| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
4. க²த்தியாவக்³கோ³
4. Khattiyāvaggo
1. யஸவதீபமுக²அட்டா²ரஸபி⁴க்கு²னீஸஹஸ்ஸஅபதா³னங்
1. Yasavatīpamukhaaṭṭhārasabhikkhunīsahassaapadānaṃ
1.
1.
‘‘ப⁴வா ஸப்³பே³ பரிக்கீ²ணா, ப⁴வா ஸந்தி விமோசிதா;
‘‘Bhavā sabbe parikkhīṇā, bhavā santi vimocitā;
ஸப்³பா³ஸவா ச நோ நத்தி², ஆரோசேம மஹாமுனே.
Sabbāsavā ca no natthi, ārocema mahāmune.
2.
2.
‘‘புரிமங் குஸலங் கம்மங் 1, யங் கிஞ்சி ஸாது⁴பத்தி²தங்;
‘‘Purimaṃ kusalaṃ kammaṃ 2, yaṃ kiñci sādhupatthitaṃ;
பரிபோ⁴க³மயங் தி³ன்னங், துய்ஹத்தா²ய மஹாமுனே.
Paribhogamayaṃ dinnaṃ, tuyhatthāya mahāmune.
3.
3.
‘‘பு³த்³த⁴பச்சேகபு³த்³தா⁴னங், ஸாவகானஞ்ச பத்தி²தங் 3;
‘‘Buddhapaccekabuddhānaṃ, sāvakānañca patthitaṃ 4;
பரிபோ⁴க³மயங் தி³ன்னங், துய்ஹத்தா²ய மஹாமுனே.
Paribhogamayaṃ dinnaṃ, tuyhatthāya mahāmune.
4.
4.
‘‘உச்சனீசமயங் கம்மங், பி⁴க்கூ²னங் ஸாது⁴பத்தி²தங்;
‘‘Uccanīcamayaṃ kammaṃ, bhikkhūnaṃ sādhupatthitaṃ;
5.
5.
‘‘தேனேவ ஸுக்கமூலேன, சோதி³தா கம்மஸம்பதா³;
‘‘Teneva sukkamūlena, coditā kammasampadā;
மானுஸிகமதிக்கந்தா, ஜாயிங்ஸு க²த்தியே குலே.
Mānusikamatikkantā, jāyiṃsu khattiye kule.
6.
6.
‘‘உப்பத்தே ச கதே கம்மே, ஜாதியா வாபி ஏகதோ;
‘‘Uppatte ca kate kamme, jātiyā vāpi ekato;
பச்சி²மே ஏகதோ ஜாதா, க²த்தியா குலஸம்ப⁴வா.
Pacchime ekato jātā, khattiyā kulasambhavā.
7.
7.
‘‘ரூபவதீ போ⁴க³வதீ, லாப⁴ஸக்காரபூஜிதா;
‘‘Rūpavatī bhogavatī, lābhasakkārapūjitā;
அந்தேபுரே மஹாவீர, தே³வானங் விய நந்த³னே.
Antepure mahāvīra, devānaṃ viya nandane.
8.
8.
‘‘நிப்³பி³ந்தி³த்வா அகா³ரம்ஹா, பப்³ப³ஜிம்ஹனகா³ரியங்;
‘‘Nibbinditvā agāramhā, pabbajimhanagāriyaṃ;
கதிபாஹங் உபாதா³ய, ஸப்³பா³ பத்தாம்ஹ நிப்³பு³திங்.
Katipāhaṃ upādāya, sabbā pattāmha nibbutiṃ.
9.
9.
‘‘சீவரங் பிண்ட³பாதஞ்ச, பச்சயங் ஸயனாஸனங்;
‘‘Cīvaraṃ piṇḍapātañca, paccayaṃ sayanāsanaṃ;
உபனெந்தி ப³ஹூ அம்ஹே, ஸதா³ ஸக்கதபூஜிதா.
Upanenti bahū amhe, sadā sakkatapūjitā.
10.
10.
‘‘கிலேஸா ஜா²பிதா அம்ஹங், ப⁴வா ஸப்³பே³ ஸமூஹதா;
‘‘Kilesā jhāpitā amhaṃ, bhavā sabbe samūhatā;
நாகீ³வ ப³ந்த⁴னங் செ²த்வா, விஹராம அனாஸவா.
Nāgīva bandhanaṃ chetvā, viharāma anāsavā.
11.
11.
‘‘ஸ்வாக³தங் வத நோ ஆஸி, மம பு³த்³த⁴ஸ்ஸ ஸந்திகே;
‘‘Svāgataṃ vata no āsi, mama buddhassa santike;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
12.
12.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் யஸவதீபமுகா²னி க²த்தியகஞ்ஞாபி⁴க்கு²னியோ அட்டா²ரஸஸஹஸ்ஸானி ப⁴க³வதோ ஸம்முகா² இமா கா³தா²யோ அபா⁴ஸித்தா²தி.
Itthaṃ sudaṃ yasavatīpamukhāni khattiyakaññābhikkhuniyo aṭṭhārasasahassāni bhagavato sammukhā imā gāthāyo abhāsitthāti.
யஸவதீபமுக²அட்டா²ரஸபி⁴க்கு²னீஸஹஸ்ஸாபதா³னங் பட²மங்.
Yasavatīpamukhaaṭṭhārasabhikkhunīsahassāpadānaṃ paṭhamaṃ.
Footnotes:
