| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. વੁਟ੍ਠਿਸੁਤ੍ਤવਣ੍ਣਨਾ
4. Vuṭṭhisuttavaṇṇanā
੭੪. ਚਤੁਤ੍ਥੇ ਬੀਜਨ੍ਤਿ ਉਪ੍ਪਤਨ੍ਤਾਨਂ ਸਤ੍ਤવਿਧਂ ਧਞ੍ਞਬੀਜਂ ਸੇਟ੍ਠਂ। ਤਸ੍ਮਿਞ੍ਹਿ ਉਗ੍ਗਤੇ ਜਨਪਦੋ ਖੇਮੋ ਹੋਤਿ ਸੁਭਿਕ੍ਖੋ। ਨਿਪਤਤਨ੍ਤਿ ਨਿਪਤਨ੍ਤਾਨਂ ਮੇਘવੁਟ੍ਠਿ ਸੇਟ੍ਠਾ। ਮੇਘવੁਟ੍ਠਿਯਞ੍ਹਿ ਸਤਿ વਿવਿਧਾਨਿ ਸਸ੍ਸਾਨਿ ਉਪ੍ਪਜ੍ਜਨ੍ਤਿ, ਜਨਪਦਾ ਫੀਤਾ ਹੋਨ੍ਤਿ ਖੇਮਾ ਸੁਭਿਕ੍ਖਾ। ਪવਜਮਾਨਾਨਨ੍ਤਿ ਜਙ੍ਗਮਾਨਂ ਪਦਸਾ ਚਰਮਾਨਾਨਂ ਗਾવੋ ਸੇਟ੍ਠਾ। ਤਾ ਨਿਸ੍ਸਾਯ ਹਿ ਸਤ੍ਤਾ ਪਞ੍ਚ ਗੋਰਸੇ ਪਰਿਭੁਞ੍ਜਮਾਨਾ ਸੁਖਂ વਿਹਰਨ੍ਤਿ। ਪવਦਤਨ੍ਤਿ ਰਾਜਕੁਲਮਜ੍ਝਾਦੀਸੁ વਦਨ੍ਤਾਨਂ ਪੁਤ੍ਤੋ વਰੋ। ਸੋ ਹਿ ਮਾਤਾਪਿਤੂਨਂ ਅਨਤ੍ਥਾવਹਂ ਨ વਦਤਿ।
74. Catutthe bījanti uppatantānaṃ sattavidhaṃ dhaññabījaṃ seṭṭhaṃ. Tasmiñhi uggate janapado khemo hoti subhikkho. Nipatatanti nipatantānaṃ meghavuṭṭhi seṭṭhā. Meghavuṭṭhiyañhi sati vividhāni sassāni uppajjanti, janapadā phītā honti khemā subhikkhā. Pavajamānānanti jaṅgamānaṃ padasā caramānānaṃ gāvo seṭṭhā. Tā nissāya hi sattā pañca gorase paribhuñjamānā sukhaṃ viharanti. Pavadatanti rājakulamajjhādīsu vadantānaṃ putto varo. So hi mātāpitūnaṃ anatthāvahaṃ na vadati.
વਿਜ੍ਜਾ ਉਪ੍ਪਤਤਂ ਸੇਟ੍ਠਾਤਿ ਪੁਰਿਮਪਞ੍ਹੇ ਕਿਰ ਸੁਤ੍વਾ ਸਮੀਪੇ ਠਿਤਾ ਏਕਾ ਦੇવਤਾ ‘‘ਦੇવਤੇ, ਕਸ੍ਮਾ ਤ੍વਂ ਏਤਂ ਪਞ੍ਹਂ ਦਸਬਲਂ ਪੁਚ੍ਛਸਿ? ਅਹਂ ਤੇ ਕਥੇਸ੍ਸਾਮੀ’’ਤਿ ਅਤ੍ਤਨੋ ਖਨ੍ਤਿਯਾ ਲਦ੍ਧਿਯਾ ਪਞ੍ਹਂ ਕਥੇਸਿ। ਅਥ ਨਂ ਇਤਰਾ ਦੇવਤਾ ਆਹ – ‘‘ਯਾવ ਪਧਂਸੀ વਦੇਸਿ ਦੇવਤੇ ਯਾવ ਪਗਬ੍ਭਾ ਮੁਖਰਾ, ਅਹਂ ਬੁਦ੍ਧਂ ਭਗવਨ੍ਤਂ ਪੁਚ੍ਛਾਮਿ। ਤ੍વਂ ਮਯ੍ਹਂ ਕਸ੍ਮਾ ਕਥੇਸੀ’’ਤਿ? ਨਿવਤ੍ਤੇਤ੍વਾ ਤਦੇવ ਪਞ੍ਹਂ ਦਸਬਲਂ ਪੁਚ੍ਛਿ। ਅਥਸ੍ਸਾ ਸਤ੍ਥਾ વਿਸ੍ਸਜ੍ਜੇਨ੍ਤੋ વਿਜ੍ਜਾ ਉਪ੍ਪਤਤਨ੍ਤਿਆਦਿਮਾਹ। ਤਤ੍ਥ વਿਜ੍ਜਾਤਿ ਚਤੁਮਗ੍ਗવਿਜ੍ਜਾ। ਸਾ ਹਿ ਉਪ੍ਪਤਮਾਨਾ ਸਬ੍ਬਾਕੁਸਲਧਮ੍ਮੇ ਸਮੁਗ੍ਘਾਤੇਤਿ। ਤਸ੍ਮਾ ‘‘ਉਪ੍ਪਤਤਂ ਸੇਟ੍ਠਾ’’ਤਿ વੁਤ੍ਤਾ। ਅવਿਜ੍ਜਾਤਿ વਟ੍ਟਮੂਲਕਮਹਾਅવਿਜ੍ਜਾ। ਸਾ ਹਿ ਨਿਪਤਨ੍ਤਾਨਂ ਓਸੀਦਨ੍ਤਾਨਂ વਰਾ। ਪવਜਮਾਨਾਨਨ੍ਤਿ ਪਦਸਾ ਚਰਮਾਨਾਨਂ ਜਙ੍ਗਮਾਨਂ ਅਨੋਮਪੁਞ੍ਞਕ੍ਖੇਤ੍ਤਭੂਤੋ ਸਙ੍ਘੋ વਰੋ। ਤਞ੍ਹਿ ਤਤ੍ਥ ਤਤ੍ਥ ਦਿਸ੍વਾ ਪਸਨ੍ਨਚਿਤ੍ਤਾ ਸਤ੍ਤਾ ਸੋਤ੍ਥਿਂ ਪਾਪੁਣਨ੍ਤਿ। ਬੁਦ੍ਧੋਤਿ ਯਾਦਿਸੋ ਪੁਤ੍ਤੋ વਾ ਹੋਤੁ ਅਞ੍ਞੋ વਾ, ਯੇਸਂ ਕੇਸਞ੍ਚਿ વਦਮਾਨਾਨਂ ਬੁਦ੍ਧੋ વਰੋ। ਤਸ੍ਸ ਹਿ ਧਮ੍ਮਦੇਸਨਂ ਆਗਮ੍ਮ ਅਨੇਕਸਤਸਹਸ੍ਸਾਨਂ ਪਾਣਾਨਂ ਬਨ੍ਧਨਮੋਕ੍ਖੋ ਹੋਤੀਤਿ। ਚਤੁਤ੍ਥਂ।
Vijjāuppatataṃ seṭṭhāti purimapañhe kira sutvā samīpe ṭhitā ekā devatā ‘‘devate, kasmā tvaṃ etaṃ pañhaṃ dasabalaṃ pucchasi? Ahaṃ te kathessāmī’’ti attano khantiyā laddhiyā pañhaṃ kathesi. Atha naṃ itarā devatā āha – ‘‘yāva padhaṃsī vadesi devate yāva pagabbhā mukharā, ahaṃ buddhaṃ bhagavantaṃ pucchāmi. Tvaṃ mayhaṃ kasmā kathesī’’ti? Nivattetvā tadeva pañhaṃ dasabalaṃ pucchi. Athassā satthā vissajjento vijjā uppatatantiādimāha. Tattha vijjāti catumaggavijjā. Sā hi uppatamānā sabbākusaladhamme samugghāteti. Tasmā ‘‘uppatataṃ seṭṭhā’’ti vuttā. Avijjāti vaṭṭamūlakamahāavijjā. Sā hi nipatantānaṃ osīdantānaṃ varā. Pavajamānānanti padasā caramānānaṃ jaṅgamānaṃ anomapuññakkhettabhūto saṅgho varo. Tañhi tattha tattha disvā pasannacittā sattā sotthiṃ pāpuṇanti. Buddhoti yādiso putto vā hotu añño vā, yesaṃ kesañci vadamānānaṃ buddho varo. Tassa hi dhammadesanaṃ āgamma anekasatasahassānaṃ pāṇānaṃ bandhanamokkho hotīti. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. વੁਟ੍ਠਿਸੁਤ੍ਤਂ • 4. Vuṭṭhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. વੁਟ੍ਠਿਸੁਤ੍ਤવਣ੍ਣਨਾ • 4. Vuṭṭhisuttavaṇṇanā
