣̇аабзси. ‘жад̇д̇аари сиббаани ж̇аананд̇аа ааг̇ажчанд̇уу’д̇и вуд̇д̇з д̣̇вз ж̇анаа ааг̇амам̣су. д̇зсам̣ жад̇д̇аари жад̇д̇аари бадивийсз д̣̇аабзси. ‘бан̃жа сиббаани ж̇аананд̇аа ааг̇ажчанд̇уу’д̇и вуд̇д̇з згоби нааг̇ажчи . ‘ча сиббаани ж̇аананд̇аа ааг̇ажчанд̇уу’д̇и вуд̇д̇з згова ааг̇ажчи. д̇асса ча бадивийсз д̣̇аабзси. ‘сад̇д̇а сиббаани ж̇аананд̇аа ааг̇ажчанд̇уу’д̇и вуд̇д̇з згова ааг̇ажчи. д̇асса сад̇д̇а бадивийсз д̣̇аабзси.
Tatridaṃ opammaṃ – eko kira paṇḍito rājā rahogato cintesi – ‘imaṃ rājakulasantakaṃ na yathā vā tathā vā khāditabbaṃ, sippānucchavikaṃ vetanaṃ vaḍḍhessāmī’ti. So sabbe sippike sannipātāpetvā ‘ekekasippajānanake pakkosathā’ti āha. Evaṃ pakkosiyamānā aṭṭhārasa janā uṭṭhahiṃsu. Tesaṃ ekekaṃ paṭivīsaṃ dāpetvā vissajjesi. ‘Dve dve sippāni jānantā āgacchantū’ti vutte pana satta janā āgamaṃsu. Tesaṃ dve dve paṭivīse dāpesi. ‘Tīṇi sippāni jānantā āgacchantū’ti vutte ekova āgacchi. Tassa tayo paṭivīse dāpesi. ‘Cattāri sippāni jānantā āgacchantū’ti vutte dve janā āgamaṃsu. Tesaṃ cattāri cattāri paṭivīse dāpesi. ‘Pañca sippāni jānantā āgacchantū’ti vutte ekopi nāgacchi . ‘Cha sippāni jānantā āgacchantū’ti vutte ekova āgacchi. Tassa cha paṭivīse dāpesi. ‘Satta sippāni jānantā āgacchantū’ti vutte ekova āgacchi. Tassa satta paṭivīse dāpesi.
д̇ад̇т̇а бан̣д̣ид̇о рааж̇аа вияа ануд̇д̇аро д̇хаммарааж̇аа. сиббаж̇аананагаа вияа жид̇д̇ажид̇д̇ан̇г̇авасзна уббаннаа д̇хаммаа. сиббаанужчавигавзд̇анавад̣дханам̣ вияа гижжавасзна д̇зсам̣ д̇зсам̣ д̇хаммаанам̣ вибхад̇д̇иааробанам̣.
Tattha paṇḍito rājā viya anuttaro dhammarājā. Sippajānanakā viya cittacittaṅgavasena uppannā dhammā. Sippānucchavikavetanavaḍḍhanaṃ viya kiccavasena tesaṃ tesaṃ dhammānaṃ vibhattiāropanaṃ.
саб̣б̣зби банзд̇з д̇хаммаа пассабан̃жагавасзна жхаанан̇г̇авасзна инд̣̇рияавасзна маг̇г̇авасзна б̣алавасзна муулавасзна гаммабат̇авасзна логабаалавасзна бассад̣̇д̇хивасзна лахуд̇аавасзна муд̣̇уд̇аавасзна гамман̃н̃ад̇аавасзна бааг̇ун̃н̃ад̇аавасзна уж̇угад̇аавасзна сад̇исамбаж̇ан̃н̃авасзна самат̇авибассанаавасзна баг̇г̇аахаавигкзбавасзнаад̇и сад̇д̇араса раасаяо хонд̇ийд̇и.
Sabbepi panete dhammā phassapañcakavasena jhānaṅgavasena indriyavasena maggavasena balavasena mūlavasena kammapathavasena lokapālavasena passaddhivasena lahutāvasena mudutāvasena kammaññatāvasena pāguññatāvasena ujukatāvasena satisampajaññavasena samathavipassanāvasena paggāhāvikkhepavasenāti sattarasa rāsayo hontīti.
д̇хаммуд̣̇д̣̇зсаваарагат̇аа нидтид̇аа.
Dhammuddesavārakathā niṭṭhitā.
