| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. વੁਟ੍ਠਿਸੁਤ੍ਤવਣ੍ਣਨਾ
4. Vuṭṭhisuttavaṇṇanā
੭੪. ਉਪ੍ਪਤਨ੍ਤਾਨਨ੍ਤਿ ਪਥવਿਂ ਭਿਨ੍ਦਿਤ੍વਾ ਉਟ੍ਠਹਨ੍ਤਾਨਂ। ‘‘ਸੇਟ੍ਠ’’ਨ੍ਤਿ વੁਚ੍ਚਮਾਨਤ੍ਤਾ ‘‘ਸਤ੍ਤવਿਧ’’ਨ੍ਤਿ વੁਤ੍ਤਂ, ਇਤਰੇਸਂ વਾ ਤਦਨੁਲੋਮਤੋ। ਖੇਮੋ ਹੋਤਿ ਦੁਬ੍ਭਿਕ੍ਖੁਪਦ੍ਦવਾਭਾવਤੋ। ਤੇਨਾਹ ‘‘ਸੁਭਿਕ੍ਖੋ’’ਤਿ। ਨਿਪਤਨ੍ਤਾਨਨ੍ਤਿ ਅਧੋਮੁਖਂ ਪવਤ੍ਤਨ੍ਤਾਨਂ। ਪવਜਮਾਨਾਨਨ੍ਤਿ વਜਨਸੀਲਾਨਂ। ਤੇ ਪਨ ਯਸ੍ਮਾ ਜਙ੍ਗਮਾ ਨਾਮ ਹੋਨ੍ਤਿ, ਨ ਰੁਕ੍ਖਾਦਯੋ વਿਯ ਥਾવਰਾ, ਤਸ੍ਮਾ ਆਹ ‘‘ਜਙ੍ਗਮਾਨ’’ਨ੍ਤਿ। ਗਾવੋਤਿ ਧੇਨੁਯੋ। ਤੇਨ ਮਹਿਂਸਾਦਿਕਾਨਮ੍ਪਿ ਸਙ੍ਗਹੋ ਦਟ੍ਠਬ੍ਬੋ। વਦਨ੍ਤਾਨਨ੍ਤਿ ਉਪ੍ਪਨ੍ਨਂ ਅਤ੍ਥਂ વਦਨ੍ਤਾਨਂ।
74.Uppatantānanti pathaviṃ bhinditvā uṭṭhahantānaṃ. ‘‘Seṭṭha’’nti vuccamānattā ‘‘sattavidha’’nti vuttaṃ, itaresaṃ vā tadanulomato. Khemo hoti dubbhikkhupaddavābhāvato. Tenāha ‘‘subhikkho’’ti. Nipatantānanti adhomukhaṃ pavattantānaṃ. Pavajamānānanti vajanasīlānaṃ. Te pana yasmā jaṅgamā nāma honti, na rukkhādayo viya thāvarā, tasmā āha ‘‘jaṅgamāna’’nti. Gāvoti dhenuyo. Tena mahiṃsādikānampi saṅgaho daṭṭhabbo. Vadantānanti uppannaṃ atthaṃ vadantānaṃ.
ਅਤ੍ਤਨੋ ਖਨ੍ਤਿਯਾਤਿ ਅਤ੍ਤਨੋ ਖਨ੍ਤਿਯਾ ਰੁਚਿਯਾ ਗਹਿਤਭਾવੇਨ। ਇਤਰਾ ਦੇવਤਾ ਤਸ੍ਸਾ વਿਸ੍ਸਜ੍ਜਨੇ ਅਪਰਿਤੁਸ੍ਸਮਾਨਾ ਆਹ। ਯਾવ ਪਧਂਸੀਤਿ ਗੁਣਧਂਸੀ ਸਤ੍ਥੁਦੇਸਨਾਯ ਲਦ੍ਧਬ੍ਬਗੁਣਨਾਸਨਤੋ। ਪਗਬ੍ਬਾਤਿ ਪਾਗਬ੍ਬਿਯੇਨ ਸਮਨ੍ਨਾਗਤਾ, ਯਥਾ વਚੀਪਾਗਬ੍ਬਿਯੇਨ ਅਖਰਾ, ਤਥਾ વਾਚਾਯ ਭવਿਤਬ੍ਬਂ। ਮੁਖਰਾਤਿ ਮੁਖਖਰਾ। ਦਸਬਲਂ ਪੁਚ੍ਛਿ ਸਣ੍ਹਂ ਸੁਖੁਮਂ ਰਤਨਤ੍ਤਯਸਂਹਿਤਂ ਅਤ੍ਥਂ ਸੋਤੁਕਾਮਾ। ਅਸ੍ਸਾ ਦੇવਤਾਯ વਿਸ੍ਸਜ੍ਜੇਨ੍ਤੋ ਅਜ੍ਝਾਸਯਾਨੁਰੂਪਂ। ਉਪ੍ਪਤਮਾਨਾਤਿ ਉਪ੍ਪਤਨ੍ਤੀ ਸਮੁਗ੍ਘਾਟੇਤਿ ਓਧਿਸੋ। વਟ੍ਟਮੂਲਕਮਹਾਅવਿਜ੍ਜਾਤਿ ਤਸ੍ਸਾ ਆਦੀਨવਦਸ੍ਸਨਤ੍ਥਂ ਭੂਤਕਥਨવਿਸੇਸਨਂ। ਓਸੀਦਨ੍ਤਾਨਨ੍ਤਿ ਪਟਿਪਕ੍ਖવਸੇਨ ਅਧੋ ਸੀਦਨ੍ਤਾਨਂ, ਉਸ੍ਸਾਦਯਮਾਨਾਨਨ੍ਤਿ ਅਤ੍ਥੋ। ਪੁਞ੍ਞਕ੍ਖੇਤ੍ਤਭੂਤੋਤਿ ਇਦਂ ‘‘ਪਦਸਾ ਚਰਮਾਨਾਨ’’ਨ੍ਤਿ ਪਦਸ੍ਸ ਅਤ੍ਥવਿવਰਣવਸੇਨ ਭੂਤਕਥਨવਿਸੇਸਨਂ। ਯਾਦਿਸੋ ਪੁਤ੍ਤੋ વਾ ਹੋਤੂਤਿ ਇਦਂ ਪੁਰਿਮਪਦੇ ਦੇવਤਾਯ ਪੁਤ੍ਤਗਹਣਸ੍ਸ ਕਤਤ੍ਤਾ વੁਤ੍ਤਂ।
Attanokhantiyāti attano khantiyā ruciyā gahitabhāvena. Itarā devatā tassā vissajjane aparitussamānā āha. Yāva padhaṃsīti guṇadhaṃsī satthudesanāya laddhabbaguṇanāsanato. Pagabbāti pāgabbiyena samannāgatā, yathā vacīpāgabbiyena akharā, tathā vācāya bhavitabbaṃ. Mukharāti mukhakharā. Dasabalaṃ pucchi saṇhaṃ sukhumaṃ ratanattayasaṃhitaṃ atthaṃ sotukāmā. Assā devatāya vissajjento ajjhāsayānurūpaṃ. Uppatamānāti uppatantī samugghāṭeti odhiso. Vaṭṭamūlakamahāavijjāti tassā ādīnavadassanatthaṃ bhūtakathanavisesanaṃ. Osīdantānanti paṭipakkhavasena adho sīdantānaṃ, ussādayamānānanti attho. Puññakkhettabhūtoti idaṃ ‘‘padasā caramānāna’’nti padassa atthavivaraṇavasena bhūtakathanavisesanaṃ. Yādiso putto vā hotūti idaṃ purimapade devatāya puttagahaṇassa katattā vuttaṃ.
વੁਟ੍ਠਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vuṭṭhisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. વੁਟ੍ਠਿਸੁਤ੍ਤਂ • 4. Vuṭṭhisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. વੁਟ੍ਠਿਸੁਤ੍ਤવਣ੍ਣਨਾ • 4. Vuṭṭhisuttavaṇṇanā
