| Library / Tipiṭaka / តិបិដក • Tipiṭaka / ធម្មបទបាឡិ • Dhammapadapāḷi |
។ នមោ តស្ស ភគវតោ អរហតោ សម្មាសម្ពុទ្ធស្ស។
Namo tassa bhagavato arahato sammāsambuddhassa
ខុទ្ទកនិកាយេ
Khuddakanikāye
ធម្មបទបាឡិ
Dhammapadapāḷi
១. យមកវគ្គោ
1. Yamakavaggo
១.
1.
មនោបុព្ពង្គមា ធម្មា, មនោសេដ្ឋា មនោមយា;
Manopubbaṅgamā dhammā, manoseṭṭhā manomayā;
មនសា ចេ បទុដ្ឋេន, ភាសតិ វា ករោតិ វា;
Manasā ce paduṭṭhena, bhāsati vā karoti vā;
តតោ នំ ទុក្ខមន្វេតិ, ចក្កំវ វហតោ បទំ។
Tato naṃ dukkhamanveti, cakkaṃva vahato padaṃ.
២.
2.
មនោបុព្ពង្គមា ធម្មា, មនោសេដ្ឋា មនោមយា;
Manopubbaṅgamā dhammā, manoseṭṭhā manomayā;
មនសា ចេ បសន្នេន, ភាសតិ វា ករោតិ វា;
Manasā ce pasannena, bhāsati vā karoti vā;
៣.
3.
យេ ច តំ ឧបនយ្ហន្តិ, វេរំ តេសំ ន សម្មតិ។
Ye ca taṃ upanayhanti, veraṃ tesaṃ na sammati.
៤.
4.
អក្កោច្ឆិ មំ អវធិ មំ, អជិនិ មំ អហាសិ មេ;
Akkocchi maṃ avadhi maṃ, ajini maṃ ahāsi me;
យេ ច តំ នុបនយ្ហន្តិ, វេរំ តេសូបសម្មតិ។
Ye ca taṃ nupanayhanti, veraṃ tesūpasammati.
៥.
5.
ន ហិ វេរេន វេរានិ, សម្មន្តីធ កុទាចនំ;
Na hi verena verāni, sammantīdha kudācanaṃ;
អវេរេន ច សម្មន្តិ, ឯស ធម្មោ សនន្តនោ។
Averena ca sammanti, esa dhammo sanantano.
៦.
6.
បរេ ច ន វិជានន្តិ, មយមេត្ថ យមាមសេ;
Pare ca na vijānanti, mayamettha yamāmase;
យេ ច តត្ថ វិជានន្តិ, តតោ សម្មន្តិ មេធគា។
Ye ca tattha vijānanti, tato sammanti medhagā.
៧.
7.
សុភានុបស្សិំ វិហរន្តំ, ឥន្ទ្រិយេសុ អសំវុតំ;
Subhānupassiṃ viharantaṃ, indriyesu asaṃvutaṃ;
ភោជនម្ហិ ចាមត្តញ្ញុំ, កុសីតំ ហីនវីរិយំ;
Bhojanamhi cāmattaññuṃ, kusītaṃ hīnavīriyaṃ;
តំ វេ បសហតិ មារោ, វាតោ រុក្ខំវ ទុព្ពលំ។
Taṃ ve pasahati māro, vāto rukkhaṃva dubbalaṃ.
៨.
8.
អសុភានុបស្សិំ វិហរន្តំ, ឥន្ទ្រិយេសុ សុសំវុតំ;
Asubhānupassiṃ viharantaṃ, indriyesu susaṃvutaṃ;
ភោជនម្ហិ ច មត្តញ្ញុំ, សទ្ធំ អារទ្ធវីរិយំ;
Bhojanamhi ca mattaññuṃ, saddhaṃ āraddhavīriyaṃ;
តំ វេ នប្បសហតិ មារោ, វាតោ សេលំវ បព្ពតំ។
Taṃ ve nappasahati māro, vāto selaṃva pabbataṃ.
៩.
9.
អនិក្កសាវោ កាសាវំ, យោ វត្ថំ បរិទហិស្សតិ;
Anikkasāvo kāsāvaṃ, yo vatthaṃ paridahissati;
អបេតោ ទមសច្ចេន, ន សោ កាសាវមរហតិ។
Apeto damasaccena, na so kāsāvamarahati.
១០.
10.
យោ ច វន្តកសាវស្ស, សីលេសុ សុសមាហិតោ;
Yo ca vantakasāvassa, sīlesu susamāhito;
ឧបេតោ ទមសច្ចេន, ស វេ កាសាវមរហតិ។
Upeto damasaccena, sa ve kāsāvamarahati.
១១.
11.
