| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೧೦. ವೋಹಾರಕಥಾವಣ್ಣನಾ
10. Vohārakathāvaṇṇanā
೩೪೭. ವೋಹಾರಕಥಾಯಂ ಉದಾಹು ಸೋತಾದೀನಿಪೀತಿ ಏಕನ್ತಲೋಕಿಯೇಸು ವಿಸಯವಿಸಯೀಸು ವಿಸಯಸ್ಸೇವ ಲೋಕುತ್ತರಭಾವೋ, ನ ವಿಸಯೀನನ್ತಿ ನತ್ಥೇತ್ಥ ಕಾರಣಂ। ಯಥಾ ಚ ವಿಸಯೀನಂ ಲೋಕುತ್ತರಭಾವೋ ಅಸಿದ್ಧೋ, ತಥಾ ವಿಸಯಸ್ಸ ಸದ್ದಾಯತನಸ್ಸ। ತತ್ಥ ಯಥಾ ಅಸಿದ್ಧಲೋಕುತ್ತರಭಾವಸ್ಸ ತಸ್ಸ ಲೋಕುತ್ತರತಾ, ಏವಂ ಸೋತಾದೀನಂ ಆಪನ್ನಾತಿ ಕಿನ್ತಿ ತಾನಿಪಿ ಲೋಕುತ್ತರಾನೀತಿ ಅತ್ಥೋ ದಟ್ಠಬ್ಬೋ।
347. Vohārakathāyaṃ udāhu sotādīnipīti ekantalokiyesu visayavisayīsu visayasseva lokuttarabhāvo, na visayīnanti natthettha kāraṇaṃ. Yathā ca visayīnaṃ lokuttarabhāvo asiddho, tathā visayassa saddāyatanassa. Tattha yathā asiddhalokuttarabhāvassa tassa lokuttaratā, evaṃ sotādīnaṃ āpannāti kinti tānipi lokuttarānīti attho daṭṭhabbo.
ಯದಿ ಲೋಕುತ್ತರೇ ಪಟಿಹಞ್ಞೇಯ್ಯ, ಲೋಕುತ್ತರೋ ಸಿಯಾತಿ ಅತ್ಥೋ ನ ಗಹೇತಬ್ಬೋ। ನ ಹಿ ಲೋಕುತ್ತರೇ ಪಟಿಹಞ್ಞತೀತಿ ಪರಿಕಪ್ಪಿತೇಪಿ ಸದ್ದಸ್ಸ ಲೋಕುತ್ತರಭಾವೋ ಅತ್ಥೀತಿ ಅಧಿಪ್ಪಾಯೋ। ‘‘ಲೋಕಿಯೇನ ಞಾಣೇನಾ’’ತಿ ಉದ್ಧಟಂ, ‘‘ವಿಞ್ಞಾಣೇನಾ’’ತಿ ಪನ ಪಾಳಿ, ತಞ್ಚ ವಿಞ್ಞಾಣಂ ಸೋತಸಮ್ಬನ್ಧೇನ ಸೋತವಿಞ್ಞಾಣನ್ತಿ ವಿಞ್ಞಾಯತೀತಿ। ಅನೇಕನ್ತತಾತಿ ಲೋಕಿಯೇನ ಞಾಣೇನ ಜಾನಿತಬ್ಬತೋ ಲೋಕಿಯೋತಿ ಏತಸ್ಸ ಹೇತುಸ್ಸ ಲೋಕಿಯೇ ಲೋಕುತ್ತರೇ ಚ ಸಮ್ಭವತೋ ಅನೇಕನ್ತಭಾವೋ ಸಿಯಾತಿ ಅಧಿಪ್ಪಾಯೋ।
Yadi lokuttare paṭihaññeyya, lokuttaro siyāti attho na gahetabbo. Na hi lokuttare paṭihaññatīti parikappitepi saddassa lokuttarabhāvo atthīti adhippāyo. ‘‘Lokiyena ñāṇenā’’ti uddhaṭaṃ, ‘‘viññāṇenā’’ti pana pāḷi, tañca viññāṇaṃ sotasambandhena sotaviññāṇanti viññāyatīti. Anekantatāti lokiyena ñāṇena jānitabbato lokiyoti etassa hetussa lokiye lokuttare ca sambhavato anekantabhāvo siyāti adhippāyo.
ವೋಹಾರಕಥಾವಣ್ಣನಾ ನಿಟ್ಠಿತಾ।
Vohārakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೯) ೧೦. ವೋಹಾರಕಥಾ • (19) 10. Vohārakathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ವೋಹಾರಕಥಾವಣ್ಣನಾ • 10. Vohārakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೦. ವೋಹಾರಕಥಾವಣ್ಣನಾ • 10. Vohārakathāvaṇṇanā