អសារេ សារមតិនោ, សារេ ចាសារទស្សិនោ;
Asāre sāramatino, sāre cāsāradassino;
តេ សារំ នាធិគច្ឆន្តិ, មិច្ឆាសង្កប្បគោចរា។
Te sāraṃ nādhigacchanti, micchāsaṅkappagocarā.
១២.
12.
សារញ្ច សារតោ ញត្វា, អសារញ្ច អសារតោ;
Sārañca sārato ñatvā, asārañca asārato;
តេ សារំ អធិគច្ឆន្តិ, សម្មាសង្កប្បគោចរា។
Te sāraṃ adhigacchanti, sammāsaṅkappagocarā.
១៣.
13.
យថា អគារំ ទុច្ឆន្នំ, វុដ្ឋី សមតិវិជ្ឈតិ;
Yathā agāraṃ ducchannaṃ, vuṭṭhī samativijjhati;
ឯវំ អភាវិតំ ចិត្តំ, រាគោ សមតិវិជ្ឈតិ។
Evaṃ abhāvitaṃ cittaṃ, rāgo samativijjhati.
១៤.
14.
យថា អគារំ សុឆន្នំ, វុដ្ឋី ន សមតិវិជ្ឈតិ;
Yathā agāraṃ suchannaṃ, vuṭṭhī na samativijjhati;
ឯវំ សុភាវិតំ ចិត្តំ, រាគោ ន សមតិវិជ្ឈតិ។
Evaṃ subhāvitaṃ cittaṃ, rāgo na samativijjhati.
១៥.
15.
ឥធ សោចតិ បេច្ច សោចតិ, បាបការី ឧភយត្ថ សោចតិ;
Idha socati pecca socati, pāpakārī ubhayattha socati;
សោ សោចតិ សោ វិហញ្ញតិ, ទិស្វា កម្មកិលិដ្ឋមត្តនោ។
So socati so vihaññati, disvā kammakiliṭṭhamattano.
១៦.
16.
ឥធ មោទតិ បេច្ច មោទតិ, កតបុញ្ញោ ឧភយត្ថ មោទតិ;
Idha modati pecca modati, katapuñño ubhayattha modati;
សោ មោទតិ សោ បមោទតិ, ទិស្វា កម្មវិសុទ្ធិមត្តនោ។
So modati so pamodati, disvā kammavisuddhimattano.
១៧.
17.
ឥធ តប្បតិ បេច្ច តប្បតិ, បាបការី 5 ឧភយត្ថ តប្បតិ;
Idha tappati pecca tappati, pāpakārī 6 ubhayattha tappati;
‘‘បាបំ មេ កត’’ន្តិ តប្បតិ, ភិយ្យោ 7 តប្បតិ ទុគ្គតិំ គតោ។
‘‘Pāpaṃ me kata’’nti tappati, bhiyyo 8 tappati duggatiṃ gato.
១៨.
18.
ឥធ នន្ទតិ បេច្ច នន្ទតិ, កតបុញ្ញោ ឧភយត្ថ នន្ទតិ;
Idha nandati pecca nandati, katapuñño ubhayattha nandati;
‘‘បុញ្ញំ មេ កត’’ន្តិ នន្ទតិ, ភិយ្យោ នន្ទតិ សុគ្គតិំ គតោ។
‘‘Puññaṃ me kata’’nti nandati, bhiyyo nandati suggatiṃ gato.
១៩.
19.
ពហុម្បិ ចេ សំហិត 9 ភាសមានោ, ន តក្ករោ ហោតិ នរោ បមត្តោ;
Bahumpi ce saṃhita 10 bhāsamāno, na takkaro hoti naro pamatto;
គោបោវ គាវោ គណយំ បរេសំ, ន ភាគវា សាមញ្ញស្ស ហោតិ។
Gopova gāvo gaṇayaṃ paresaṃ, na bhāgavā sāmaññassa hoti.
២០.
20.
អប្បម្បិ ចេ សំហិត ភាសមានោ, ធម្មស្ស ហោតិ 11 អនុធម្មចារី;
Appampi ce saṃhita bhāsamāno, dhammassa hoti 12 anudhammacārī;
រាគញ្ច ទោសញ្ច បហាយ មោហំ, សម្មប្បជានោ សុវិមុត្តចិត្តោ;
Rāgañca dosañca pahāya mohaṃ, sammappajāno suvimuttacitto;
អនុបាទិយានោ ឥធ វា ហុរំ វា, ស ភាគវា សាមញ្ញស្ស ហោតិ។
Anupādiyāno idha vā huraṃ vā, sa bhāgavā sāmaññassa hoti.
យមកវគ្គោ បឋមោ និដ្ឋិតោ។
Yamakavaggo paṭhamo niṭṭhito.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ធម្មបទ-អដ្ឋកថា • Dhammapada-aṭṭhakathā / ១. យមកវគ្គោ • 1. Yamakavaggo
